Yohanes 17:26 - Taaz Weru Witu u Nunuwu'en Tombulu

²⁶ Séi si Ama' é mémoikua-Ku wia ni séra, wo niitu én zéi'kan ikana'-Ku im wanguneng-Ku, wo séra mahraa-raatéan tanu si Ama' rumaraaté ni Aku wo ni Aku maesa karia néra.”

Yohanes 17:26 Iomraidhean Croise

Yohanes 14:20

In endo itiimo ni kamu lamata'u i ni Aku é nimaesa karia ni Ama', ni kamu é nimaesa karia-Ku wo ni Aku é nimaesa karia niou.

Yohanes 14:23

Ang kuan ni Yesus, “Si tou rumaraaté ni Aku é mangun a nuwu'-Ku. Si Ama'-Ku é rumaraaté ni sia wo si Ama'-Ku wo ni Aku é méyé wia ni sia wo mento' mahwali-wali kariana.

Yohanes 15:15

Ni kamu én zéi'mo pahkuang-Ku in ata, pahpaan si ata én zéi'kan mata'u a mawangunen ni tuangna, taan ni kamu ém pahkuang-Ku ing kakaria, pahpaan ni Aku éng kimuamo wia ni kamu péléng an tinalinga-Kumé wia si Ama'-Ku.

Yohanes 15:4

Niitumo, maesamola karia-Ku tanu ni Aku nimaesa karia niou. Tanu um panga én zéi'kan mata'u mua' sa zéi'kan nimaesa karia un tuuzna un anggor, téntu kangkasii ni kamu zéi'kan mua' sa zéi'kan nimaesa karia-Ku.

Yohanes 15:9

A si Yesus kumua kasiima wia sé pahtuzu'en-Na, “Tanu si Ama' rumaraaté ni Aku, téntu kangkasii ni Aku rumaraaté ni kamu. Menou-noula in tou sé karaaté-Ku.

Yohanes 17:23

Ni Aku nimaesa karia néra wo si Ama' nimaesa karia-Ku wo ni séra uli-ulit nimaesa. Wo sé tou walina wia ung kaayahan kenu mata'u i si Ama' si nimatumé ni Aku wo si Ama' rumaraaté ni séra, tanu si Ama' rumaraaté ni Aku.

Yohanes 17:6

Ni Aku é nimapata'umoma si Ama' wia sé tou wia ung kaayahan kenu sé méiwéhémo ni Ama' wia ni Aku. Ni séra én anu ni Ama' wo si Ama' é niméhémo ni séra wia ni Aku. Ni séra éng kimiito u nuwu' ni Ama'.

Yohanes 17:8

Pahpaan péléng a méinuwu' ni Ama' wia ni Aku é méikua-Kumola wia ni séra wo ni séra én timalingamo wo ma'émano niitu. Ni séra é mata'umo i ni Aku én uli-ulit wia si Ama' a méyé wo ni séra é ma'éman i si Ama' si nimatumé ni Aku.

Yohanes 6:56

Séi uman si kuman un awak-Ku wo melep un zaha'-Ku, si tou itii é nimaesamo karia-Ku wo ni Aku é nimaesamo kariana.

Yohanes 8:50

Ni Aku én zéi'kan mahaléi sé tou i sumigi' ni Aku. Wéwéhan si esa si paaz wo ni Aku sigi'en, ni Siamo si mahtotoz in ulit kaapa zéi'kan um pahwangunen né tou.

Roma 8:10

Taan sa si Kristus é nimaesamo karia niou, zozo' un tou niou é maté pahpaan a singkéla', taan si Roh ni Opo Empung é méhé ung katou-touan wia ni kamu pahpaan ni kamu é niéndo-Na ulit.

1 Korintus 1:30

Si Opo Empung si nimangun ni kamu nimaesa karia ni Kristus Yesus wo si Kristus Yesus nimangun ni kita makailek ung katulapan ni Opo Empung. Ni kita nimaéndo ulit im witu u sinaru ni Opo Empung, nimaéndo tou linenas ni Opo Empung wo timubus ni kita.

1 Korintus 12:12

Witu un awak ni tou ém wéwéhan un a'é, u lengen wo am walina, taan un awak itii én esa uman. Zozo' um witu un awak é lakez, taan un awak én esa uman. Téntu kangkasii ni kita i ma'éman, zozo'pé' ni kita é lakez, taan ni kita én esa wia si Kristus.

Galatia 2:20

In tarékan, zéi'mo ni aku si menou-nou taan si Kristus si menou-nou wo mahkawasa witu ung katou-touangku. Witu ung katou-touangku wia ung kaayahan in tarékan kangkasii, ni aku é menou-nou witu um pa'émanengku wia si Oki' ni Opo Empung, si totoz rimaraatémo ni aku wo niméhémo un tou-Na in esa wia ni aku.

Efesus 1:6

Niitumo, ni Sia ém pahloozen pahpaan ung kamang méitambér-Na én totoz wangko'. Niitu méiwéhé-Na wia ni kita mengiité si Yesus Kristus si Oki'-Na si ikararaaté-Na.

Efesus 3:17

Pahpaan ni kamu ma'éman wia si Kristus, si Kristus é mento' witu un até niou wo u mahraa-raatéan é maéndo to'tolan wo kimawasa ung katou-touan niou.

Efesus 5:30

Ni Sia nimiara wo nimurus ni kita pahpaan ni kita é méikauntep awak-Na.

Efesus 5:32

Un tutuzu' taré ikuakuma itii ung kalakoana én totoz susa im pahtata'un né tou, taan ung kalakoan u méikua-Kuma én tumoro um pinasungkulan ni Kristus karia né jamaat-Na.

Kolose 1:27

Im wia sé tou-Na, si Opo Empung ém paaz i mapata'u, in totoz wa'ilan wo wangko' a méikawunipé' itii im wia sé tou walina sé zéi'kan Yahudi. U méikawunipé' itii én téntii: Si Kristus ém witumo un até niou, ni Siamo si pahéré'an i makailek u sigi' wo looz ni Opo Empung.

Kolose 2:10

Wo pahpaan i nimaesamo karia ni Kristus, ni kamu ém winéhan ung katou-touan nimawutul. Ni Siamo si tonaas péleng né roh sé mahpeperénta wo sé mahkakawasa.

Kolose 3:11

Niitumo, wia ni kita én zéi'mo siapa si pahkuan tou Yunani kaapa tou Yahudi, tou sinunat kaapa zéi'kan sinunat, tou Barbar kaapa tou Skit, ata kaapa zéi'mo ata, pahpaan si Kristus si ipahpuu-puuna wo péléng sé tou ma'éman é nimaesamo karia-Na.

2 Tesalonika 2:16

Mengalé-ngaléi uman si Yesus Kristus Mahpiarata wo si Opo Empung Ama'ta, si rimaraatémola ni kita wo nimenté'mola un atéta makaz ing kauré-uré wo nimangunola ni kita ezen i ma'ento' am wangun mengiité ung kamang tatambér-Na,

Ibrani 2:12

Si Yesus éng kimua, “Ama', u ngaran-Mu én iwoka'-Ku wia sé katuari-Ku, wo ni Ko é loozeng-Ku i ni Aku nimaréwok karia né jamaat.”

1 Yohanes 3:24

Séi si mahkiit peléng a méiperénta-Na, ni sia é nimaesa karia ni Opo Empung wo si Opo Empung é nimaesa kariana. Karia in téntu, ni kita én toro mata'ula i si Opo Empung é nimaesa kariata, pahpaan ni Sia én timambéromé si Roh-Na wia ni kita.