Yohanes 17:25 - Taaz Weru Witu u Nunuwu'en Tombulu

²⁵ O Ama' si zéi'kan mahsanaweka, sé tou wia ung kaayahan én zéi'kan mata'u si Ama', taan ni Aku é mata'u si Ama' wo sé pahtuzu'eng-Ku kenu é mata'u i si Ama' si nimatumé ni Aku.

Yohanes 17:25 Iomraidhean Croise

Matius 11:27

A si Yesus kumua kasiima, “Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama' si mata'u si Oki', wo zéi'kan siapa zozo' in esa si mata'u si Ama', akaz uman si Oki' si mata'u si Ama' wo sé tou pinéléng ni Oki' sé makuaan-Na tumoro si Ama'-Na.

Matius 16:16

A mingkotla si Simon Petrus, “Ni Komo si Mesias, Oki' ni Opo Empung si menou-nou.”

Lukas 10:22

Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama'. Zéi'kan siapa zozo' in esa si mata'u si Ama', akaz uman si Oki' wo sé tou sé kapaaz ni Oki' sé makuaan-Na tumoro si Ama'.”

Yohanes 1:18

Zéi'kan siapa si tou nimahile-ilekola si Opo Empung, akaz uman si Oki'-Na si esa uman si nimileko si Opo Empung. Si Oki'-Na sekezé é mengari-ngaria si Ama' wo ni Siamo si mahtuzu'mé wia ni kita séi si Opo Empung.

Yohanes 10:15

tanu si Ama' mata'u ni Aku wo ni Aku mata'u si Ama', wo ni Aku mahwéhé ung katou-touang-Ku, wo sé domba-Ku toro menou-nou.

Yohanes 15:21

Taan péléng niitu ém wangunen néra wia ni kamu pahpaan ni kamu ma'éman ni Aku, pahpaan ni séra én zéi'kan mata'u ni Sia si nimatumé ni Aku.

Yohanes 16:27

si Ama' in esa é rumaraaté ni kamu, pahpaan ni kamu é rimaraatémola ni Aku wo ma'éman i ni Aku ém wia si Opo Empung a méyé.

Yohanes 16:3

Ni séra mahwangun an téntu wia ni kamu pahpaan ni séra én zéi'kampé' mata'u si Ama' wo ni Aku.

Yohanes 16:30

In tarékan kata'uan naimo i si Méster é mata'umo péléng am péléng wo sé tou én zéi'mo totoz meligau wia si Méster. Niitumo ni kai é ma'éman i si Méster ém wia si Opo Empung a méyé.”

Yohanes 17:11

In tarékan ni Aku én zéi'mo mauréma mawurimo sumaup wia si Ama'. Ni Aku én tumula'u ung kaayahan, taan ni séra é memia-miapé' wia ung kaayahan. O Ama' Lenas, téizané séra karia u ngaran ni Ama', niitumo u ngaran méiwéhé ni Ama' wia ni Aku, wo séra maesa tanu ni Aku wo si Ama' nimaesa.

Yohanes 17:18

Tanu si Ama' nimatumé ni Aku i méyé wia ung kaayahan, téntu kangkasii ni Aku nimatu ni séra i mangé wia sé tou walina sé wia ung kaayahan.

Yohanes 17:21

Ni Aku mengaléi, wo ni séra péléng maesa, tanu si Ama' nimaesa karia-Ku wo ni Aku nimaesa karia ni Ama'. Wo ni séra kasii nimaesa karia ni Kita, wo sé tou walina wia ung kaayahan kenu ma'éman i si Ama' si nimatumé ni Aku.

Yohanes 17:23

Ni Aku nimaesa karia néra wo si Ama' nimaesa karia-Ku wo ni séra uli-ulit nimaesa. Wo sé tou walina wia ung kaayahan kenu mata'u i si Ama' si nimatumé ni Aku wo si Ama' rumaraaté ni séra, tanu si Ama' rumaraaté ni Aku.

Yohanes 17:3

Ung kenumo ung katou-touan makaz ing kauré-uré, i sé tou mata'u si Ama', si Ama' é si Opo Empung si esa uman si ulit wo mata'u ni Aku, si Yesus Kristus si méiatumé ni Ama'.

Yohanes 17:8

Pahpaan péléng a méinuwu' ni Ama' wia ni Aku é méikua-Kumola wia ni séra wo ni séra én timalingamo wo ma'émano niitu. Ni séra é mata'umo i ni Aku én uli-ulit wia si Ama' a méyé wo ni séra é ma'éman i si Ama' si nimatumé ni Aku.

Yohanes 3:17

Pahpaan si Opo Empung nimatumé si Oki'-Na wia ung kaayahan kenu zéi'kan i mémukum sé tou wia ung kaayahan, taan i milot sé tou wia ung kaayahan kenu im witu un ukuman wana a singkéla'.

Yohanes 6:19

Im woo lima kaapa enemna kilométer ung kazou'na um pinanggayuan néra, an ileken nérama si Yesus mahlampangé witu um wawo un zano mahrétémé u londéi sinakéan néra. Ni séra én totoz maindé'.

Yohanes 7:29

Ni Aku é mata'u ni Sia pahpaan ni Aku ém wia ni Sia a méyé wo ni Siamo si nimatumé ni Aku.”

Yohanes 8:19

Ang kuan néra wia ni Sia, “Wisa wé si Ama'-Mu?” Si Yesus mingkotla, “Ni kamu én zéi'kan mata'u ni Aku wo si Ama'-Ku. Sa kamu mata'u ni Aku, ni kamu kangkasii é mata'u si Ama'-Ku.”

Yohanes 8:55

Un ulitna ni kamu zéi'kan mata'u ni Sia, taan ni Aku é mata'u ni Sia. Sa ni Aku kumuama in zéi'kan mata'u ni Sia, ni Aku én tantowo, kasuat niou. Taan ni Aku mata'u ni Sia wo ni Aku é mahwangun am pahkua-Na.

Kisah Rasul-rasul 17:23

Pahpaan i ni aku melaé-laés wia um wanua tua'na niou kenu, ni aku nimilek um pahtunuan a raragés um pinantikan in téntii, ‘Wia si Opo Empung si zéi'kan kata'uan.’ Si Opo Empung si pahongko-ongkotan niou zozo' zéi'kan kata'uan niou itii, ni Siamo si Opo Empung ipahtutuzu'ku wia ni kamu in tarékan.

Kisah Rasul-rasul 26:18

i mangun am weren néra mawula', wo ni séra zéi'mo menou-nou witu ung karimbengbengan taan menou-nou witu un ayah. Wo menou-nou zéi'mo kinawasa ni tonaas né sétang taan mahkiito um paaz ni Opo Empung. Wo pahpaan um pa'émanen néra wia ni Aku, ni séra é makailek un ampungan wana a singkéla' néra. Wo ni séra kasii é makailek um wéwéténgan im wana an tinotozo in iwéhé ni Opo Empung wia sé tou sé linenas-Na.’

Roma 1:28

Pahpaan ni séra én zéi'mo pandung wia si Opo Empung, ni séra é méiwaya-Na i megena-genang uman an zéi'kan toro wangunen. Niitumo ni séra éng kalousna i mahwangun an zéi'kan toro wangunen.

Roma 3:11

Zéi'kan siapa zozo' in esa si tou mata'u un ulit. Zéi'kan siapa zozo' in esa si mahtututu' i menéro si Opo Empung.

Roma 3:26

In tarékan si Yesus nimaté simawel ni kita, niitumo un tumuzu'mé i si Opo Empung én zéi'kan mahsanaweka. Karia in téntu si Opo Empung mapaileké i ni Sia én ulit wo péléng sé ma'éman wia si Yesus én éndon ulit ni Opo Empung witu u sinaru-Na.

1 Korintus 1:21

Pahpaan maan ing kuramokan ung katulapan ni tou, ni sia én zéi'kan makawawa i mata'u si Opo Empung. Taan si Opo Empung én timotoz i miloté im witu um patéan, sé tou timalinga u Nuwu' Lé'os tumoro si Yesus u méipahwoka' nai a ma'éman wia ni Sia, zozo' sé tou wia ung kaayahan ém wéwéhan sé mahkua sa u Nuwu' Lé'os itii éng kalemouan.

1 Korintus 15:34

Niitumo in tarékan, pakagena-genangela lé'os wo tia' kamu memangu-mangunpé' a singkéla'. Pahpaan im wia ni kamu ém wéwéhampé' sé zéi'kan mata'u si Opo Empung. Niitu én ikuakuma wia ni kamu wo kamu maizang.

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

2 Tesalonika 1:8

Ni Sia kasii in timumpamé é mémukum sé tou soo mata'u si Opo Empung wo soo mahkiit u Nuwu' Lé'os tumoro si Yesus, si Mahpiarata.

Ibrani 8:11

Ni séra én zéi'mo pandung i mahtuzu' sé kawanua néra, kaapa sé katuari néra ing kumua: Mata'ula si Opo Empung! Pahpaan ni séra péléng, in tou kanaramen kaapa in tou pahsigi-sigi'en é lamata'u ni Aku.

1 Yohanes 1:9

Sa kita makaulitla a singkéla'ta wia si Opo Empung, ni Sia én zéi'kan maliuz wana an taaz-Na wo zéi'kan mahsanaweka, niitumo a singkéla'ta én ampungan-Na wo ni kita ém weresin im wana a léwo'an.

Wahyu 13:8

Si binatang itii ém pahongkotan wo pahsigi'en péléng né tou mahento' wia ung kaayahan, sé rengané ung kaayahan kenu im winangun, a ngaran néra én zéi'kan méipantik witu ung Kitap Katou-touan un anu ni Anak ni Domba, si kinerizo.

Wahyu 16:5

Talingangkumé si malaekat si mahkawasa wana an zano itii kimuamé, “Ni Ko én zéi'kan mahsanaweka, ni Ko ém wia in tarékan wo wiamo rengan im puuna, ni Ko é lenas, pahpaan ni Ko é niméhémomé un ukuman kenu.