Yohanes 17:23 - Taaz Weru Witu u Nunuwu'en Tombulu

²³ Ni Aku nimaesa karia néra wo si Ama' nimaesa karia-Ku wo ni séra uli-ulit nimaesa. Wo sé tou walina wia ung kaayahan kenu mata'u i si Ama' si nimatumé ni Aku wo si Ama' rumaraaté ni séra, tanu si Ama' rumaraaté ni Aku.

Yohanes 17:23 Iomraidhean Croise

Yohanes 10:38

Taan sa ni Aku nimangun niitu wo ni kamu soo ma'éman wia ni Aku, pa'émanenola am pinaayang-Ku itii, wo ni kamu toro mata'u wo makatulap i si Ama' é nimaesa karia-Ku wo ni Aku é nimaesa karia si Ama'.”

Yohanes 13:35

Sa ni kamu mahraa-raatéan, péléng sé tou é mata'u i ni kamu ém pahtuzu'eng-Ku.”

Yohanes 14:10

Zéi'kan pa'émanennu wé i ni Aku é nimaesa karia ni Ama' wo si Ama' é nimaesa karia-Ku? A méikua-Kuma wia ni ko én zéi'kan witu ung genang-Ku a mangé, taan wia si Ama' si nimaesa karia-Ku a mangé, ni Siamo si mahwangun péléng am pahpaayangen-Na.

Yohanes 14:23

Ang kuan ni Yesus, “Si tou rumaraaté ni Aku é mangun a nuwu'-Ku. Si Ama'-Ku é rumaraaté ni sia wo si Ama'-Ku wo ni Aku é méyé wia ni sia wo mento' mahwali-wali kariana.

Yohanes 15:9

A si Yesus kumua kasiima wia sé pahtuzu'en-Na, “Tanu si Ama' rumaraaté ni Aku, téntu kangkasii ni Aku rumaraaté ni kamu. Menou-noula in tou sé karaaté-Ku.

Yohanes 16:27

si Ama' in esa é rumaraaté ni kamu, pahpaan ni kamu é rimaraatémola ni Aku wo ma'éman i ni Aku ém wia si Opo Empung a méyé.

Yohanes 17:11

In tarékan ni Aku én zéi'mo mauréma mawurimo sumaup wia si Ama'. Ni Aku én tumula'u ung kaayahan, taan ni séra é memia-miapé' wia ung kaayahan. O Ama' Lenas, téizané séra karia u ngaran ni Ama', niitumo u ngaran méiwéhé ni Ama' wia ni Aku, wo séra maesa tanu ni Aku wo si Ama' nimaesa.

Yohanes 17:21

Ni Aku mengaléi, wo ni séra péléng maesa, tanu si Ama' nimaesa karia-Ku wo ni Aku nimaesa karia ni Ama'. Wo ni séra kasii nimaesa karia ni Kita, wo sé tou walina wia ung kaayahan kenu ma'éman i si Ama' si nimatumé ni Aku.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Yohanes 17:26

Séi si Ama' é mémoikua-Ku wia ni séra, wo niitu én zéi'kan ikana'-Ku im wanguneng-Ku, wo séra mahraa-raatéan tanu si Ama' rumaraaté ni Aku wo ni Aku maesa karia néra.”

Yohanes 17:3

Ung kenumo ung katou-touan makaz ing kauré-uré, i sé tou mata'u si Ama', si Ama' é si Opo Empung si esa uman si ulit wo mata'u ni Aku, si Yesus Kristus si méiatumé ni Ama'.

Yohanes 17:8

Pahpaan péléng a méinuwu' ni Ama' wia ni Aku é méikua-Kumola wia ni séra wo ni séra én timalingamo wo ma'émano niitu. Ni séra é mata'umo i ni Aku én uli-ulit wia si Ama' a méyé wo ni séra é ma'éman i si Ama' si nimatumé ni Aku.

Yohanes 3:17

Pahpaan si Opo Empung nimatumé si Oki'-Na wia ung kaayahan kenu zéi'kan i mémukum sé tou wia ung kaayahan, taan i milot sé tou wia ung kaayahan kenu im witu un ukuman wana a singkéla'.

Yohanes 6:56

Séi uman si kuman un awak-Ku wo melep un zaha'-Ku, si tou itii é nimaesamo karia-Ku wo ni Aku é nimaesamo kariana.

1 Korintus 1:30

Si Opo Empung si nimangun ni kamu nimaesa karia ni Kristus Yesus wo si Kristus Yesus nimangun ni kita makailek ung katulapan ni Opo Empung. Ni kita nimaéndo ulit im witu u sinaru ni Opo Empung, nimaéndo tou linenas ni Opo Empung wo timubus ni kita.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Galatia 3:28

Niitumo, im wia ni kamu én zéi'kan siapa sé pahkuan tou Yahudi kaapa zéi'kan tou Yahudi, zéi'kan siapa sé pahata-atan wo sé zéi'mo pahata-atan, zéi'kan siapa tuama kaapa wéwéné, ni kamu péléng é nimaesamo pahpaan ma'éman wia si Kristus Yesus.

Filipi 3:15

Niitumo, ni kita sé lutu'mo um pa'émanen wia si Yesus é léwo'zéi' i mahgenangla un téntu. Taan sa wéwéhan sé gimenang walina, si Opo Empung é sumawang ni kamu i mata'u niana.

Kolose 1:28

Si Kristus itiimo si ipahwoka' nai wia si esa wo si esa, i ni kai mahsésa wo mahtuzu' ni séra karia ung katulapan u méiwéhémé ni Opo Empung, i mangun péléng sé tou uli-ulit ma'éman wia si Kristus.

Kolose 2:2

Ni aku nimangun un téntu wo un até néra én toro maenté' wo mahesa-esaan pahpaan i mahraa-raatéan. Karia in téntu, ni séra péléng én uli-ulit makatulap wo totoz mata'ula un im puuna zéi'kampé' méipapata'u ni Opo Empung. Un zéi'kampé' méipapata'u itii é si Kristus in esa.

Kolose 3:14

U lumousé péléng niitu é mahraa-raatéanola, pahpaan karia i mahraa-raatéan um pinaesaan niou é malekep.

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.

1 Yohanes 1:3

A niilek wo an tinalinga naimo itii én iwoka' nai kasiima wia ni kamu, wo kamu toro maesa karia nai. Wo um pahesa-esaanta ém pahesa-esaan karia ni Ama' wo karia ni Oki'-Na, si Yesus Kristus.

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.

1 Yohanes 4:19

Ni kita é rumaraaté, pahpaan si Opo Empung si puuna rimaraatémo ni kita.

Wahyu 3:9

Genang-genangen! Sé woopira im wia sé jamaat ni tonaas né sétang, sé tantowo, sé mahkua-kua in tou Yahudi taan un ulitna én zéi'kan, iayo-Ku wia ni kamu. Ni séra én uli-ulit wanguneng-Ku i mékumuruz witu u sinaru niou, wo ni séra mata'u i ni Aku é rumaraaté ni kamu.