Yohanes 17:22 - Taaz Weru Witu u Nunuwu'en Tombulu

²² Ni séra ém winéhang-Kumo ung kawangko'an u méiwéhémé ni Ama' wia ni Aku, wo séra maesa, tanu ni Aku nimaesa karia ni Ama'.

Yohanes 17:22 Iomraidhean Croise

Markus 6:7

Tawahen-Namé sé mapulu' wo zua pahtuzu'en-Na, a séra iatu-Nama tumahzuzua. Ni séra ém winéhan-Nala ung kawasa i mahwoho sé sétang.

Lukas 22:30

Karia in téntu ni kamu én toro mahkan wo mahelep mahwali-wali karia-Ku witi Kakolanoang-Ku. Ni kamu kasii é marumumez witu u rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.”

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 1:16

Pahpaan u raraatéan-Na én zéi'kan ikana', wo im witu u raraatéan-Na ni kita mahkaileké ung kamang un zéi'kan ipahkana-kana'la im pahtambéré.

Yohanes 14:20

In endo itiimo ni kamu lamata'u i ni Aku é nimaesa karia ni Ama', ni kamu é nimaesa karia-Ku wo ni Aku é nimaesa karia niou.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

Roma 8:30

Péléng sé tinotoz-Namo rengané im puuna, ni séra sé tinawah-Na. Ni séra sé tinawah-Na, ni séra kangkasii sé niéndo-Na ulit. Sé niéndo-Na ulit, ni séra itiimo sé sigi'en wo loozen-Na.

2 Korintus 3:18

Ni kita péléng sé ma'éman, zéi'mo siapa u nimapé' um pakahgena-genangta. Niitumo, ni kita én toro milek ung kawangko'an ni Mahpiara, ni kita én tanu u lélénoan u sumena'ma ung kawangko'an ni Mahpiara. Si Mahpiara sekezé é mahweru ung katou-touanta makaz ni kita kauréna éng kasena'na i mahsena'ma u sena' ni Mahpiara. Ni Sia si nimangun ni kita nimaténtu, ni Siamo si Roh Lenas.

2 Korintus 5:20

Niitumo, ni kaimo sé méiatu ni Kristus i mahtuzu' un tumoro ni Sia. Mengiité ni kai si Opo Empung mahsésa wia ni kamu. Karia u ngaran ni Kristus, ni kai mahaléi wia ni kamu: Iwéhéla un tou niou i mawurian sumaup karia ni Opo Empung.

2 Korintus 6:1

Ni kai éng kapaayang ni Opo Empung, niitumo ni kai sumésama wia ni kamu, tia' ung kamang méitambér ni Opo Empung ung kinailekan niouo én zéi'kan siapa torona.

Efesus 2:20

Ni kamu sé ma'éman wia si Kristus Yesus én toro pasuaten karia um walé winangun ni Opo Empung. Sé aatu ni Yesus wo sé nabi sé zimeta'ma um watu to'tolan um walé wo um watu to'tolan itii é si Kristus Yesus.

Filipi 1:29

Pahpaan, ni kamu én tinambéran ung kamang zéi'kan uman i ma'éman si Kristus, taan ni kamu kasii én tinambéran ung kamang i mazéha pahpaan ma'éman ni Sia.

Kolose 1:24

In tarékan, ni aku é mahpaa-paaz i nimazéha pahpaan nimapata'u u Nuwu' Lé'os tumoro si Yesus wia ni kamu wo pahpaan mahpaayang wia si Kristus i lumekep un zéha-Na wia sé jamaat sé tanumokan un awak-Na.

1 Yohanes 1:3

A niilek wo an tinalinga naimo itii én iwoka' nai kasiima wia ni kamu, wo kamu toro maesa karia nai. Wo um pahesa-esaanta ém pahesa-esaan karia ni Ama' wo karia ni Oki'-Na, si Yesus Kristus.

1 Yohanes 3:24

Séi si mahkiit peléng a méiperénta-Na, ni sia é nimaesa karia ni Opo Empung wo si Opo Empung é nimaesa kariana. Karia in téntu, ni kita én toro mata'ula i si Opo Empung é nimaesa kariata, pahpaan ni Sia én timambéromé si Roh-Na wia ni kita.

1 Yohanes 4:17

Im wana ang kenumo u raraatéan ni Opo Empung nimalekep witu ung katou-touanta, sa kita wuaya i ma'éman im witu un endo si Opo Empung in tumotoz ulit kaapa zéi'kan am pahwangunen né tou. Pahpaan tanu si Yesus Kristus, ni kita kangkasii ém wia ung kaayahan kenu.

Wahyu 21:14

U ri'riz méiliklik um wanua tua'na itii é méirendai witu u mapulu' wo zua watu to'tolan. Wo wana am wawo am watu to'tolan itii ém pinantikan a ngaran ni esa wo ni esa né mapulu' wo zua aatu ni Anak ni Domba itii.