Yohanes 17:12 - Taaz Weru Witu u Nunuwu'en Tombulu

¹² I ni Aku mengari-ngaria ni séra, ni Aku én timéizo ni séra karia u ngaran ni Ama' u méiwéhé wia ni Aku. Ni Aku én timéizo ni séra wo zéi'kan siapa im wia ni séra si ikalulu, akaz uman ni sia si tinotozo in ikalulu, wo malekep u méipantik witu um Pinantik Lenas.

Yohanes 17:12 Iomraidhean Croise

Yohanes 13:18

An ikua-Ku kenu én zéi'kan tumoro ni kamu péléng. Kata'uang-Ku séi sé pinéléng-Ku. Taan u méipantik witu um Pinantik Lenas é léwo'zéi' mamuali, ‘Si tou kiman u roti karia-Ku é maéndo kakoro'-Ku.’

Yohanes 17:6

Ni Aku é nimapata'umoma si Ama' wia sé tou wia ung kaayahan kenu sé méiwéhémo ni Ama' wia ni Aku. Ni séra én anu ni Ama' wo si Ama' é niméhémo ni séra wia ni Aku. Ni séra éng kimiito u nuwu' ni Ama'.

Yohanes 18:9

Karia ing kimuama téntu, nimawutulola u mémoinuwu'-Na, “Ama', im wia sé tou méiwéhémé ni Ama' wia ni Aku, zéi'kan siapa zozo' in esa si ikaléwo'.”

Yohanes 6:37

Péléng sé tou méiwéhé ni Ama' wia ni Aku é méyé wia ni Aku wo péléng sé méyé wia ni Aku, sé tou itii é sungkuleng-Ku.

Kisah Rasul-rasul 1:25

Si tou itiimo si masumawel um paayangen ni Yudas i maéndo aatu ni Yesus. Pahpaan si Yudas é nimatémo wo nimangémo witu un tampa um wangun im wia ni sia.”

Filipi 2:9

Niitumo, ni Sia én totoz ipahraké-rakék ni Opo Empung, wo si Opo Empung niméhé u ngaran wia ni Sia u lumouspé'mé péléng a ngaran walina,

2 Tesalonika 2:3

Zozo' ing kura, tia' kamu towoan umanla né tou! Pahpaan puunala un endo i si Yesus méyé sumaup, ang kenu a léwo'zéi' i mamualipé'la: Lakez sé tou tumamburi im wia si Opo Empung wo si tou totoz léwo' é mapailek un touna wo ni sia én tinotozo i léwo'en.

Ibrani 2:13

Si Yesus kasii éng kimua, “Ni Aku é niméré' uman wia si Opo Empung.” Wo ni Sia kasii éng kimua, “Kenumo ni Aku karia né koki' sé mahkii-kiit ni Aku sé méiwéhé-Mu wia ni Aku.”

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.

Wahyu 19:12

Um weren-Na én tanumokan u layasna un api wo witu um wawo un ulu-Na é lakez am poporongen né kolano wo im wia ni Sia ém pinantikan ngaran un zéi'kan siapa si mata'u, akaz uman ni Sia in esa si mata'u.