Yohanes 17:1 - Taaz Weru Witu u Nunuwu'en Tombulu

¹ I nimakakuamola niitu, a si Yesus lumoho'ma witi langit ang kumua, “Ama', in tarékan é méikaayomola witu un oras tinotoz-Mu. Ipapaileka ung kawangko'ang-Ku in Oki'-Mu. Karia in téntu ni Aku kangkasii é mapailek ung kawangko'an-Nu.

Yohanes 17:1 Iomraidhean Croise

Markus 14:41

A si Yesus mawurimé sumaup wia ni séra ing katelu, ang kumuama wia ni séra, “Timekel wo kimana'pé' kasii kamu? Toromo! Un orasna é méikaayomola. Ilekena, si Oki' ni Tou én iayo wia sé tou mahsingkéla'.

Lukas 18:13

Taan si menanagi am pajak itii é rimendai zou'ma oki', wo lumouspé'tarémé niitu ni sia é maindé' i lumoho' witi langit, karia i mahpéhos um wezwezna pahpaan i mene'sel wo mahkua: ‘O Opo Empung, iraraaté ndootuumé ni aku si memua-muali a singkéla' kenu.’

Lukas 22:53

Sekez in endo ni Aku é mahkaria-karia ni kamu witi lésaz um Walé ni Opo Empung, taan ni Aku zéi'kan pahtitionan niou. Taan in tarékano un oras niou in tumion ni Aku wo un orasna si tonaas né sétang si mahkawasa wana ang karimbengbengan ing kumawasa.”

Yohanes 11:4

Taan in timalingama u méikuamé itii, Sia kimua, “U saki itii én zéi'kan mangun ni sia i maté. Niia nimamuali wo si Opo Empung loozen wo sigi'en wo pahpaan u saki itii si Oki' ni Opo Empung é loozen wo sigi'en.”

Yohanes 11:41

An isoro' nérama um watu itii. A si Yesus lumoho'ma witi langit wo mahkua, “Ama', ni Aku mapaayoma u makasé wia ni Ko, pahpaan ni Ko én timalingamo ni Aku.

Yohanes 12:23

Ang kuan ni Yesus wia ni séra, “In tarékano un orasna si Oki' ni Tou i loozen wo sigi'en.

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 16:32

Gena-genangen, un orasna é méyé, lumouspé'tarémé niitu ém wiamo i ni kamu si esa wo si esa isera i mawuri witi walé niou wo tumula'u ni Aku mengesa-ngesa. Taan ni Aku én zéi'kan mengesa-ngesa, pahpaan si Ama' é mengari-ngaria ni Aku.

Yohanes 7:30

A séra mahtututu' in tumion ni Sia, taan zéi'kan siapa zozo' in esa si timiona wia ni Sia, pahpaan zéi'kampé' orasna.

Yohanes 7:39

Si pahkuan ni Yesus én tumoro si Roh ni Opo Empung, si makailekan né tou ma'éman ni Sia. Pahpaan in toro niitu si Roh ni Opo Empung én zéi'kampé' niméyé, pahpaan si Yesus én zéi'kampé' pahloozen wo pahsigi'en.

Yohanes 8:20

Péléng niitu é méikua ni Yesus i ni Sia mahtuzu' witi lésaz um Walé ni Opo Empung rété um penanahu'an an zoit raragés. Taan zéi'kan siapa zozo' in esa si timion ni Sia, pahpaan zéi'kampé' méikaayola witu un oras-Na.

Kisah Rasul-rasul 3:13

Si Opo Empung si pa'émanen ni Abraham, ni Ishak wo ni Yakub wo kasii si pa'émanen né nimaopota, ni Sia é simigi' wo limoozola si Ata-Na, si Yesus si méikasoo nioula wo méiayo nioula wia si gubernur Pilatus, zozo' si Pilatus in esa timotozola i milot ni Sia.

1 Petrus 1:21

Pahpaan am winanguna ni Kristus itiimo, taka-takazan ni kamu én toro ma'éman wia si Opo Empung. Si Opo Empung si timou si Kristus im wia sé nimaté wo nimangun ni Sia pahsigi'en wo pahloozen. Karia in téntu ni kamu én toro ma'éman wo mahéré' uman wia si Opo Empung.