Yohanes 16:5 - Taaz Weru Witu u Nunuwu'en Tombulu

⁵ Taan in tarékan ni Aku é mangémo wia ni Sia si nimatumé ni Aku. Wo zéi'kan siapa zozo' in esa im wia ni kamu si meligau, ‘Wisa un angéan-Nu?’

Yohanes 16:5 Iomraidhean Croise

Yohanes 13:3

Si Yesus mata'u i si Ama' é niméhémo péléng am péléng wia ni Sia. Wo ni Sia ém wia si Opo Empung a méyé wo mawuri sumaup wia si Opo Empung.

Yohanes 13:36

Si Simon Petrus kimuala wia si Yesus, “Tuang, wisa un angéan-Nu wé?” Kuan ni Yesus, “Ni ko én zéi'kan mata'u kumiit i mangé witi tampa angéang-Ku in tarékan. Taan in tumondong ni ko é makumiit ni Aku.”

Yohanes 14:28

Ni kamu én timalingamo ni Aku ing kimua wia ni kamu: ni Aku é mangé, taan ni Aku é méyé sumaup wia ni kamu. Sa ni kamu rumaraaté ni Aku, tantumo ni kamu é mahpaa-paaz pahpaan ni Aku é mangé wia si Ama'-Ku, pahpaan si Ama' é lumouspé'mé ni Aku.

Yohanes 16:10

i ni Aku én ulit witu u sinaru ni Opo Empung pahpaan ni Aku é mangé wia si Ama' wo ni kamu kangkasii én zéi'mo milek ni Aku.

Yohanes 16:16

A si Yesus kumua kasii wia sé pahtuzu'en-Na, “Zéi'mo mauréma ni kamu én zéi'mo milek ni Aku wo zéi'mo mauré kasiima ni kamu é mileko ni Aku sumaup.”

Yohanes 16:17

In timalingamé niitu, sé woopira pahtuzu'en-Na mahliligauan, “Apa ung kalakoana ing kimuamé, ‘Zéi'mo mauréma ni kamu én zéi'mo milek ni Aku wo zéi'mo mauré kasiima ni kamu é mileko ni Aku sumaup?’ Wo apa kasii ung kalakoan, ‘Ni Aku é mangémo wia si Ama'?’ ”

Yohanes 16:28

Ni Aku ém wia si Ama' a méyé wo ni Aku é niméyé wia ung kaayahan kenu. Ni Aku kangkasii én tumula'uma ung kaayahan kenu wo mangé wia si Ama'.”

Yohanes 17:13

Taan in tarékan, ni Aku é méyé wia si Ama' wo ni Aku kumua niia péléng karegas ni Aku im wiapé' ung kaayahan kenu, wo ni séra toro uli-ulit mahpaa-paaz tanu ni Aku.

Yohanes 17:4

Ni Aku é nimapaileko ung kawangko'an ni Ama' im wia sé tou wia ung kaayahan kenu karia i simampeta um paayangen u méiwéhé-Mu wia ni Aku im paayangeng-Ku.

Yohanes 6:62

Kura u mamuali sa kamu milek si Oki' ni Tou mawénéta i mawuri witi pinahwéha-wéhan-Na ing kataré?

Yohanes 7:33

Ang kuan ni Yesus, “Zéi'mo mauréma ni Aku i memali-mali karia niou wo kumawusa niitu ni Aku é mangé wia ni Sia si nimatumé ni Aku.

Ibrani 1:3

Ni Siamo si mahsena'mé u sena' ni Opo Empung wo mengiité ni Sia kita toro milek si Opo Empung. Karia u Nuwu'-Na un totoz mahkawasa, si Yesus mahtéiz péléng am wia ung kaayahan. Kumawusa Sia i miloté sé tou im witu un ukuman wana a singkéla', ni Sia rimumez witu ung kakan ni Opo Empung si totoz wangko' witi tampa totoz rakék.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.