Yohanes 16:28 - Taaz Weru Witu u Nunuwu'en Tombulu

²⁸ Ni Aku ém wia si Ama' a méyé wo ni Aku é niméyé wia ung kaayahan kenu. Ni Aku kangkasii én tumula'uma ung kaayahan kenu wo mangé wia si Ama'.”

Yohanes 16:28 Iomraidhean Croise

Lukas 24:51

Karegas Sia i mahwéhé ung kamang wia ni séra, Sia matampasana karia néra a mawénéta mangé witi kasendukan.

Lukas 9:51

Un oras ni Yesus im wénéten mangé witi kasendukan é lelezokan, a Sia tumotozla i mangé witi Yerusalem.

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 13:3

Si Yesus mata'u i si Ama' é niméhémo péléng am péléng wia ni Sia. Wo ni Sia ém wia si Opo Empung a méyé wo mawuri sumaup wia si Opo Empung.

Yohanes 14:28

Ni kamu én timalingamo ni Aku ing kimua wia ni kamu: ni Aku é mangé, taan ni Aku é méyé sumaup wia ni kamu. Sa ni kamu rumaraaté ni Aku, tantumo ni kamu é mahpaa-paaz pahpaan ni Aku é mangé wia si Ama'-Ku, pahpaan si Ama' é lumouspé'mé ni Aku.

Yohanes 16:10

i ni Aku én ulit witu u sinaru ni Opo Empung pahpaan ni Aku é mangé wia si Ama' wo ni kamu kangkasii én zéi'mo milek ni Aku.

Yohanes 16:16

A si Yesus kumua kasii wia sé pahtuzu'en-Na, “Zéi'mo mauréma ni kamu én zéi'mo milek ni Aku wo zéi'mo mauré kasiima ni kamu é mileko ni Aku sumaup.”

Yohanes 16:30

In tarékan kata'uan naimo i si Méster é mata'umo péléng am péléng wo sé tou én zéi'mo totoz meligau wia si Méster. Niitumo ni kai é ma'éman i si Méster ém wia si Opo Empung a méyé.”

Yohanes 16:5

Taan in tarékan ni Aku é mangémo wia ni Sia si nimatumé ni Aku. Wo zéi'kan siapa zozo' in esa im wia ni kamu si meligau, ‘Wisa un angéan-Nu?’

Yohanes 17:11

In tarékan ni Aku én zéi'mo mauréma mawurimo sumaup wia si Ama'. Ni Aku én tumula'u ung kaayahan, taan ni séra é memia-miapé' wia ung kaayahan. O Ama' Lenas, téizané séra karia u ngaran ni Ama', niitumo u ngaran méiwéhé ni Ama' wia ni Aku, wo séra maesa tanu ni Aku wo si Ama' nimaesa.

Yohanes 17:13

Taan in tarékan, ni Aku é méyé wia si Ama' wo ni Aku kumua niia péléng karegas ni Aku im wiapé' ung kaayahan kenu, wo ni séra toro uli-ulit mahpaa-paaz tanu ni Aku.

Yohanes 17:5

Wo in tarékan, o Ama', ipapaileka ung kawangko'an-Ku in Oki'-Mu, karia ung kawangko'an un anu-Ku karia ni Ama' rengan im puuna, puunala ung kaayahan kenu im winangun.

Yohanes 8:14

Kuan ni Yesus wia ni séra, “Zozo' ni Aku mahkua tumoro un tou-Kukan, um pahkua-Ku én ulit, pahpaan kata'uang-Ku, wisa ni Aku a méyé wo wisa un angéang-Ku. Taan ni kamu én zéi'kan mata'u, wisa ni Aku a méyé wo wisa un angéang-Ku.

Yohanes 8:42

Kuan ni Yesus wia ni séra, “Sa si Opo Empung én Ama' niou, ni kamu é marumaraaté ni Aku, pahpaan ni Aku ém wia si Opo Empung a méyé wo in tarékan ni Aku ém wia'i. Ni Aku i niméyé én zéi'kan pahpaan um paaz-Ku in esa, taan ni Siamo si nimatumé ni Aku.