Yohanes 16:22 - Taaz Weru Witu u Nunuwu'en Tombulu

²² Téntu kangkasii ni kamu, in tarékan un até niou é rumara, taan ni Aku é mahilekan sumaup karia niou, niitumo un até niou é mahpaa-paaz, wo zéi'kan siapa si tou toro méndo u mahpaa-paaz itii im witu un até niou.

Yohanes 16:22 Iomraidhean Croise

Matius 28:8

A séra rengan in tumula'umé u lelewengan itii karia i maindé' wo totoz i mahpaa-paaz wo mahkara'ma i makumua péléng niitu wia sé pahtuzu'en ni Yesus.

Lukas 10:42

taan un ipahpuu-puuna én esa uman. Si Maria é niméléngola un totoz wangun, un zéi'kan éndon im wia ni sia.”

Lukas 16:25

Taan si Abraham é nimingkot umané in téntii, ‘É oki'ku, amoké genangenula! Im puuna i ni ko menou-noupé', ni ko é nimakailekomé péléng am wangun. Taan si Lazarus ndootuu i menou-noupé', ang kinailekanamé ém péléng an zéi'kan wangun. Taan in tarékan ni sia é sénango im wia'i wo ni ko kahuman én zézéha im wana.

Lukas 19:26

A séra wingkotenala in téntii, ‘Ikuakuma wia ni kamu, péléng sé tou makaanumo, wia ni sia én awesampé', taan séi si zéi'kan siapa, péléng am wia ni sia ém pakaéndon.

Lukas 24:41

Taan ni séra én zéi'kampé' ma'éman pahpaan sé totoz mahpaa-paaz wo mengusi-ngusingsingpé'. Ang kuan ni Yesus wia ni séra, “Wéwéhan kakanen kamu im wia'i?”

Yohanes 14:1

Kuan ni Yesus wia sé pahtuzu'en-Na, “Tia'mo un até niou nimasusa, ma'émanola wia si Opo Empung wo ma'éman kasiila wia ni Aku.

Yohanes 14:19

Zéi'mo mauréma sé tou wia ung kaayahan kenu én zéi'mo milek ni Aku. Taan ni kamu é mamilek ni Aku, pahpaan ni Aku é menou-nou wo ni kamu kangkasii é mamenou-nou.

Yohanes 14:27

Ung kaluasan witu un até én itula'u-Kuma wia ni kamu. Ung kaluasan witu un até-Ku én iwéhé-Kuma wia ni kamu. Wo ung kaluasan witu un até u méiwéhé-Kuma itii én zéi'kan masuat karia ung kaluasan witu un até u méiwéhé né wia ung kaayahan wia ni kamu. Tia'mo un até niou masusa wo maindé'.

Yohanes 16:16

A si Yesus kumua kasii wia sé pahtuzu'en-Na, “Zéi'mo mauréma ni kamu én zéi'mo milek ni Aku wo zéi'mo mauré kasiima ni kamu é mileko ni Aku sumaup.”

Yohanes 16:20

Uli-ulit ikua-Kuma wia ni kamu: ni kamu é mamé' karia i mahkérét, taan sé tou wia ung kaayahan kenu é mahpaa-paaz. Un até niou é marumara taan u rumara un até niou é maéndo mahpaa-paaz.

Yohanes 16:6

Taan un até niou in tarékan é rumara pahpaan ni Aku kimuama niitu wia ni kamu.

Yohanes 21:7

A si pahtuzu'en si karaaté ni Yesus itii kumuama wia si Petrus, “Ni Sia én Tuang.” I si Petrus timalingama i ni Sia én Tuang, a sia kumaraila pahpaan ni sia é rimonai ang kumonta'ma witu un zano.

Yohanes 4:14

taan séi uman si melep un zano iwéhé-Ku, ni sia én zéi'mo maré'o makaz ing kauré-uré. Pahpaan un zano iwéhé-Ku é maéndo tanu ung kembu'an witu un touna u mengembu-ngembu' uman wo mahwéhé ung katou-touan makaz ing kauré-uré wia ni sia.”

Kisah Rasul-rasul 13:52

Sé mahkiit-kiit si Yesus sé witi Antiokhia én totoz mahpaa-paaz wo kinawasa ni Roh Lenas.

Kisah Rasul-rasul 16:25

Im woo wengi uré, si Paulus wo si Silas mahmengaléi wo mahkantar a lolooz wia si Opo Empung. Sé tou walina sé binui é mahtalinga ni séra zua.

Kisah Rasul-rasul 2:46

Wo sekez in endo ni séra én zéi'kan kumana' i meréwo-réwok witi Walé ni Opo Empung wo ni séra én esa genang. Um walé ni esa wo ni esa é mahsasawel im pahangéan néra i mahkan mahwali-wali karia i mahpaa-paaz wo ung genang lé'os.

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

2 Korintus 6:10

Ni kai sekezé é mahpaa-paaz zozo' i rumara un até. Ni kai én zéi'kan siapa apa, taan nimangun sé tou lakez nimawa'ilan. Ni kai ém pahileken in zéi'kan siapa apa, taan péléng am péléng ém wia ni kai.

2 Tesalonika 2:16

Mengalé-ngaléi uman si Yesus Kristus Mahpiarata wo si Opo Empung Ama'ta, si rimaraatémola ni kita wo nimenté'mola un atéta makaz ing kauré-uré wo nimangunola ni kita ezen i ma'ento' am wangun mengiité ung kamang tatambér-Na,

Ibrani 10:34

Im wéwéhan sé tou niukum méiuntep bui, ni kamu é nimendan an zézéha karia néra wo zozo' a sangkum niou éng kinahata né tou walina, taan ni kamu é mahpaa-paaz pahpaan kata'uan niou ni kamu é makasangkum u lumouspé'mé niitu u méiwéhémé ni Opo Empung un zéi'kan maléwo' makaz ing kauré-uré.

Ibrani 6:18

Si Opo Empung én zéi'kan mamuali in tumowo witu u méitaaz wo un tiwa'-Na. Un zua kenu én zéi'kan mamuali i mawalina, pahpaano niitu kita sé mekikelung wia ni Sia én toro maenté' wo totoz ma'éman witu um pahéré'anta.

1 Petrus 1:8

Zozo' ni Sia én zéi'kampé' pinahile-ilek nioula, taan ni Sia én ikararaaté niou. Wo maan in tarékan kasii ni Sia én zéi'kampé' pahileken niou, taan ni Sia ém pa'émanen niou. U mahpaa-paaz niou én zéi'kan kakuaan pahpaan niitu ém wangko'.