Yohanes 16:20 - Taaz Weru Witu u Nunuwu'en Tombulu

²⁰ Uli-ulit ikua-Kuma wia ni kamu: ni kamu é mamé' karia i mahkérét, taan sé tou wia ung kaayahan kenu é mahpaa-paaz. Un até niou é marumara taan u rumara un até niou é maéndo mahpaa-paaz.

Yohanes 16:20 Iomraidhean Croise

Matius 21:38

Taan i si oki' ni makauma niileka né mememendu itii, a séra mahkua si esa im wia sé walina, ‘Si kenumo si maéndo makaanu un uma kenu, wunu'entamo sia, wo un uma kenu é maéndo anuta.’

Matius 5:4

Mahpaa-paazola sé tou mahpengasi', pahpaan un até néra é maenté'en.

Markus 14:72

In toro niitukan ang kumukuké ing kazua si laka'. Ang kagenangala ni Petrus u méikua ni Yesus wia ni sia, “Puunala si laka' kumukuké ing kazua, ni ko é makatelumo ing kimélongla ni Aku.” A si Petrus mamamé' karia i sindekokan.

Markus 16:10

A si Maria tou Magdala itii makumua a niilekna wia sé mahkii-kiit si Yesus, sé karegas i mahpengasi' wo mengamé-ngamé'.

Lukas 22:45

Kumawusa i mengaléi a Sia mawurima wia sé pahtuzu'en-Na. Maileken-Na ni séra é nimatekelo pahpaan un até néra é rumara.

Lukas 22:62

A si Petrus mondolé im witu a mamamé' karia in totoz rumara un até.

Lukas 23:27

Lakez sé tou mahkiita si Yesus, im wia ni séra lakez sé wéwéné mahamé' ni Sia karia i mahkérét.

Lukas 24:17

Si Yesus kumua wia ni séra, “Apa um pahsiritan niou karegas i mahlampang?” A séra mento'la taan ung gio néra én tekur.

Lukas 24:21

Taan im puuna ni kai é mahéré'la i ni Siamo si mamilot sé tou Israel. In tarékan teluna endomo rengan niitu i nimamualima.

Lukas 6:21

Mahpaa-paazola, é ni kamu sé in tarékan maharem, pahpaan ni kamu ém pakawesun. Mahpaa-paazola, é ni kamu sé in tarékan mahamé', pahpaan ni kamu éng kumé'ké'.

Yohanes 16:33

Péléng niitu méikua-Kuma wia ni kamu, wo un até niou maluasa pahpaan nimaesa karia-Ku. Im wia ung kaayahan kenu ni kamu é mendan an zézéha, taan enté-enté'en un até niou, ni Aku éng kimalamoma ang kawasa wia ung kaayahan.”

Yohanes 16:6

Taan un até niou in tarékan é rumara pahpaan ni Aku kimuama niitu wia ni kamu.

Yohanes 20:20

Makakuama niitu, an ipapailek-Nama u lengen-Na wo um wentuhan-Na wia ni séra. Sé pahtuzu'en-Na itii é mahpaa-paaz i ni séra nimileka si Tuang.

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

Roma 5:11

Zéi'kan uman niitu! U raraatéan ni Opo Empung mangun ni kita mahpaa-paaz pahpaan si Yesus Kristus Mahpiarata si nimangun ni kita i nimawurian karia ni Opo Empung.

2 Korintus 6:10

Ni kai sekezé é mahpaa-paaz zozo' i rumara un até. Ni kai én zéi'kan siapa apa, taan nimangun sé tou lakez nimawa'ilan. Ni kai ém pahileken in zéi'kan siapa apa, taan péléng am péléng ém wia ni kai.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

1 Tesalonika 1:6

Ni kamu é nimahkérémola wia ni kai wo nimahkérémola wia si Yesus Mahpiara. Zozo' ni kamu én totoz zézéha, ni kamu é simungkul u Nuwu' ni Opo Empung un ipahtuzu' nai wia ni kamu karia u mahpaa-paaz u méiwéhémé ni Roh Lenas.

Yakobus 1:2

Katuari-katuariku, mahpaa-paazola zozo' lakez am pema'wa'en pahpendanen niou.

Yudas 1:24

Wia ni Sia si mahkawasa si mahtéiz wia ni kamu én taa kamu ikasundui, wo si nimahwali ni kamu sé zéi'kan siapa um pahséro'an karia i mahpaa-paaz i marumendai sumaru witu un tampa-Na um pahloozen wo pahsigi'en.

Wahyu 11:10

Sé tou wia ung kaayahan én totoz mahpaa-paaz, pahpaan sé tou zua itii é nimatémo. Sé tou itii é mahpésta wo mahsasawelan ang kukulu, pahpaan sé zua nabi itiimo sé im puuna nimangun sé tou wia ung kaayahan totoz nimazéha-zéhama.

Wahyu 18:7

Kalakez ang kaloozan wo ang kawa'ilanan pinahpé'ananamé, téntu kangkasii ung kalakez an zézéha wo a merara un até iwéhé nioula wia ni sia. Pahpaan witu un aténa, ni sia sekezé é mahkua in téntii, ‘Ni aku éng kolano wéwéné si rimumez witu u rurumezangku ing kolano! Ni aku én zéi'kan wéwéné mahesa-esamokan, wo un atéku én zéi'kan mahpenda-pendanla u rumara pahpaan im pinatéana ni mahayo.’