Yohanes 16:2 - Taaz Weru Witu u Nunuwu'en Tombulu

² Ni kamu én iwoho né tonaas né tou Yahudi im wana am walé peraragésan néra. Wo un orasna é méyé i si tou mahwuwunu' ni kamu é mahgenangla ni sia é mahpaayang wia si Opo Empung.

Yohanes 16:2 Iomraidhean Croise

Matius 10:28

Ni kamu én tia' maindé' wia sé tou sé makawawa uman i munu' un awak niou, taan zéi'kan makawawa i munu' si roh niou. Taan maindé'la ni Sia si wéwéhan ung kawasa i munu' un awak wo si roh niou witi naraka.

Matius 24:9

In toro niitu, ni kamu én iayo in zézéhan. Ni kamu ém wunu'en wo maikazi'zis péléng né tou pahpaan mahkiit ni Aku.

Lukas 6:22

Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Yohanes 12:42

Zozo' in téntu, im wia sé tonaas né tou Yahudi é lakez kangkasii sé ma'éman wia si Yesus. Taan ni séra é soo kumua i ni séra é ma'éman wia ni Sia, pahpaan ni séra é maindé' wia sé sana réwok tou Farisi sé toro suméro' ni séra i muntep witu um Walé pahragésan né tou Yahudi.

Yohanes 16:25

Niia péléng én ikua-Kuma wia ni kamu karia un aandéan. Un orasna é méyé, i ni Aku zéi'mo mahkuama wia ni kamu karia u aandéan, taan makaulit wia ni kamu i mahkua tumoro si Ama'.

Yohanes 16:32

Gena-genangen, un orasna é méyé, lumouspé'tarémé niitu ém wiamo i ni kamu si esa wo si esa isera i mawuri witi walé niou wo tumula'u ni Aku mengesa-ngesa. Taan ni Aku én zéi'kan mengesa-ngesa, pahpaan si Ama' é mengari-ngaria ni Aku.

Yohanes 4:21

Kuan ni Yesus wia ni sia, “Ina', pa'émanela u méikua-Ku kenu, méyé un orasna i ni kamu mérumagés wia si Ama', zéi'kan witi wawona ung kentur kenu wo zéi'kan kangkasii witi Yerusalem.

Yohanes 4:23

Taan un orasna é méyé wo tarékano un orasna i sé tou sé uli-ulit mahragés é marumagés wia si Ama' karia ung kawasa ni Roh Lenas wo ang kaulitan. Pahpaan si Ama' é mahpenéro sé tou mahragés tanu niitu wia ni Sia.

Yohanes 9:22

Sé tu'ana kimuala téntu, pahpaan ni séra é maindé' wia sé tonaas né tou Yahudi. Pahpaan sé tonaas né tou Yahudi é nimaesaanola i sé tou mahkua si Yesus é Mesias, ni séra én zéi'mo mata'u muntep witi walé peraragésan né tou Yahudi.

Yohanes 9:34

Ang kuan néra wia ni sia, “Ni ko renganpé' i nimatoumé é lakezo a singkéla' wo ni ko mahtutuzu' ni kai?” A sia iwoho nérama i mondola.

Kisah Rasul-rasul 5:33

Kaitalingamé niitu, ni séra én totoz maupi' wo nimaesaan i munu' sé aatu itii.

Kisah Rasul-rasul 7:56

Ang kuana, “Ilekena! Ni aku é mahileka u langit nimawuka wo si Oki' ni Tou si rimendai witu ung kakan ni Opo Empung.”

1 Korintus 4:13

Sa wéwéhan tou mahtawuruk ni kai, ni kai é mahnuwu' wangun wia ni séra. Makaz in tarékan ni kai én tanu an ileken nérala i rimberek wuul im wia ung kaayahan, masuat wo a makazi'zisen im wia péléng sé tou.

Filipi 3:6

Tumoro um wuaya im pahwangunengku, ni aku ém mahzézéha sé tou ma'éman si Yesus Kristus, wo tumoro ung kaulitan pahwangunengku, ni aku én uli-ulit mahkiit un ukum Torat, niitumo zéi'kan siapa tou si toro mapahsasala' ni aku.

Wahyu 6:9

I si Anak ni Domba itii mukama u segel kalima, ilekengkuma um witu um wawa' um pahtunuan a raragés wia si Opo Empung ém wéwéhan sé roh né tou winunu'mo, pahpaan u Nuwu' ni Opo Empung wo pahpaan ang kata'uan néra tumoro a niilek wo tinalinga néra.