Yohanes 16:18 - Taaz Weru Witu u Nunuwu'en Tombulu

¹⁸ Ang kuan néra, “Apa ung kalakoana Sia ing kimua, zéi'mo mauréma? Zéi'kan kata'uanta apa ung kalakoan u méikua-Namé.”

Yohanes 16:18 Iomraidhean Croise

Lukas 24:25

Ang kuan ni Yesus wia ni séra, “É ni kamu in tou lemou, tahlous ngerez un até niou i ma'éman péléng a mémoikuamé né nabi!

Yohanes 16:17

In timalingamé niitu, sé woopira pahtuzu'en-Na mahliligauan, “Apa ung kalakoana ing kimuamé, ‘Zéi'mo mauréma ni kamu én zéi'mo milek ni Aku wo zéi'mo mauré kasiima ni kamu é mileko ni Aku sumaup?’ Wo apa kasii ung kalakoan, ‘Ni Aku é mangémo wia si Ama'?’ ”

Yohanes 16:19

Kata'uan ni Yesus i ni séra ém wéwéhan um peligauen wia ni Sia, a Sia kumuama wia ni séra, “Apa um pahnuwu'en niou én tumoro un taré ikua-Kuma in, ‘Zéi'mo mauréma ni kamu én zéi'mo milek ni Aku wo zéi'mo mauré kasiima ni kamu é mileko ni Aku sumaup?’

Ibrani 5:12

Un ulitna, in tarékan ni kamu én orasnamo i maéndo méster. Taan makaz in tarékan ni kamu é memandungpé' sé tou walina i mapata'u wia ni kamu an tutuzu' kataré-taré u nimaéndo to'tolan tumoro um pa'émanen niou witu u Nuwu' ni Opo Empung. Ni kamu é memandungpé' u susu, zéi'kampé' mata'u makailek ang kakanen ketéh.