Yohanes 16:14 - Taaz Weru Witu u Nunuwu'en Tombulu

¹⁴ Ni Sia é sumigi' wo lumooz ni Aku, pahpaan ni Sia éng kumua wia ni kamu ang kinailekan-Na im wia ni Aku.

Yohanes 16:14 Iomraidhean Croise

Yohanes 14:21

Séi uman si nimakailek um perénta-Ku wo mahwangun niitu, ni siamo si rumaraaté ni Aku. Séi uman si rumaraaté ni Aku, ni sia én ikararaaté ni Ama'-Ku wo ni Aku kangkasii é rumaraaté ni sia wo ni Aku é mangun ni sia i mata'u séi ni Aku.”

Yohanes 15:26

Ni Aku é matumé wia ni kamu si Menunulung si wia si Ama' a méyé. Ni Siamo si Roh Kaulitan, si mémapailek ung kaulitan tumoro si Opo Empung. Sa ni Sia méyé, ni Sia é mékumua ang kata'uan-Na tumoro ni Aku.

Yohanes 7:39

Si pahkuan ni Yesus én tumoro si Roh ni Opo Empung, si makailekan né tou ma'éman ni Sia. Pahpaan in toro niitu si Roh ni Opo Empung én zéi'kampé' niméyé, pahpaan si Yesus én zéi'kampé' pahloozen wo pahsigi'en.

1 Korintus 12:3

Niitumo, ni kamu léwo'zéi' mata'ula i si tou kinawasa ni Roh ni Opo Empung én zéi'kan mamuali ing kumua in téntii, “Si Yesus én toron un epa'.” Wo si tou zéi'kan kinawasa ni Roh ni Opo Empung, si tou itii zéi'kan mamuali ing kumua, “Si Yesus itiimo si Mahpiara.”

2 Korintus 4:6

Im puuna si Opo Empung éng kimua in téntii, “Im witu u rimbengbeng a mondolé un ayah!” In tarékan ni Sia kangkasii si nimangun un ayah-Na mahsena' witu un atéta wo toro kata'uantala ung kawangko'an-Na. Ung kawangko'an ni Opo Empung én toro ilekenta witu ung gio ni Yesus Kristus.

Galatia 5:5

Pahpaan um pa'émanenta wia si Yesus Kristus, niitumo si Roh Lenas é mahpaayang wia ni kita. Karia in téntu, ni kita é niméré' uman in éndon ulit witu u sinaru ni Opo Empung tanu um pengento-ngento'enta karia in ezen.

1 Petrus 2:7

Im wia ni kamu in tou ma'éman, um watu itii én totoz mahal. Taan im wia sé tou zéi'kan ma'éman, téntii u méipantik witu um Pinantik Lenas, “Um watu méitia' né memamangun am walé é nimaéndomola watu to'tolan totoz ipahpuu-puuna, wo kasii nimaéndo watu pahkasunduian wo watu pahkasangkilan.”

1 Yohanes 3:23

Kenumo am perénta-Na: Ni kita é léwo'zéi' i ma'éman u ngaran ni Yesus Kristus, si Oki'-Na, wo ni kita léwo'zéi' i mahraa-raatéan mengiit um perénta méiwéhé ni Kristus wia ni kita.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.

1 Yohanes 5:6

Si Yesus Kristus é niméyé karia un zano wo un zaha', zéi'kan uman karia un zano taan karia un zano wo karia un zaha'. Si Roh ni Opo Empung si mahkua ang kata'uan-Na, pahpaan si Roh ni Opo Empung éng kaulitan.

Wahyu 19:10

A ni aku kumuruzla witu u sinaru un a'é ni malaekat itii i mongkot wo sumigi' ni sia, taan kuana wia ni aku, “Tia'mo mahasar téntu! Ni aku én ata, masuat wo ni ko karia né katuarimu esa pa'émanen sé mahkua a niilek wo an tinalinga néra tumoro si Yesus. Pahongkotala wo pahsigi'ela si Opo Empung! Pahpaan sé tou mahkua a niilek wo an tinalinga néra tumoro si Yesus ém wéwéhan roh i mahkua a méikuamé ni Opo Empung.”