Yohanes 16:13 - Taaz Weru Witu u Nunuwu'en Tombulu

¹³ Taan sa si Roh Kaulitan itii méyé, ni Sia é mahkit ni kamu i mata'u péléng ang kaulitan. Pahpaan ni Sia zéi'kan mahkua mengiit ung ginenang-Na in esa taan ni Sia é mahkua péléng an tinalinga-Na wia si Opo Empung, wo ni Sia éng kumua wia ni kamu a mamuali witu un endo tumondong.

Yohanes 16:13 Iomraidhean Croise

Yohanes 12:49

Pahpaan ni Aku zéi'kan mahnuwu' mengiit ung kapaaz-Ku. Si Ama' si nimatumé ni Aku, ni Siamo si mahperéntamé wia ni Aku apa u léwo'zéi' in ikua-Ku wo inuwu'-Ku.

Yohanes 14:17

Si Menunulung itii é si Roh ung kaulitan. Sé tou wia ung kaayahan é soo sumungkul ni Sia, pahpaan sé tou wia ung kaayahan én zéi'kan mahilek ni Sia wo zéi'kan mata'u ni Sia. Taan ni kamu é mata'u ni Sia, pahpaan ni Sia é menaté-natér ni kamu wo maesa karia niou.

Yohanes 14:26

Taan si Roh Lenas, si Menunulung, si iatumé ni Ama'-Ku mengiité u ngaran-Ku, ni Siamo si matumuzu' ni kamu péléng am péléng wo mapagenang wia ni kamu péléng a mémoikua-Ku wia ni kamu.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 15:26

Ni Aku é matumé wia ni kamu si Menunulung si wia si Ama' a méyé. Ni Siamo si Roh Kaulitan, si mémapailek ung kaulitan tumoro si Opo Empung. Sa ni Sia méyé, ni Sia é mékumua ang kata'uan-Na tumoro ni Aku.

Yohanes 16:12

Lakezpé' u léwo'zéi' ikua-Kuma wia ni kamu, taan in tarékan ni kamu én zéi'kampé' makawawa i makailek niitu.

Yohanes 3:32

Ni Sia é mahkua tumoro a niilek-Na wo an tinalinga-Na. Taan zozo' in esa, zéi'kan siapa si tou ma'éman an ipahkua-Na.

Yohanes 8:38

Apa a niilek-Ku wia si Ama', niitu an ipahkua-Ku. Téntu kangkasii ni kamu, ni kamu mahwangun an tinalinga niou im wia si ama' niou.”

Kisah Rasul-rasul 11:28

Si esaané im wia ni séra é makangaran Agabus. I sé tou nimaréwok, si Agabus si kinawasa ni Roh rumendaié ang kumuama, “Un oras ung kaahreman zéi'kan kakuaan é méyé wia ang kaayahan.” Ung kaahreman itii é nimamuali i si Klaudius si Kaisar.

Kisah Rasul-rasul 20:23

U méipapata'u ni Roh Lenas wia ni aku én akaz uman, i ni aku é maiuntep witi bui wo mazézéha im wana am wanua tua'na angéangku.

Kisah Rasul-rasul 27:24

Si malaekat itii éng kimua wia ni aku in téntii, ‘Paulus, tia'mo maindé'! Ni ko é léwo'zéi' masumaru wia si Kaisar i matotozen um pahéndo-éndoan tumoro ni ko. Wo pahpaan u raraatéan ni Opo Empung wia ni ko, péléng sé tou sé mahwali-wali kariamu wia u londéi tua'na kenu én zéi'kan maté.’

2 Tesalonika 2:12

Si Opo Empung nimangun niitu, wo péléng sé tou sé zéi'kan ma'éman an tutuzu' ulit tumoro si Yesus wo paaz a léwo'an én ukumen.

2 Tesalonika 2:3

Zozo' ing kura, tia' kamu towoan umanla né tou! Pahpaan puunala un endo i si Yesus méyé sumaup, ang kenu a léwo'zéi' i mamualipé'la: Lakez sé tou tumamburi im wia si Opo Empung wo si tou totoz léwo' é mapailek un touna wo ni sia én tinotozo i léwo'en.

Ibrani 1:1

Im puuna si Opo Empung é makalakezo kimua wo pahsasawelnokala um pakahnuwu'-Na wia sé nimaopota mengiité sé nabi-Na.

1 Yohanes 2:20

Taan ni kamu é nimakailekola si Roh Lenas si méiwéhémé ni Yesus Kristus, niitumo ni kamu péléng é mata'umo an tutuzu' ulit.

1 Yohanes 2:27

Taan ni kamu ém winéhano ni Yesus Kristus si Roh Lenas ing kumawasa wia ni kamu. Pahpaan si Roh Lenas wiapé' ni kamu, niitumo ni kamu én zéi'mo memandung sé tou walina in tumuzu' ni kamu. Pahpaan si Roh Lenas én timuzu'mo ni kamu tumoro péléng am péléng, wo péléng a méituzu'-Na itii én ulit, zéi'kan towo. Niitumo ni kamu sé im puuna én tinuzu'mo ni Roh Lenas é léwo'zéi' i menou-nou mahkiit um paaz ni Yesus Kristus.

1 Yohanes 4:6

Ni kita ém wia si Opo Empung a méyé: Séi si mata'u si Opo Empung, ni sia é mahtalinga ni kita. Séi si zéi'kan wia si Opo Empung a méyé, ni sia én zéi'kan mahtalinga ni kita. Niitu un tumuzu'mé wisa si Roh kaulitan wo wisa si roh mahlululu uman si tou.

1 Yohanes 5:6

Si Yesus Kristus é niméyé karia un zano wo un zaha', zéi'kan uman karia un zano taan karia un zano wo karia un zaha'. Si Roh ni Opo Empung si mahkua ang kata'uan-Na, pahpaan si Roh ni Opo Empung éng kaulitan.

Wahyu 1:1

A méipantik witu um pinantik kenu én tumoro a méipapailek ni Yesus Kristus, a méiwéhé ni Opo Empung wia ni Sia in ipapata'u wia sé ata-Na wo séra toro mata'u an totoz i mamuali. Si Yesus Kristus é nimapaileko niana péléng wia si Yohanes ata-Na, mengiité si malaekat méiatu-Na.

Wahyu 1:19

Niitumo, ipantikmula péléng a niilekmu, a nimamuali in tarékan wo a mamuali i mahmurimé.