Yohanes 15:5 - Taaz Weru Witu u Nunuwu'en Tombulu

⁵ Ni Aku én tanu un tuuzna un anggor wo ni kamu én tanu am pangana un anggor. Séi uman si nimaesa karia-Ku wo ni Aku nimaesa kariana, um pahwua'namé é lakez, pahpaan sa zéi'kan nimaesa karia-Ku, zéi'kan siapa un toro wangunen niou.

Yohanes 15:5 Iomraidhean Croise

Matius 13:21

Taan u Nuwu' itii én zéi'kan totoz nimahmut witu un até néra wo zéi'kan nimauréma. Sa méyé u susa wo un zéha pahpaan u Nuwu' itii, sé tou itii é rengan in timamburila im wia si Opo Empung.

Yohanes 12:24

Uli-ulit ikua-Kuma wia ni kamu: Sa um watuna ung gandum zéi'kan méitanem witu un tana' wo maté, niitu é menéntu-néntu uman zéi'kan mahawes. Taan, sa um watuna ung gandum itii matéma, taré niitu tumoumé wo mua'mé lakez.

Yohanes 15:16

Zéi'kan ni kamu sé niméléng ni Aku, taan ni Aku si niméléng ni kamu. Ni Aku nimatu ni kamu wo ni kamu mangé wo mangun lakez am paayangen lé'os wo am wua'na am paayangen niou é memia-mia makaz ing kauré-uré. Karia in téntu, apa uman um pahaléien niou wia si Ama' mengiité u ngaran-Ku, niitu én iwéhé-Na wia ni kamu.

Yohanes 5:19

A si Yesus mingkotla wia ni séra, “Uli-ulit ikua-Kuma wia ni kamu, si Oki' ni Opo Empung én zéi'kan mata'u kumura sa zéi'kan nimilek um winangun ni Ama'. Pahpaan apa um pahpaayangen ni Ama' niitu kangkasii um pahpaayangen ni Oki'.

Yohanes 9:33

Sa si tou itii zéi'kan wia si Opo Empung a méyé, zéi'kan siapa un toro wangunen-Na.”

Kisah Rasul-rasul 4:12

Akaz uman si Yesus si toro milot sé tou im witu un ukuman wana a singkéla', zéi'kan siapa ngaran walina. Pahpaan im wia ung kaayahan kenu, zéi'kan siapa ngaran walina si winéhan ni Opo Empung ung kawasa i milot sé tou im witu un ukuman wana a singkéla' néra.”

Roma 12:5

Téntu kangkasii ni kita, zozo' i lakez taan ni kita ém pina'esamo witu un awak esa wia si Kristus wo si esa wo si esa é mahpapandungan.

Roma 6:22

In tarékan, ni kamu é mémoikapilot im wana a singkéla' wo nimaéndomo ata ni Opo Empung. Niitu u nimangun ni kamu nimakailek ung katou-touan u linenas-Na wo ing kamurian mahalimé ung katou-touan makaz ing kauré-uré.

Roma 7:4

Téntu kangkasii ni kamu katuari-katuari. Ni kamu én tanu nimatémo im witu un ukum Torat, pahpaan ni kamu ém pina'esamo karia un awak ni Kristus, wo ni kamu maéndomo anu ni Kristus, si méitou sumaup im wia sé nimaté wo ung katou-touanta wéwéhan torona im wia si Opo Empung.

1 Korintus 10:16

Im witu um perjamuan, ni kita é melep un anggor witu um pengengelepan wo kita kumua u makasé wia si Opo Empung, ung kalakoan niitu, ni kita é nimaesa karia ni Kristus witu un zaha'-Na. Wo i ni kita meni'a-ni'aula u roti ing kuman mahwali-wali, ung kalakoan niitu ni kita é nimaesamo witu un awak ni Kristus.

1 Korintus 12:12

Witu un awak ni tou ém wéwéhan un a'é, u lengen wo am walina, taan un awak itii én esa uman. Zozo' um witu un awak é lakez, taan un awak én esa uman. Téntu kangkasii ni kita i ma'éman, zozo'pé' ni kita é lakez, taan ni kita én esa wia si Kristus.

1 Korintus 12:27

Ni kamu péléng i ma'éman é masuat karia un awak ni Kristus. Pahpaan ni kamu, si esa wo si esa én tanu u lengen, u lunteng, un a'é kaapa um weren im witu un awak ni Kristus.

2 Korintus 13:8

Pahpaan ni kai én zéi'kan mata'u mahwangun u mahsaru an ulit taan ni kai é mahwangun uman an ulit.

2 Korintus 9:10

Si Opo Empung si mahtambéré am watuna tatanemen wia sé mahkeroz wo mahwéhémé wia ni kita ang kakanen ing kanen. Ni Sia kangkasii si mahimeké am watuna tatanemen wia ni kamu wo nimangun am watuna tatanemen itii i malake-lakez wo tumoumé am wua'na kaulitan wia ni kamu.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Efesus 5:9

Pahpaan si tou menou-nou witu un ayah é mahwua'mé ang kawangunan, zéi'kan mahsanaweka wo ulit.

Filipi 1:11

Ni aku kasii é mengaléi wo kamu toro memangu-mangun an ulit. Si Yesus Kristus uman si toro mangun ni kamu mangun niitu i mahsigi' wo mahlooz si Opo Empung.

Filipi 4:13

Péléng am péléng én toro pengalingku pahpaan si Yesus Kristus si mahwéhémé ung ketez wia ni aku.

Filipi 4:17

Zéi'kan a méiwéhémé itii am penérongku, taan ung kapaazku si Mahpiara éng kalakezna i mahwéhémé péléng am péléng wia ni kamu pahpaan simawangomé ni aku.

Kolose 1:10

Karia in téntu, ung katou-touan niou ém wangun im witu u sinaru ni Mahpiara wo ni kamu éng kapaaz-Na im wana am péléng wo mua'mé am wangun im wana péléng am pahpaayangen niou, wo kalousna i mata'u tumoro ang kapaaz ni Opo Empung.

Kolose 1:6

u mémoiwoka' wia ni kamu. U Nuwu' Lé'os itii é mémoiwoka'ma wia sé tou lakez wia ung kaayahan, wo u Nuwu' itii kangkasii éng kimamang ung katou-touan né tou wia ung kaayahan, tanu ung katou-touan niou ing kinamang rengan ni kamu in timalinga wo uli-ulit mata'u ung kamang méitambér ni Opo Empung.

Yakobus 1:17

Péléng am pahkailekanta am wangun wo an zéi'kan siapa pahséro'an ém witi kasendukan a méyé, pahtumpamé ni Ama' si mahwanguné péléng a mahsena' witi langit a satorona é marimbengbenga. Taan ni Sia én zéi'kan tanu niitu, ni Sia én zéi'kan mahwali-walinala wo u lé'os-Na én zéi'kan mazéi-zéi'la.

1 Petrus 2:4

Niitumo, méyémo wia si Yesus si Mahpiara. Ni Sia én tanu um watu menou-nou. Um watu itii é méitia' né tou, taan pinéléng wo pahsigi'en im witu u sinaru ni Opo Empung.

2 Petrus 3:18

Taan, ni kamu é mahtututu'la wo kalousna i mé'an ung kamang tatambér ni Yesus Kristus Mahpiara wo si nimilot ni kita im witu un ukuman wana a singkéla'. Mahtututu'la wo ni kamu totoz mata'u ni Sia. U looz wo sigi' ém wia uman ni Sia, in tarékan makaz ing kauré-uré. Amin.