Yohanes 15:3 - Taaz Weru Witu u Nunuwu'en Tombulu

³ Ni kamu én uli-ulit weresimo pahpaan a nuwu' mémoikua-Ku wia ni kamu.

Yohanes 15:3 Iomraidhean Croise

Yohanes 13:10

Kuan ni Yesus wia ni sia, “Séi uman si limelé'mo, ni sia én zéi'mo totoz im weresin, un a'éna uman um wo'asala pahpaan un touna ém weresimo. Ni kamu ém weresimo taan zéi'kan péléng ni kamu.”

Yohanes 15:2

Péléng am panga zéi'kan memumua' ém pahketoren-Na wo péléng am panga wéwéhan wua'na ém pahweresin-Na wo um wua'na é malakez.

Yohanes 17:17

Lenasela séra wia si Ama' mengiité ung kaulitan pahpaan u nuwu' ni Ama' itiimo ung kaulitan.

Yohanes 17:19

Ni Aku nimayo un tou-Ku i maéndo anu ni Ama' uman pahpaan sé pahtuzu'eng-Ku, wo séra mayo un tou néra wia si Ama' mengiité ung kaulitan u nuwu' ni Ama'.

Efesus 5:26

Ni Sia nimanguna un téntu, wo Sia toro lumenas sé jamaat-Na, meresi sé jamaat-Na karia un zano pahsarani wo karia u Nuwu' ni Opo Empung.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.