Yohanes 15:21 - Taaz Weru Witu u Nunuwu'en Tombulu

²¹ Taan péléng niitu ém wangunen néra wia ni kamu pahpaan ni kamu ma'éman ni Aku, pahpaan ni séra én zéi'kan mata'u ni Sia si nimatumé ni Aku.

Yohanes 15:21 Iomraidhean Croise

Matius 10:18

Wo pahpaan mahkiit ni Aku, ni kamu ém pahwali néra wia sé mahkawasa wo wia sé kolano ing kumua a niilek wo an tinalinga niou tumoro ni Aku wia ni séra wo wia sé tahsasana wanua sé zéi'kan mata'u si Opo Empung.

Matius 10:22

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.

Matius 10:39

Séi uman si mahkelung ung katou-touanna, ni sia éng kaliongan ung katou-touanna. Taan séi uman si kinaliongan ung katou-touanna pahpaan ni Aku, ni sia é makailek ung katou-touan makaz ing kauré-uré.”

Matius 24:9

In toro niitu, ni kamu én iayo in zézéhan. Ni kamu ém wunu'en wo maikazi'zis péléng né tou pahpaan mahkiit ni Aku.

Matius 5:11

Mahpaa-paazola ni kamu, sa pahpaan ni Aku, ni kamu pahséro'an karia a nunuwu'en merara un até wo ni kamu ém pahzézéhan, wo kasii pahtawuruken péléng a léwo'an.

Markus 13:13

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.”

Lukas 21:12

Taan puunala niana péléng i mamuali, ni kamu én tionan wo pahzézéhan. Ni kamu én iayo wana am walé peraragésan né tou Yahudi, iuntep wana am bui wo maisaru wia sé kolano wo sé mahkawasa pahpaan mahkiit ni Aku.

Lukas 21:17

wo maikazi'zis péléng né tou pahpaan mahkiit ni Aku.

Lukas 6:22

Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Yohanes 15:24

Sa ni Aku zéi'kan nimanguna a makakompo'en an zéi'kan winangunla né tou walina, tantumo ni séra én zéi'kan simingkéla'. Taan in tarékan, zozo' ni séra nimilekola niitu péléng, ni séra é mazi'zis ni Aku wo si Ama'-Ku.

Yohanes 16:3

Ni séra mahwangun an téntu wia ni kamu pahpaan ni séra én zéi'kampé' mata'u si Ama' wo ni Aku.

Yohanes 17:25

O Ama' si zéi'kan mahsanaweka, sé tou wia ung kaayahan én zéi'kan mata'u si Ama', taan ni Aku é mata'u si Ama' wo sé pahtuzu'eng-Ku kenu é mata'u i si Ama' si nimatumé ni Aku.

Yohanes 8:19

Ang kuan néra wia ni Sia, “Wisa wé si Ama'-Mu?” Si Yesus mingkotla, “Ni kamu én zéi'kan mata'u ni Aku wo si Ama'-Ku. Sa kamu mata'u ni Aku, ni kamu kangkasii é mata'u si Ama'-Ku.”

Yohanes 8:54

A si Yesus mingkotla, “Sa ni Aku mahsigi' wo mahlooz uman un tou-Ku in esa, u sigi' wo u looz itii én zéi'kan siapa torona. Si mahsigi' wo mahlooz ni Aku é si Ama'-Ku, si pahkuan niou in Opo Empung niou.

Yohanes 8:55

Un ulitna ni kamu zéi'kan mata'u ni Sia, taan ni Aku é mata'u ni Sia. Sa ni Aku kumuama in zéi'kan mata'u ni Sia, ni Aku én tantowo, kasuat niou. Taan ni Aku mata'u ni Sia wo ni Aku é mahwangun am pahkua-Na.

Kisah Rasul-rasul 17:23

Pahpaan i ni aku melaé-laés wia um wanua tua'na niou kenu, ni aku nimilek um pahtunuan a raragés um pinantikan in téntii, ‘Wia si Opo Empung si zéi'kan kata'uan.’ Si Opo Empung si pahongko-ongkotan niou zozo' zéi'kan kata'uan niou itii, ni Siamo si Opo Empung ipahtutuzu'ku wia ni kamu in tarékan.

Kisah Rasul-rasul 26:9

Im puuna, ni aku kangkasii é mahgenangla i ni aku é léwo'zéi' mahsaru sé tou sé mahwoka' u ngaran ni Yesus, si tou Nazaret itii.

Kisah Rasul-rasul 3:17

Katuari-katuari, kata'uangku am winangun niou wo né tonaas niou i nimunu'mola si Yesus ém pahpaan um winangun niou itii én zéi'kan kata'uan niou.

Kisah Rasul-rasul 4:17

Taan wo u makakompo'en winangun nérama itii zéi'kan kalousna in ikawoka'ma, tawimo kita menérola lalan i ma'indé' wo suméro' ni séra. Wangunentama téntu wo séra zéi'mo mahnuwu' wia sé tou tumoro u ngaran itii.”

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

Kisah Rasul-rasul 9:14

Wo ni sia kasii i niméyé wia'i éng karia ung kawasa méiwéhémé né tonaas né walian witi Yerusalem in tumion sé tou mahtawah u ngaran-Mu.”

Kisah Rasul-rasul 9:16

Ni Aku in esa si mapata'u wia ni sia, an zézéha totoz lakez a léwo'zéi' im pendanenna pahpaan u ngaran-Ku.”

Roma 1:28

Pahpaan ni séra én zéi'mo pandung wia si Opo Empung, ni séra é méiwaya-Na i megena-genang uman an zéi'kan toro wangunen. Niitumo ni séra éng kalousna i mahwangun an zéi'kan toro wangunen.

1 Korintus 15:34

Niitumo in tarékan, pakagena-genangela lé'os wo tia' kamu memangu-mangunpé' a singkéla'. Pahpaan im wia ni kamu ém wéwéhampé' sé zéi'kan mata'u si Opo Empung. Niitu én ikuakuma wia ni kamu wo kamu maizang.

1 Korintus 2:8

Zéi'kan siapa im wia sé mahkawasa wia ung kaayahan kenu sé mata'u ung katulapan ni Opo Empung itii. Pahpaan sa kata'uan néramo ung katulapan itii, si Yesus Mahpiara si pahloozen wo pahsigi'en én zéi'kan sinalip néra.

2 Tesalonika 1:8

Ni Sia kasii in timumpamé é mémukum sé tou soo mata'u si Opo Empung wo soo mahkiit u Nuwu' Lé'os tumoro si Yesus, si Mahpiarata.

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.

3 Yohanes 1:7

Pahpaan u ngaran-Na ni séra nimangé i mahtuzu' an tutuzu' tumoro si Yesus Kristus, zozo' in zéi'kan siapa am pahkailekané im wia sé tou zéi'kampé' mata'u si Opo Empung.

Wahyu 2:3

Ni kamu én ezen wo nimazézéha pahpaan ni Aku wo ni kamu én zéi'kan mahgenang u rawoi.