Yohanes 15:20 - Taaz Weru Witu u Nunuwu'en Tombulu

²⁰ Gena-genangen apa u mémoikua-Ku wia ni kamu: si ata én zéi'kan lumousé si tuangna. Niitumo sa ni Aku in tuang niou én zinéhamola né tou wia ung kaayahan kenu, tantumo ni kamu kangkasii é mazézéhan néra. Sa ni séra nimahwangunola a nuwu'-Ku, ni séra kangkasii é mangun an ipahnuwu' niou.

Yohanes 15:20 Iomraidhean Croise

Matius 10:24

Si pahtuzu'en én zéi'kan lumousé si mésterna, kaapa si ata én zéi'kan lumousé si tuangna.

Markus 10:39

A séra mingkotla, “Ni kai é makawawa!” A si Yesus kumuala wia ni séra, “Totoz ulit, ni kamu é mamendan an zézéha un tanumokan i melep witu un eelepan u léwo'zéi' in elepeng-Ku wo u sarani u léwo'zéi' ing kailekang-Ku.

Lukas 2:34

Si Simeon mengaléi wia si Opo Empung a méhéma ang kamang wia ni séra ang kuana wia si Maria, si ina' ni Koki' itii, “Si Koki' kenu ém pinéléng ni Opo Empung i mukum sé tou Israel, sé zéi'kan ma'éman wia ni Sia wo kasii i mangun ni séra maéndo ulit witu u sinaru-Na. Ni Sia ém pinéléng ni Opo Empung i mapagenang wia sé tou a siningkéla' néra, taan lakez sé tou mahsaru uman ni Sia.

Lukas 6:40

Si pahtuzu'en én zéi'kan lumousé si mésterna. Taan i si pahtuzu'en nimalekepomé am pinahtata'una, ni sia é masuato karia ni mésterna.

Yohanes 10:31

Makasapé' kasii sé tou Yahudi niméndomé watu i merit si Yesus.

Yohanes 11:57

Karegas niitu sé tonaas né walian wo sé sana réwok tou Farisi é nimeréntamoma sa wéwéhan si tou mata'u wisa Sia én ikuamé, wo Sia toro tionan néra.

Yohanes 13:16

Uli-ulit ikua-Kuma wia ni kamu: si ata én zéi'kan lumousé si tuangna, wo si aatu én zéi'kan lumousé si nimatumé.

Yohanes 5:16

Niitumo, sé tonaas né tou Yahudi mahtututu' in zumézéha si Yesus, pahpaan si tou itii liné'os-Na in endo Sabat.

Yohanes 7:32

Sé sana réwok tou Farisi mahtalinga sé tou lakez mahkekewitan tumoro si Yesus. Pahpaano niitu sé tonaas né walian wo sé sana réwok tou Farisi nimatuma sé menénéiz um Walé ni Opo Empung in tumion ni Sia.

Yohanes 8:51

Uli-ulit ikua-Kuma wia ni kamu: Séi uman si mahkiit u nuwu'-Ku, ni sia én zéi'kan maté makaz ing kauré-uré.”

Yohanes 8:52

Kuan né tonaas né tou Yahudi wia ni Sia, “Kata'uan nai in tarékan ni Ko é sinelazan. Pahpaan si Abraham é nimatémoma wo téntu kangkasii sé nabi, taan ni Ko é mahkua: Séi uman si mahkiit u nuwu'-Ku, ni sia én zéi'kan maté makaz ing kauré-uré.

Yohanes 8:59

A séra méndomé watu i merit ni Sia, taan si Yesus én zéi'mo niilek nérama in timula'uma u lésaz um Walé ni Opo Empung.

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

1 Korintus 4:12

wo ni kai é mahpaayang am papaayangen wutez karia a lengen nai i mahwuwutul am pemandungen nai i mendo-endo. Zozo' ni kai ipahsalou né tou, ni kai é mahaléi wia si Opo Empung ing kumamangé ni séra; zozo' ni kai ém pahzézéhan né tou taan ni kai én ezen i mengali niitu.

2 Korintus 4:9

Ni kai ém pahzézéhan, taan ni kai én zéi'kan méiwaya ni Opo Empung. Ni kai ém pahwélwélen makaz im pahkakolo' taan ni kai én zéi'kan nimaté.

1 Tesalonika 2:15

Sé tou Yahudi itii sé nimunu'mo si Yesus Mahpiara wo sé nabi wo zimézéhamo ni kai. Ni séra én zéi'kan pandung um paaz ni Opo Empung wo péléng sé tou éng kakoro' néra.

2 Timutius 3:12

Ulit im peléng sé tou sé paaz mahragés mengiité u ngaran ni Kristus Yesus é mazézéhan,