Yohanes 15:18 - Taaz Weru Witu u Nunuwu'en Tombulu

¹⁸ A si Yesus kumua kasii, “Sa sé tou wia ung kaayahan é mazi'zis ni kamu, genangenola i sé tou itii é nimazi'zisola ni Aku puunala ni séra mazi'zis ni kamu.

Yohanes 15:18 Iomraidhean Croise

Matius 10:22

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.

Matius 24:9

In toro niitu, ni kamu én iayo in zézéhan. Ni kamu ém wunu'en wo maikazi'zis péléng né tou pahpaan mahkiit ni Aku.

Matius 5:11

Mahpaa-paazola ni kamu, sa pahpaan ni Aku, ni kamu pahséro'an karia a nunuwu'en merara un até wo ni kamu ém pahzézéhan, wo kasii pahtawuruken péléng a léwo'an.

Markus 13:13

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.”

Lukas 6:22

Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Yohanes 16:1

Si Yesus mahkua, “Péléng niia én ikua-Kuma wia ni kamu, wo ni kamu zéi'kan mazéi' i ma'éman wia ni Aku.

Yohanes 16:33

Péléng niitu méikua-Kuma wia ni kamu, wo un até niou maluasa pahpaan nimaesa karia-Ku. Im wia ung kaayahan kenu ni kamu é mendan an zézéha, taan enté-enté'en un até niou, ni Aku éng kimalamoma ang kawasa wia ung kaayahan.”

Yohanes 3:20

Péléng sé tou mahwangun a léwo'an é mazi'zis u sena' itii. Ni séra é soo méyé witu u sena' itii, pahpaan u sena' itii é mangun a léwo'an pahwangunen néra kaile-ilekan.

Yohanes 7:7

Sé tou wia ung kaayahan én zéi'kan mamuali i mazi'zis ni kamu, taan ni Aku én ikazi'zis néra pahpaan ni Aku sekezé mahkua am pahwangunen néra é léwo'an.

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Yakobus 4:4

É kamu sé nimaliuz a méitaaz! Zéi'kan kata'uan niou wé sa kamu mahkaloan karia ung kaayahan, ni kamu é makahkoro' wo si Opo Empung? Niitumo, séi si mahkaloan karia ung kaayahan kenu, ni sia nimangun un touna maéndo kakoro' ni Opo Empung.

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.

1 Yohanes 3:13

Katuari-katuari, tia' ikakompo' niou sa sé tou mahkiit a lelo wia ung kaayahan é mazi'zis ni kamu.

1 Yohanes 3:3

Si tou niméré' un téntu wia ni Sia é limenas un touna tanu si Kristus i lenas.