Yohanes 15:11 - Taaz Weru Witu u Nunuwu'en Tombulu

¹¹ Péléng niitu é méikua-Kuma wia ni kamu, wo un até niou toro mahpaa-paaz tanu un até-Ku i mahpaa-paaz wo u mahpaa-paaz niou malekep.

Yohanes 15:11 Iomraidhean Croise

Lukas 15:23

Éndoné si sapi peranggang rembuz wo kerizela. Sa nimakasiwomola, méyémo kita kuman mahwali-wali karia mahpaa-paaz.

Lukas 15:32

Niitumo ni kita ém wangun i mahpaa-paaz pahpaan si tuarimu én tanu nimatémo a matoumé sumaup, si méikalulu éng kinailekanola sumaup.’ ”

Lukas 15:5

Sa kinailekannamomé si domba méikalulu itii, pasaanennamé si domba itii karia i mahpaa-paaz.

Lukas 15:9

Sa kinailekannamola, ni sia tumawah sé kakaria wo sé karéténa, ang kumua, ‘Méyémo kita mahpaa-paaz, pahpaan kinailekangkumola sumaup un zoit péra'ku u méikaliong.’

Yohanes 16:24

Makazla in tarékan zéi'kampé' siapa um pinahaléi niou witu u ngaran-Ku. Mahaléiola ni kamu é makailek, wo ni kamu mawuta-wuta u mahpaa-paaz.

Yohanes 16:33

Péléng niitu méikua-Kuma wia ni kamu, wo un até niou maluasa pahpaan nimaesa karia-Ku. Im wia ung kaayahan kenu ni kamu é mendan an zézéha, taan enté-enté'en un até niou, ni Aku éng kimalamoma ang kawasa wia ung kaayahan.”

Yohanes 17:13

Taan in tarékan, ni Aku é méyé wia si Ama' wo ni Aku kumua niia péléng karegas ni Aku im wiapé' ung kaayahan kenu, wo ni séra toro uli-ulit mahpaa-paaz tanu ni Aku.

Yohanes 3:29

Si makaanu si broit é si brédégom, taan si kakaria ni brédégom si rimendai witu u réténa wo mahtalinga ni sia én totoz mahpaa-paaz in timalingamé u nuwu' ni brédégom itii. Téntu kangkasii ni aku, in tarékan u mahpaa-paazku ém wutulo.

Roma 15:13

Mengalé-ngaléi uman si Opo Empung, si mahwéhémé am pahéré'an é méhémé malake-lakez wia ni kamu u mahpaa-paaz wo ung kaluasan witu un até pahpaan ni kamu ma'éman wia ni Sia. Wo karia ung kawasa ni Roh Lenas, um pahéré'an niou é malake-lakez wia si Opo Empung.

2 Korintus 1:24

Ni kai é mahkua an téntu wia ni kamu, zéi'kan i merénta ni kamu tumoro u léwo'zéi' im pa'émanen niou, pahpaan um pa'émanen niou wia si Kristus én enté'mo. Taan kapaaz nai, ni kita én toro maayang mahwali-wali, wo ni kamu toro mahpaa-paaz.

Efesus 5:18

Tia'mo kamu matewelen pahpaan un anggor, pahpaan niitu é luméwo' uman ung katou-touan niou. Taan, tawimo ni kamu kinawasa ni Roh ni Opo Empung.

Filipi 1:25

Tumoro ung kenu én totoz ing kata'uangku: I ni aku é memia-mia wo mamemali-mali karia niou péléng i sumawang ni kamu, wo kamu kaenté'na wo mahpaa-paaz witu um pa'émanen niou.

1 Tesalonika 5:16

Tia' kamu mazéi' i mahpaa-paaz.

1 Petrus 1:8

Zozo' ni Sia én zéi'kampé' pinahile-ilek nioula, taan ni Sia én ikararaaté niou. Wo maan in tarékan kasii ni Sia én zéi'kampé' pahileken niou, taan ni Sia ém pa'émanen niou. U mahpaa-paaz niou én zéi'kan kakuaan pahpaan niitu ém wangko'.

1 Yohanes 1:4

Péléng niia én ipantik naima wo iwéhéma wia ni kamu, wo u mahpaa-paaz nai én toro malekep.

2 Yohanes 1:12

Zozo' i lakezpé' a léwo'zéi' in ikuakuma wia ni kamu, taan ni aku é soo sa niitu ipantik umana. Taan ni aku é mahéré'la i ni aku in esa si mémahilekan mahilekan karia niou i sumirita nimasaruan wo u mahpaa-paazta é malekep.