Yohanes 15:10 - Taaz Weru Witu u Nunuwu'en Tombulu

¹⁰ Sa ni kamu mahkii-kiit am perénta-Ku, ni kamu é menou-nou in tou sé karaaté-Ku. Tanu ni Aku i mahkii-kiit am perénta ni Ama'-Ku wo ni Aku é menou-nou in tou si karaaté-Na.

Yohanes 15:10 Iomraidhean Croise

Yohanes 10:18

Zéi'kan siapa si toro méndo ung katou-touang-Ku im wia ni Aku, taan ni Aku mayo niitu mengiit um paaz-Ku in esa. Ni Aku é mahkawasa i mayo niitu wo mahkawasa i méndo niitu sumaup. Niiamo um perénta kinailekang-Kumé wia si Ama'-Ku.”

Yohanes 12:49

Pahpaan ni Aku zéi'kan mahnuwu' mengiit ung kapaaz-Ku. Si Ama' si nimatumé ni Aku, ni Siamo si mahperéntamé wia ni Aku apa u léwo'zéi' in ikua-Ku wo inuwu'-Ku.

Yohanes 14:15

Kuan ni Yesus kasii wia sé pahtuzu'en-Na, “Sa kamu rumaraaté ni Aku, ni kamu é mangun a méiperénta-Ku.

Yohanes 14:21

Séi uman si nimakailek um perénta-Ku wo mahwangun niitu, ni siamo si rumaraaté ni Aku. Séi uman si rumaraaté ni Aku, ni sia én ikararaaté ni Ama'-Ku wo ni Aku kangkasii é rumaraaté ni sia wo ni Aku é mangun ni sia i mata'u séi ni Aku.”

Yohanes 14:23

Ang kuan ni Yesus, “Si tou rumaraaté ni Aku é mangun a nuwu'-Ku. Si Ama'-Ku é rumaraaté ni sia wo si Ama'-Ku wo ni Aku é méyé wia ni sia wo mento' mahwali-wali kariana.

Yohanes 14:31

Taan péléng sé tou wia ung kaayahan kenu é léwo'zéi' mata'u i ni Aku é rumaraaté si Ama' wo ni Aku é mangun péléng a méiperénta-Na wia ni Aku. Rumendaiomé, méyémo kita mangémo.”

Yohanes 17:4

Ni Aku é nimapaileko ung kawangko'an ni Ama' im wia sé tou wia ung kaayahan kenu karia i simampeta um paayangen u méiwéhé-Mu wia ni Aku im paayangeng-Ku.

Yohanes 4:34

Kuan ni Yesus wia ni séra, “Ung kakaneneng-Ku é mahwangun um paaz-Na si nimatumé ni Aku wo sumampet um paayangen-Na.

Yohanes 8:29

Ni Sia, si nimatumé ni Aku é menaté-natér ni Aku. Zéi'kan iwaya-Na ni Aku i mengesa-ngesa, pahpaan ni Aku sekezé é mahwangun a mangun ni Sia mahpaa-paaz.”

Yohanes 8:55

Un ulitna ni kamu zéi'kan mata'u ni Sia, taan ni Aku é mata'u ni Sia. Sa ni Aku kumuama in zéi'kan mata'u ni Sia, ni Aku én tantowo, kasuat niou. Taan ni Aku mata'u ni Sia wo ni Aku é mahwangun am pahkua-Na.

1 Korintus 7:19

Pahpaan sinunat kaapa zéi'kan sinunat én zéi'kan siapa torona. Um wéwéhan torona é mahkiit a méiperénta ni Opo Empung.

1 Tesalonika 4:1

Ing kamurian katuari-katuari, ni kai é niméhémola ung kékéréan wangun wia ni kamu tumoro kura ung katou-touan niou u mahwangun un até ni Opo Empung mahpaa-paaz. Ni kamu é nimenou-noumola tanu niitu. In tarékan karia ung kawasa ni Yesus Mahpiara, ni kai totoz mahaléi wo menutu' wia ni kamu, wo kamu kalousna mahtututu' i mahwangun si Opo Empung mahpaa-paaz.

Ibrani 7:26

Niitumo, si Walian Wangko' téntu si pemandungenta. Pahpaan ni Sia é linenas ni Opo Empung, zéi'kan nimahsala-sala'la, zéi'kan siapa pahséro'an, méikatampas im wia sé tou simingkéla' wo ni Sia é nimakaileko un tampa totoz rakék wo pahsigi'en witi kasendukan.

2 Petrus 2:21

Niitumo, tawimo ni séra én zéi'kan nimata'uma an tutuzu' kaulitan ni Opo Empung, taan ung kinata'uan nérakala an tutuzu' itii taan ing kamurian ni séra én timula'ukala am perénta ni Opo Empung a méipahtuzu'mo wia ni séra.

1 Yohanes 2:3

Sa kita mahkiit am perénta ni Opo Empung, niitu én tumuzu'mé i ni kita é mata'u ni Sia.

1 Yohanes 2:5

Taan séi si mahkiit a nuwu' ni Opo Empung, u raraaté ni Opo Empung én uli-ulit lekepo im wia si tou itii. Karia in téntu ni kita én toro mata'ula i ni kita ém wia ni Sia a méyé.

1 Yohanes 2:6

Séi si mahkua i ni sia é menou-nou karia ni Opo Empung, ni sia é léwo'zéi' i menou-nou tanu ung katou-touan ni Kristus.

1 Yohanes 5:3

Pahpaan ung kenumo u rumaraaté wia si Opo Empung: Ni kita é mahkiit am perénta-Na. Am perénta-Na itii én zéi'kan wutez,

Wahyu 22:14

Mahpaa-paazola sé tou mahkemes ang karai tonton néra akaz i maweresi. Pahpaan ni séra én toro kuman am wua'na ang kai u mahwéhémé ung katou-touan wo toro muntep witu um wanua tua'na itii lumangkoia wana am pepenet tua'na.