Yohanes 14:28 - Taaz Weru Witu u Nunuwu'en Tombulu

²⁸ Ni kamu én timalingamo ni Aku ing kimua wia ni kamu: ni Aku é mangé, taan ni Aku é méyé sumaup wia ni kamu. Sa ni kamu rumaraaté ni Aku, tantumo ni kamu é mahpaa-paaz pahpaan ni Aku é mangé wia si Ama'-Ku, pahpaan si Ama' é lumouspé'mé ni Aku.

Yohanes 14:28 Iomraidhean Croise

Matius 12:18

“Si kenumo si Ata si pinéléng-Ku, si kararaaté-Ku wo si kapaaz-Ku. Si Roh-Ku én iwéhé-Ku wia ni Sia wo ni Sia é mapailek an zéi'kan mahsanaweka wia sé tahsasana wanua.

Yohanes 10:38

Taan sa ni Aku nimangun niitu wo ni kamu soo ma'éman wia ni Aku, pa'émanenola am pinaayang-Ku itii, wo ni kamu toro mata'u wo makatulap i si Ama' é nimaesa karia-Ku wo ni Aku é nimaesa karia si Ama'.”

Yohanes 13:16

Uli-ulit ikua-Kuma wia ni kamu: si ata én zéi'kan lumousé si tuangna, wo si aatu én zéi'kan lumousé si nimatumé.

Yohanes 14:12

Uli-ulit ikua-Kuma wia ni kamu: Séi uman si ma'éman ni Aku, ni sia é mamaayang am pahpaayangeng-Ku. Wo zéi'kan uman niitu, ni sia kangkasii é maayang am paayangen lumouspé'mé niitu, pahpaan ni Aku é mangé wia si Ama'.

Yohanes 14:18

Ni kamu én zéi'kan itula'u-Kuma tanu sé koki' zéi'kan siapa tu'a. Ni Aku é méyé sumaup wia ni kamu.

Yohanes 16:7

Taan ni Aku mahkuama an ulit wia ni kamu: Sa ni Aku mangé, niitupé' um wéwéhan torona im wia ni kamu. Pahpaan sa ni Aku zéi'kan mangé, si Menunulung itii én zéi'kan méyé wia ni kamu. Taan sa ni Aku mangé, ni Aku é matumé ni Sia wia ni kamu.

Yohanes 20:17

Ang kuan ni Yesus wia ni sia, “Tia' mahtion wia ni Aku, pahpaan ni Aku én zéi'kampé' nimenéka i mangé wia si Ama'. Taan mangémo wia sé katuari-Ku wo ikuala wia ni séra i ni Aku in tarékan é mangémo wia si Ama'-Ku wo Ama' niou, wia si Opo Empung-Ku wo Opo Empung niou.”

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Yohanes 5:18

Pahpaano niitu sé tonaas né tou Yahudi én totoz mahtututu' i munu' si Yesus, zéi'kan uman pahpaan ni Sia i simala'mola wana an tinotoz witu un endo Sabat, taan kangkasii pahpaan ni Sia ing kimua i si Opo Empung én Ama'-Na wo karia in téntu pinasuat-Namola un tou-Na karia si Opo Empung.

Yohanes 7:33

Ang kuan ni Yesus, “Zéi'mo mauréma ni Aku i memali-mali karia niou wo kumawusa niitu ni Aku é mangé wia ni Sia si nimatumé ni Aku.

1 Korintus 11:3

Taan kapaazku ni kamu é mata'u un téntii: si Tonaas ni tuama é si Kristus wo si tonaas ni wéwéné é si tuama, wo si Tonaas ni Kristus é si Opo Empung.

1 Petrus 1:8

Zozo' ni Sia én zéi'kampé' pinahile-ilek nioula, taan ni Sia én ikararaaté niou. Wo maan in tarékan kasii ni Sia én zéi'kampé' pahileken niou, taan ni Sia ém pa'émanen niou. U mahpaa-paaz niou én zéi'kan kakuaan pahpaan niitu ém wangko'.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”