Yohanes 14:27 - Taaz Weru Witu u Nunuwu'en Tombulu

²⁷ Ung kaluasan witu un até én itula'u-Kuma wia ni kamu. Ung kaluasan witu un até-Ku én iwéhé-Kuma wia ni kamu. Wo ung kaluasan witu un até u méiwéhé-Kuma itii én zéi'kan masuat karia ung kaluasan witu un até u méiwéhé né wia ung kaayahan wia ni kamu. Tia'mo un até niou masusa wo maindé'.

Yohanes 14:27 Iomraidhean Croise

Matius 10:26

Niitumo ni kamu én tia'mo maindé' wia ni séra, pahpaan zéi'kan siapa ang kineleuan an zéi'kan mawukaan wo zéi'kan siapa a méikawuni an zéi'kan makata'uan.

Lukas 1:79

i mésumena' wia sé tou sé menou-nou witu ung karimbengbengan, wo sé tou kinaindé'an. Ni Sia é mahkit ni kita, wo ni kita menou-nou karia ung kaluasan witu un até.”

Lukas 10:5

Sa kamu muntepla witu um walé, ung kataré-taré ikuala én téntii, ‘Mahlé'o-lé'osan wia ni kamu im wia um walé kenu.’

Lukas 12:4

Ang kuan kasii ni Yesus, “Ni kamu ing kakaria-Ku, ni kamu én tia' maindé' wia sé tou toro uman munu' un awak niou wo zéi'mo mata'u mangun u lumousé niitu im wia ni kamu.

Lukas 2:14

“U sigi' wo u looz én iwéhé uman wia si Opo Empung si witi kaséndukan! Wo ung kaluasan witu un até wia sé tou wia ung kaayahan, sé mahwangun si Opo Empung mahpaa-paaz.”

Yohanes 14:1

Kuan ni Yesus wia sé pahtuzu'en-Na, “Tia'mo un até niou nimasusa, ma'émanola wia si Opo Empung wo ma'éman kasiila wia ni Aku.

Yohanes 16:33

Péléng niitu méikua-Kuma wia ni kamu, wo un até niou maluasa pahpaan nimaesa karia-Ku. Im wia ung kaayahan kenu ni kamu é mendan an zézéha, taan enté-enté'en un até niou, ni Aku éng kimalamoma ang kawasa wia ung kaayahan.”

Yohanes 20:19

In Duminggu wengi itii sé pahtuzu'en ni Yesus é nimaréwok witu um walé, am pepenet um walé itii éng kinusi' pahpaan ni séra é maindé' wia sé tonaas né tou Yahudi. In toro niitu a méyé si Yesus wo rimendai witu un unez néra ang kumua, “Ung kaluasan witu un até é menaté-natér ni kamu!”

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Yohanes 20:26

Waluna endo in tumondongé sé pahtuzu'en ni Yesus é riméwok witi walé itii sumaup wo si Tomas éng kimaria ni séra. Im péléng am pepenet kinusi', kumompo'mé si Yesus niméyé wo rimendai witu un unez néra a mahkua, “Ung kaluasan witu un até é menaté-natér ni kamu!”

Kisah Rasul-rasul 10:36

Kata'uan niouo u Nuwu' ni Opo Empung u méipapaayo wia sé tou Israel. Ni Sia éng kimua i sé tou é mawurian sumaup karia ni Opo Empung mengiité si Yesus Kristus, si nimaéndo Mahpiara péléng né tou.

Kisah Rasul-rasul 18:9

I sana wengi, si Paulus wéwéhan um pina'ilek. Im witu um pina'ilekna, si Mahpiara éng kimua wia ni sia, “Tia'mo ko maindé'! Tia'mo kumana' i mahwoka' u Nuwu' Lé'os wo tia'mo ko menes uman.

Roma 1:7

Wia ni kamu péléng sé mahento' witi Roma, ni kamu sé ikararaaté ni Opo Empung, tinawah i nimaéndo tou lenas. Mengalé-ngaléi uman ung kamang tatambér-Na wo ung kaluasan witu un até, um wia si Opo Empung, si Ama'ta, wo wia si Yesus Kristus Mahpiara é menaté-natér ni kamu.

Roma 15:13

Mengalé-ngaléi uman si Opo Empung, si mahwéhémé am pahéré'an é méhémé malake-lakez wia ni kamu u mahpaa-paaz wo ung kaluasan witu un até pahpaan ni kamu ma'éman wia ni Sia. Wo karia ung kawasa ni Roh Lenas, um pahéré'an niou é malake-lakez wia si Opo Empung.

Roma 5:1

Pahpaan um pa'émanenta, ni kita é niéndo ulit ni Opo Empung. Niitumo ni kita menou-nou witu u mahlé'o-lé'osan karia ni Opo Empung, mengiité si Mahpiarata, si Yesus Kristus.

Roma 5:10

I ni kita makahkoro'pé' karia ni Opo Empung, a si Oki'-Na nimaté pahpaan ni kita akaz ni kita nimawurian sumaup karia ni Opo Empung. Woopé' kasii in tarékan. Sa kita nimawuriano sumaup karia ni Opo Empung, tantumo ni kita én ipiloté im witu un ukuman wana a singkéla', pahpaan ni Sia é mémoitoumé sumaup ni Opo Empung.

Roma 8:6

Si tou mahgenang um paaz un awakna in esa é mahwali ni sia witu um patéan, taan si tou mahgenang ang kapaaz ni Roh ni Opo Empung é mahwali ni sia witu ung katou-touan wo ung kaluasan witu un até.

1 Korintus 1:3

Mengalé-ngaléi uman ung kamang tatambér wo ung kaluasan witu un até, um wia si Opo Empung, si Ama'ta wo um wia si Yesus Kristus Mahpiara é menaté-natér ni kamu.

Galatia 1:3

Mengalé-ngaléi uman, ung kamang tatambér wo ung kaluasan witu un até, um wia si Opo Empung, si Ama'ta wo um wia si Yesus Kristus Mahpiara é menaté-natér ni kamu.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Galatia 6:16

Im wia péléng sé tou sé menou-nou karia ung katou-touan weru kenu, mengalé-ngaléi uman u mahlé'o-lé'osan wo u raraatéan ni Opo Empung én iwéhémé wia ni séra wo wia sé tou Israel sé anu ni Opo Empung.

Filipi 4:7

Sa kamu mengaléi tanu niitu, si Opo Empung é méhé ung kaluasan witu un até niou, ung kumelung un até wo ung genang niou, pahpaan nimaesa karia ni Kristus Yesus. Ung kaluasan witu un até u méiwéhémé ni Opo Empung itii, zéi'kan katulapan karia ung katulapan niou in tou uman, pahpaan niitu ém wia si Opo Empung in esa a méyé.

Kolose 1:2

Um pinantik kenu én iwéhé wia ni kamu in tou linenas ni Opo Empung wo sé ma'éman si Kristus witi Kolose. Mengalé-ngaléi uman ung kamang tatambér wo ung kaluasan witu un até, um wia si Opo Empung, si Ama'ta é menaté-natér ni kamu.

Kolose 1:20

Wo mengiité ni Sia, si Opo Empung nimangun péléng am wia ung kaayahan wo am witi kasendukan é nimalé'osan karia-Na. Si Opo Empung nimangun niitu karia un zaha' ni Kristus u méikasaroi i ni Sia sinalip makaz nimaté.

Kolose 3:15

Wangunela ung kaluasan witu un até u méiwéhémé ni Kristus mahkawasa wia ni kamu, pahpaan ni kamu én tinawahmo ni Opo Empung i maéndo esa awak. Wo ni kamu é léwo'zéi' i mahkuala u makasé wia ni Sia.

2 Tesalonika 1:2

Mengalé-ngaléi uman ung kamang tatambér wo ung kaluasan witu un até, um wia si Opo Empung, Ama'ta wo um wia si Yesus Kristus Mahpiara é menaté-natér ni kamu.

2 Tesalonika 3:16

Si Opo Empung si mahwéhémé ung kaluasan witu un até é meméhé-méhémé ung kaluasan witu un até niou im wana am péléng. Mengalé-ngaléi uman ni Sia sekezé é menaté-natér ni kamu péléng.

2 Timutius 1:7

Pahpaan si Opo Empung én zéi'kan niméhémé wia ni kita si roh iindé'en, taan si roh si mahwangun ni kita in enté', rumaraaté si kasuat tou wo toro mahime-imek un tou.

Ibrani 13:20

In tarékan si Opo Empung si mahwéhémé ung kaluasan witu un até én timoumomé sumaup si Yesus im wia sé nimaté. Si Yesus si Mahpiarata ém winangun ni Opo Empung i maéndo menanatér sé tou-Na, si totoz wangko', tanu si memimiara sé domba, si totoz pahsigi'en. Wo un zaha'-Na é nimangun um pinataazan ni Opo Empung karia né tou makaz ing kauré-uré.

Ibrani 7:2

Wia ni siamo kasii si Abraham niméhé u sana pahpulu' im wana péléng ang kinahatnamé i nimahkoro'mé. U ngaran Melkisedek ung kalakoana éng “Kolano si zéi'kan mahsanaweka”, wo ni sia kasii éng kolano witi wanua tua'na Salem, ung kalakoana éng kolano si paaz u mahlé'o-lé'osan.

Wahyu 1:4

Um pinantik kenu ém wia ni aku Yohanes a mangé, iwéhé wia ni kamu sé pitu jamaat witi Asia. Mengalé-ngaléi uman ung kamang tatambér wo ung kaluasan witu un até é menaté-natér ni kamu. Ung kamang tatambér wo ung kaluasan witu un até ém wia si Opo Empung, si wiamo rengan im puuna, in tarékan wo in tumondong, wo um wia sé pitu roh sé makasaru u rurumezan-Na ing Kolano,

Wahyu 2:10

Tia'mo maindé' wana an zézéha a léwo'zéi' im pendanen niou. Gena-genangen! Pahpaan i ma'éman ni Aku, sé woopira im wia ni kamu én iuntep ni tonaas né sétang witi bui im pema'wa'en wo zézéhan witu, mapulu'na endo ung kauréna. Taan zozo'pé' in téntu, ni kamu én tia' mazéi' i ma'éman wia ni Aku makaz i maté, wo ni kamu ém wéhang-Ku ung katou-touan makaz ing kauré-uré. Niitu ung kukulu-Ku wia ni kamu.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”