Yohanes 14:2 - Taaz Weru Witu u Nunuwu'en Tombulu

² Im witi walé ni Ama'-Ku é lakez un ento'an. Ni Aku i mangé witu é mamimek un tampa niou. Sa zéi'kan téntu, ni Aku én zéi'kan kumua niitu wia ni kamu.

Yohanes 14:2 Iomraidhean Croise

Lukas 14:22

Tumondongé niitu, si ata itii makumua wia si tuangna, ‘Tuang, péléng a méiperéntamé ni tuang ém winangunkumola, taan wéwéhampé' a rurumezan zéi'kan rinumezan.’

Yohanes 13:33

É kamu sé oki'-Ku, zéi'mo mauréma ni Aku i mahwali-wali karia niou. Ni kamu é mamenéro ni Aku, wo tanu u mémoikua-Kula wia sé tonaas né tou Yahudi: ‘Ni kamu én zéi'kan mamuali i méyé witi tampa angéang-Ku’, téntu kangkasii un ikua-Ku wia ni kamu.

Yohanes 13:36

Si Simon Petrus kimuala wia si Yesus, “Tuang, wisa un angéan-Nu wé?” Kuan ni Yesus, “Ni ko én zéi'kan mata'u kumiit i mangé witi tampa angéang-Ku in tarékan. Taan in tumondong ni ko é makumiit ni Aku.”

Yohanes 14:28

Ni kamu én timalingamo ni Aku ing kimua wia ni kamu: ni Aku é mangé, taan ni Aku é méyé sumaup wia ni kamu. Sa ni kamu rumaraaté ni Aku, tantumo ni kamu é mahpaa-paaz pahpaan ni Aku é mangé wia si Ama'-Ku, pahpaan si Ama' é lumouspé'mé ni Aku.

Yohanes 16:4

Taan péléng niitu én ikua-Kuma wia ni kamu, wo i méyé un oras méikua-Kuma itii, ni kamu é maikagenang i ni Aku éng kimuamola niitu wia ni kamu.” A si Yesus kumua, “Niia én zéi'kan méikua-Ku rengan ing kataré-taré, pahpaan ni Aku é mengari-ngariapé' ni kamu.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Kisah Rasul-rasul 9:16

Ni Aku in esa si mapata'u wia ni sia, an zézéha totoz lakez a léwo'zéi' im pendanenna pahpaan u ngaran-Ku.”

2 Korintus 5:1

Ung kata'uan nai, un awakta im wia ung kaayahan é masuat uman wo un ténda pahento'anta u maléwo'. Si Opo Empung é méhé wia ni kita um walé witi kasendukan. Um walé itii ém winangun ni Opo Empung, zéi'kan maléwo' makaz ing kauré-uré, zéi'kan winangun ni tou.

1 Tesalonika 5:9

Ni kita pinéléng ni Opo Empung én zéi'kan in ukumen, taan in ipilot im witu un ukuman wana a singkéla' mengiité si Yesus Kristus Mahpiarata.

Titus 1:2

An tutuzu' ulit itii én ipahtuzu' nai pahpaan ni kita mahéré'la i makailek ung katou-touan makaz ing kauré-uré. Ung katou-touan makaz ing kauré-uré itii é mémoitaaza ni Opo Empung si zéi'kan mahtowo, rengan ung kaayahan im winangun.

Ibrani 11:10

Pahpaan si Abraham uli-ulit ma'éman i ni sia é milek um wanua tua'na u makato'tolan enté', u niimeko wo winangun ni Opo Empung, niitumo ni sia é ma'ento' karia in zéi'kan mahzua-zua genang i makailek um wanua tua'na itii.

Ibrani 13:14

Pahpaan im wia ung kaayahan kenu ni kita én zéi'kan siapa um wanua tua'na um pahento'an makaz ing kauré-uré, taan ni kita é mahpenéro um wanua tua'na ento'anta in tumondong witi kasendukan.

Ibrani 6:20

Si Yesus si kataré-taré nimuntep witu un tampa itii wo nimuka u lalan wia ni kita wo toro muntep witu. Pahpaano niitu, ni Sia é nimaéndomo Walian Wangko' makaz ing kauré-uré mengiit ung katou-touan wo um pakahpaayang ni Melkisedek im puuna.

Ibrani 9:8

Mengiit an tinotoz itii si Roh Lenas é mapata'umé, u lalan mangé witi Tampa Totoz Lenas itii én zéi'kampé' mawuka sa un tampa lenas memitu-mitupé'.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

Wahyu 21:2

Ni Aku kangkasii nimileka um wanua tua'na lenas, u Yerusalem weru, um wia si Opo Empung witi kasendukan an itumpamé. Um wanua tua'na itii é niimek tanumokan si wéwéné kawéngen, niimek i mahilekan karia ni tuama kumawéng ni sia.

Wahyu 3:12

Séi si nimuntung, ni sia én éndong-Ku tombol witi Walé ni Opo Empung-Ku wo ni sia é mento'mo witu makaz ing kauré-uré. Wia si tou itii kasii ém pantikang-Ku u ngaran ni Opo Empung-Ku, u ngaran um wanua tua'na ni Opo Empung-Ku, u Yerusalem weru. Um wanua tua'na itii ém witi kasendukan, wia si Opo Empung-Ku an itumpamé. U ngaran-Ku weru kasii én ipantik-Ku wia si tou itii.

Wahyu 3:21

Séi si nimuntung, énéang-Ku i marumumez karia-Ku witu u rurumezang-Ku ing Kolano, tanu ni Aku i nimuntungo wo rimumez mahwali-wali karia ni Ama'-Ku witu u rurumezan-Na ing Kolano.