Yohanes 14:16 - Taaz Weru Witu u Nunuwu'en Tombulu

¹⁶ Ni Aku é mahaléi wia si Ama', wo ni Sia é méhé wia ni kamu si Menunulung walina, wo ni Sia mengari-ngaria ni kamu makaz ing kauré-uré.

Yohanes 14:16 Iomraidhean Croise

Matius 28:20

wo tuzu'ela séra i mahwangun péléng a mémoiperénta-Ku wia ni kamu. Kata'uan nioula, ni Aku é menaté-natér ni kamu makaz ung kaakazan ung kaayahan.”

Yohanes 14:14

Sa ni kamu wéwéhan um pahaléien wia ni Aku mengiité u ngaran-Ku, niitu ém wanguneng-Ku.”

Yohanes 14:18

Ni kamu én zéi'kan itula'u-Kuma tanu sé koki' zéi'kan siapa tu'a. Ni Aku é méyé sumaup wia ni kamu.

Yohanes 14:26

Taan si Roh Lenas, si Menunulung, si iatumé ni Ama'-Ku mengiité u ngaran-Ku, ni Siamo si matumuzu' ni kamu péléng am péléng wo mapagenang wia ni kamu péléng a mémoikua-Ku wia ni kamu.

Yohanes 15:26

Ni Aku é matumé wia ni kamu si Menunulung si wia si Ama' a méyé. Ni Siamo si Roh Kaulitan, si mémapailek ung kaulitan tumoro si Opo Empung. Sa ni Sia méyé, ni Sia é mékumua ang kata'uan-Na tumoro ni Aku.

Yohanes 16:22

Téntu kangkasii ni kamu, in tarékan un até niou é rumara, taan ni Aku é mahilekan sumaup karia niou, niitumo un até niou é mahpaa-paaz, wo zéi'kan siapa si tou toro méndo u mahpaa-paaz itii im witu un até niou.

Yohanes 17:15

Ni Aku zéi'kan mahaléi, wo séra éndona ni Ama' im wia ung kaayahan kenu, taan wo séra téizan ni Ama' im wia si tonaas né sétang.

Yohanes 17:20

Zéi'kan uman wia sé pahtuzu'eng-Ku ni Aku mengaléi, taan kangkasii wia sé tou, sé ma'éman wia ni Aku mengiité a méipahwoka' néra.

Yohanes 4:14

taan séi uman si melep un zano iwéhé-Ku, ni sia én zéi'mo maré'o makaz ing kauré-uré. Pahpaan un zano iwéhé-Ku é maéndo tanu ung kembu'an witu un touna u mengembu-ngembu' uman wo mahwéhé ung katou-touan makaz ing kauré-uré wia ni sia.”

Yohanes 7:39

Si pahkuan ni Yesus én tumoro si Roh ni Opo Empung, si makailekan né tou ma'éman ni Sia. Pahpaan in toro niitu si Roh ni Opo Empung én zéi'kampé' niméyé, pahpaan si Yesus én zéi'kampé' pahloozen wo pahsigi'en.

Kisah Rasul-rasul 1:4

Makasamé, si Yesus é mahkan karia néra. In toro niitu, ang kuan-Na wia ni séra, “Tia'mo ipahtutula'u niou u Yerusalem kenu. Ni kamu é mento'mola wia'i ma'ento' si Ama' i lumekep u mémoitaaz-Na wia ni kamu, tanu un tinalinga niouo wia ni Aku.

Kisah Rasul-rasul 13:52

Sé mahkiit-kiit si Yesus sé witi Antiokhia én totoz mahpaa-paaz wo kinawasa ni Roh Lenas.

Kisah Rasul-rasul 9:31

Kumawusa niitu, péléng sé jamaat witi Yudea, Galilea wo Samaria é mahlé'o-lé'osan. Pahpaan u sasawang ni Roh Lenas, um pa'émanen néra éng kaenté'namo, maindé' wia si Opo Empung wo ni séra kangkasii éng kalakeznamo.

Roma 14:17

Pahpaan ung Kakolanoan ni Opo Empung én zéi'kan tumoro ang kakanen wo am pengengelepen, taan tumoro ung kaulitan, u mahlé'o-lé'osan wo u mahpaa-paaz wia si Roh Lenas.

Roma 15:13

Mengalé-ngaléi uman si Opo Empung, si mahwéhémé am pahéré'an é méhémé malake-lakez wia ni kamu u mahpaa-paaz wo ung kaluasan witu un até pahpaan ni kamu ma'éman wia ni Sia. Wo karia ung kawasa ni Roh Lenas, um pahéré'an niou é malake-lakez wia si Opo Empung.

Roma 5:5

Wo um pahéré'an én zéi'kan merara un até, pahpaan si Opo Empung timambéré si Roh Lenas wo kita toro mé'an u raraatéan ni Opo Empung.

Roma 8:34

Si Kristus Yesus si nimaté wo méitou sumaup im wia sé nimaté an irumez witu ung kakan ni Opo Empung, si Kristus itiimo si masumawang ni kita i mamengaléi wia si Opo Empung.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Filipi 2:1

Katuari-katuari, pahpaan im wia ni kamu sé nimaesamo karia ni Kristus ém wéwéhano ang kaenté'an, u maheenté'an un até pahpaan u raraatéan ni Kristus, kinawasamo ni Roh Lenas wo ni Sia mahahkit ni kamu taka-takazan ni kamu én esa genang si esa wo si esa wo mahraa-raatéan,

2 Tesalonika 2:16

Mengalé-ngaléi uman si Yesus Kristus Mahpiarata wo si Opo Empung Ama'ta, si rimaraatémola ni kita wo nimenté'mola un atéta makaz ing kauré-uré wo nimangunola ni kita ezen i ma'ento' am wangun mengiité ung kamang tatambér-Na,

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

1 Yohanes 2:1

Ni kamu in oki'ku, ang kenu ém pinantikkuma wo méiwéhéma wia ni kamu, wo kamu zéi'kan mahwangun a singkéla'. Taan sa wéwéhan im wia ni kamu si mahwangun a singkéla', wéwéhan si makumelung ni kita im witu u sinaru ni Ama', ni Siamo si Yesus Kristus, si zéi'kan mahsanaweka.

1 Yohanes 2:27

Taan ni kamu ém winéhano ni Yesus Kristus si Roh Lenas ing kumawasa wia ni kamu. Pahpaan si Roh Lenas wiapé' ni kamu, niitumo ni kamu én zéi'mo memandung sé tou walina in tumuzu' ni kamu. Pahpaan si Roh Lenas én timuzu'mo ni kamu tumoro péléng am péléng, wo péléng a méituzu'-Na itii én ulit, zéi'kan towo. Niitumo ni kamu sé im puuna én tinuzu'mo ni Roh Lenas é léwo'zéi' i menou-nou mahkiit um paaz ni Yesus Kristus.

2 Yohanes 1:2

pahpaan an tutuzu' itii ém witumo un atéta wo mamenaté-natér ni kita makaz ing kauré-uré.