Yohanes 14:12 - Taaz Weru Witu u Nunuwu'en Tombulu

¹² Uli-ulit ikua-Kuma wia ni kamu: Séi uman si ma'éman ni Aku, ni sia é mamaayang am pahpaayangeng-Ku. Wo zéi'kan uman niitu, ni sia kangkasii é maayang am paayangen lumouspé'mé niitu, pahpaan ni Aku é mangé wia si Ama'.

Yohanes 14:12 Iomraidhean Croise

Matius 21:21

A mingkotla si Yesus wia ni séra, “Uli-ulit ikua-Kuma wia ni kamu, sa kamu ma'éman wo zéi'kan mahzua-zua genang, ni kamu én zéi'kan uman toro mangun tanu um winangun-Kuma witu ung kai ara itii, taan ni kamu kangkasii én toro kumuama witu ung kentur kenu, ‘Mawutwuta wo ikalombo'ma witi tasik!’ niitu é mamuali.

Markus 11:13

Zou'pé'ma é niilek-Namoma un esa kai ara an zani'na é rembuz. A Sia rumétéma i mahiilek sa ung kai itii é mahwua'. Taan ileken-Nala én zéi'kan siapa wua'na akaz uman an zani'na. Pahpaan in toro niitu én zéi'kampé' orasna ang kai ara i mahwua'.

Markus 16:17

Sé tou ma'éman é mangun a makakompo'en kenu: Moho sé sétang karia u ngaran-Ku, mahnuwu' a nunuwu'en walina an zéi'kampé' pinahnuwu-nuwu' nérala,

Yohanes 14:28

Ni kamu én timalingamo ni Aku ing kimua wia ni kamu: ni Aku é mangé, taan ni Aku é méyé sumaup wia ni kamu. Sa ni kamu rumaraaté ni Aku, tantumo ni kamu é mahpaa-paaz pahpaan ni Aku é mangé wia si Ama'-Ku, pahpaan si Ama' é lumouspé'mé ni Aku.

Yohanes 16:7

Taan ni Aku mahkuama an ulit wia ni kamu: Sa ni Aku mangé, niitupé' um wéwéhan torona im wia ni kamu. Pahpaan sa ni Aku zéi'kan mangé, si Menunulung itii én zéi'kan méyé wia ni kamu. Taan sa ni Aku mangé, ni Aku é matumé ni Sia wia ni kamu.

Yohanes 4:37

Pahpaan ulito ung kukuan kenu: si esa mahkeroz wo sé walina é mahupu'.

Yohanes 5:20

Pahpaan si Ama' é rumaraaté si Oki' wo ni Sia é nimapailek wia si Oki'-Na péléng am pahpaayangen-Na in esa. Lumouspé'mé niitu si Ama' é mapailek am paayangen lumousé am paayangen itii wia ni Sia, makaz ni kamu mengusi-ngusingsing.

Yohanes 7:33

Ang kuan ni Yesus, “Zéi'mo mauréma ni Aku i memali-mali karia niou wo kumawusa niitu ni Aku é mangé wia ni Sia si nimatumé ni Aku.

Yohanes 7:39

Si pahkuan ni Yesus én tumoro si Roh ni Opo Empung, si makailekan né tou ma'éman ni Sia. Pahpaan in toro niitu si Roh ni Opo Empung én zéi'kampé' niméyé, pahpaan si Yesus én zéi'kampé' pahloozen wo pahsigi'en.

Kisah Rasul-rasul 10:46

Pahpaan ni séra é mahtalingamé sé tou itii i mahnuwu' karia a nunuwu'en méiwéhé ni Roh Lenas wia ni séra wo mahlooz si Opo Empung. Ang kuan ni Petrus,

Kisah Rasul-rasul 16:18

Woo pirana endomo si wéwéné itii i mengasa-ngasar téntu. I si Paulus seso'mo a sia luméngéhma muri ang kumua wia si roh si simelaz wia si wéwéné itii, “Karia u ngaran ni Yesus Kristus, mondolé ko im wia si wéwéné itii.” In toro niitukan si roh itii éng kimii-kiit i nimondolé.

Kisah Rasul-rasul 19:12

Lumouspé'mé niitu, u léso kaapa u roko' am pinahpakémola ni Paulus ém pinahalima né tou an izeta'la wia sé tou saki, nimangun sé tou saki itii nimalé'os wo nimangun sé roh léwo' sé simelaz wia sé tou é nimondolé.

Kisah Rasul-rasul 2:33

Tumondongla niitu, ni Sia é méirakék ni Opo Empung a makaileké si Roh Lenas si méitaaz ni Ama'. An itumpa-Namé si Roh itii tanu a niilek wo tinalinga niou wia un tampa kenu.

Kisah Rasul-rasul 2:41

Sé tou niméhé genang witu u méikua ni Petrus é niméhéla un tou néra i sinarani. Im witu un endo itiikan, sé tou ma'éman wia si Yesus éng kinaawesan woo teluna riwu tou.

Kisah Rasul-rasul 4:16

Ni séra mahliligauan, “Apa u léwo'zéi' im wangunenta wia ni séra zua? Pahpaan péléng sé tou wia Yerusalem é mata'umo i ni séra é nimangunola u makakompo'en un zéi'kan mata'u iwuni wo ni kita én zéi'kan mata'u kumélong niitu.

Kisah Rasul-rasul 4:33

Karia ung kawasa totoz wangko', sé aatu ni Yesus mahkua a niilek néra tumoro si Yesus si méitoumomé sumaup ni Opo Empung. Wo ni séra péléng kasii é menou-nou karia in tinambéran ung kamang totoz lakez.

Kisah Rasul-rasul 4:4

Taan im wia sé tou timalinga an tutuzu' itii é lakez sé nima'éman, taka-takazan sé tou ma'émano, sé tuama é nimaéndomoma woo limana riwu tou.

Kisah Rasul-rasul 5:15

Lumousé niitu, sé tou saki é méipahondol néramé an ipahwalima witi lalan an ikolo'la witu um wuwuléngan wo sasanih. Winangun néra téntu wo sa si Petrus lumangkoia witu, zozo' u lénona uman én ikatoroma wia sé saki itii.

Kisah Rasul-rasul 6:7

U Nuwu' ni Opo Empung éng kalousnamo im pahkawoka'ma, wo sé tou ma'éman wia si Yesus witi Yerusalem éng kalakeznamo. Wo lakez kasii sé walian sé ma'émano wia si Yesus.

Kisah Rasul-rasul 8:7

Pahpaan im wia sé tou lakez sé sinelazan é mahondolé sé sétang karia i mengéré-ngérét. Wo kasii lakez sé lailai wo sé kénto' é liné'osnama.

Kisah Rasul-rasul 9:34

Ang kuan ni Petrus wia ni sia, “Eneas, ni ko é liné'osoma ni Yesus Kristus. Niitumo tumoozomé wo imekenoma un tetekelannu!” In toro niitukan, si Eneas tumoozé.

Kisah Rasul-rasul 9:40

Taan ni séra péléng é méipekiondola ni Petrus. Ni sia kumuruzla a mengaléi. Ni sia sumarula un awak ni tou nimaté itii ang kumuama, “Tabita, tumoozomé!” A si Tabita mukamé um werenna. Kaiileknala si Petrus a sia tumoozé a rumumezla.

Roma 15:19

karia a makakompo'en wo an zéi'kan kakuaan pahpaan ung kawasa ni Roh ni Opo Empung. U Nuwu' Lé'os tumoro si Yesus Kristus é mémoipahwoka'kumé wia sé tou, rengané im witi Yerusalem makaz witi Ilirikum.