Yohanes 14:10 - Taaz Weru Witu u Nunuwu'en Tombulu

¹⁰ Zéi'kan pa'émanennu wé i ni Aku é nimaesa karia ni Ama' wo si Ama' é nimaesa karia-Ku? A méikua-Kuma wia ni ko én zéi'kan witu ung genang-Ku a mangé, taan wia si Ama' si nimaesa karia-Ku a mangé, ni Siamo si mahwangun péléng am pahpaayangen-Na.

Yohanes 14:10 Iomraidhean Croise

Yohanes 10:30

Ni Aku wo si Ama'-Ku én esa.”

Yohanes 10:38

Taan sa ni Aku nimangun niitu wo ni kamu soo ma'éman wia ni Aku, pa'émanenola am pinaayang-Ku itii, wo ni kamu toro mata'u wo makatulap i si Ama' é nimaesa karia-Ku wo ni Aku é nimaesa karia si Ama'.”

Yohanes 11:26

Wo péléng sé tou menou-nou wo ma'éman wia ni Aku, zéi'kan maté makaz ing kauré-uré. Apa pa'émanennu un taré ikua-Kuma itii?”

Yohanes 12:49

Pahpaan ni Aku zéi'kan mahnuwu' mengiit ung kapaaz-Ku. Si Ama' si nimatumé ni Aku, ni Siamo si mahperéntamé wia ni Aku apa u léwo'zéi' in ikua-Ku wo inuwu'-Ku.

Yohanes 14:11

Pa'émanela i ni Aku é nimaesa karia ni Ama' wo si Ama' é nimaesa karia-Ku. Sa ni kamu zéi'kan ma'éman ni Aku pahpaan am pahkua-Ku, pa'émanené ni Aku pahpaan am pinaayang-Ku kenu.

Yohanes 14:20

In endo itiimo ni kamu lamata'u i ni Aku é nimaesa karia ni Ama', ni kamu é nimaesa karia-Ku wo ni Aku é nimaesa karia niou.

Yohanes 14:24

Séi uman si zéi'kan rumaraaté ni Aku, si tou itii én zéi'kan mahwangun a nuwu'-Ku. Wo a nuwu' tinalinga niou itii én zéi'kan wia ni Aku a mangé, taan wia si Ama' si nimatumé ni Aku a mangé.

Yohanes 17:8

Pahpaan péléng a méinuwu' ni Ama' wia ni Aku é méikua-Kumola wia ni séra wo ni séra én timalingamo wo ma'émano niitu. Ni séra é mata'umo i ni Aku én uli-ulit wia si Ama' a méyé wo ni séra é ma'éman i si Ama' si nimatumé ni Aku.

Yohanes 3:2

Ni sia niméyé wia si Yesus im wengimo ang kumua, “Méster, kata'uan nai ni Ko i niméyé é méiatumé ni Opo Empung i méster. Pahpaan zéi'kan siapa si tou toro mangun a makakompo'en tanu am pahwangunen-Nu itii sa zéi'kan kinaria ni Opo Empung.”

Yohanes 5:17

Taan ni Sia kimuala wia ni séra, “Si Ama'-Ku é mahpaayang makaz in tarékan, téntu kangkasii ni Aku é mahpaayang.”

Yohanes 5:19

A si Yesus mingkotla wia ni séra, “Uli-ulit ikua-Kuma wia ni kamu, si Oki' ni Opo Empung én zéi'kan mata'u kumura sa zéi'kan nimilek um winangun ni Ama'. Pahpaan apa um pahpaayangen ni Ama' niitu kangkasii um pahpaayangen ni Oki'.

Yohanes 7:16

Si Yesus nimingkotla wia ni séra, “Am pahtuzu'-Ku én zéi'kan tutuzu'-Ku in esa, taan tutuzu' ni nimatumé ni Aku.

Yohanes 8:28

A si Yesus kumuama wia ni séra, “I ni kamu timoozola si Oki' ni Tou, taré kamu mata'u i ni Akumo Sia si méipahkua-Kula. Wo ni kamu é mata'u im péléng am pahwanguneng-Ku én zéi'kan pahwanguneng-Ku mengiit um paaz-Ku in esa. Taan ni Aku mémahkua umana a méituzu' ni Ama'-Ku wia ni Aku.

Yohanes 8:38

Apa a niilek-Ku wia si Ama', niitu an ipahkua-Ku. Téntu kangkasii ni kamu, ni kamu mahwangun an tinalinga niou im wia si ama' niou.”

Yohanes 8:40

Ni Aku é mahkuama wia ni kamu ung kaulitan tinalingakumé wia si Opo Empung, taan ni kamu é mahtututu' i munu' ni Aku. Si Abraham én zéi'kan mahwangun tanu um pahwangunen niou.

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

2 Korintus 5:19

Ang kenu an ipahwoka' nai: Winangun ni Opo Empung sé tou wia ung kaayahan i mawurian sumaup karia-Na, mengiité si Kristus. Niana im winangun ni Opo Empung, zéi'mo kagenangan-Nala ang kasumalaan pinahwanguné né tou. Ni Sia kasii é niméhé wia ni kai um paayangen mahwoka' u Nuwu' Lé'os i sé tou én toro mawurian sumaup karia-Na.

Kolose 1:19

Witu um paaz ni Opo Empung péléng a nimalekepo im wia ni Sia ém wiamo si Kristus.

Kolose 2:9

Pahpaan péléng am wia si Opo Empung ém wiamo si Kristus, i ni Sia nimaéndo tou uman.

1 Yohanes 5:7

Pahpaan telu sé mahkua ang kata'uan néra [im witi kasendukan: Si Ama', u Nuwu' ni Opo Empung wo si Roh Lenas wo sé telu itii én esa.