Yohanes 13:5 - Taaz Weru Witu u Nunuwu'en Tombulu

⁵ Tumondong niitu, Sia mérama un zano witu u loyang, a méhé i mo'as an a'é né pahtuzu'en-Na wo un a'é néra kumii-kiit im pahperan-Nama karia un anduk méiapus-Na witu un eembetan-Na.

Yohanes 13:5 Iomraidhean Croise

Lukas 7:38

a sia rumendaila witu muri, rété un a'é ni Yesus. Ni sia é mahamé' wo u lué'na é mahtihisa witu un a'é ni Yesus, am pahpéhosenama karia um wuukna wo niitu maperama. Tumondong niitu pahsiomenna un a'é ni Yesus, am wuwu'annama karia u lana mahwou tariis.

Lukas 7:44

A si Yesus merena wia si wéwéné itii, ang kuan-Na wia si Simon, “Simon, ilekenumé si wéwéné kenu. Ni Aku niméyé wia um walému, taan ni Aku én zéi'kan winéhannu zano i mo'as un a'é-Ku tanu ung kinanaram pahwangunenta. Taan si wéwéné kenu, wino'asanna un a'é-Ku karia u lué'na am pahpéhosenama karia um wuukna.

Yohanes 13:10

Kuan ni Yesus wia ni sia, “Séi uman si limelé'mo, ni sia én zéi'mo totoz im weresin, un a'éna uman um wo'asala pahpaan un touna ém weresimo. Ni kamu ém weresimo taan zéi'kan péléng ni kamu.”

Yohanes 13:6

Ikaayola Sia wia si Simon Petrus, ang kuan ni Petrus wia ni Sia, “Tuang, kaa un a'éku pahwo'asan-Nu?”

Yohanes 13:8

Ang kuan ni Petrus wia ni Sia, “Tia' pahwowo'asan-Nu un a'éku.” Kuan ni Yesus wia ni sia, “Sa un a'ému zéi'kan wo'asang-Ku, ni ko é méikatampaso im wia ni Aku.”

Yohanes 19:34

Taan si esaané im wia sé suraro itii nimetuma um wentuhan ni Yesus karia un wengkou a rengan sumaroié un zaha' wo un zano.

Kisah Rasul-rasul 22:16

Wo in tarékan, kaa ko mahzua-zuapé' genang? Rumendaiomé wo iwéhémola un toumu i saranin wo mengaléiola wia si Mahpiara, wo a singkéla'mu zéi'en-Na.’

1 Korintus 6:11

Sé woopira im wia ni kamu im puuna é mahlé'os an téntu. Taan in tarékan ni kamu wineresimo im wana a singkéla' niou, ni kamu é linenas ni Opo Empung wo winangun-Na ni kamu ulit witu u sinaru-Na. Niana péléng ém winangun-Na pahpaan ni kamu nimaesamo karia ni Yesus Kristus si Mahpiara wo karia ung kawasa ni Roh ni Opo Empungta.

Efesus 5:26

Ni Sia nimanguna un téntu, wo Sia toro lumenas sé jamaat-Na, meresi sé jamaat-Na karia un zano pahsarani wo karia u Nuwu' ni Opo Empung.

1 Timutius 5:10

Wo kasii kata'uan né tou i ni sia é mahwangun a lé'os wia sé tou tanu ang kenu: sé oki'na ém piniaranamé lé'os, paaz mahsungkul si tou mento' witi waléna, mahwo'as un a'é né katuari esa pa'émanen, mahsawang sé tou witu ung kasusaan wo uli-ulit zéi'kan mazéi' i mahwangun péléng am wangun.

Ibrani 10:22

Niitumo, méyémo kita rumété si Opo Empung karia ung genang lé'os wo uli-ulit ma'éman uman wia ni Sia. Pahpaan tanumokan im pinikpikana un zaha' in zuméi' a singkéla', a léwo'an witu un atéta ém wineresimoma ni Yesus wo un awakta én tanu wino'asano karia un zano totoz weresi wo kita toro rumété wia si Opo Empung.

1 Yohanes 1:7

Taan sa kita menou-nou witu un ayah tanu ni Sia ém witu un ayah, ni kita é nimaesa karia né tou walina, wo un zaha' ni Yesus, si Oki'-Na itii é meresi ni kita im wana a singkéla'ta.

1 Yohanes 5:6

Si Yesus Kristus é niméyé karia un zano wo un zaha', zéi'kan uman karia un zano taan karia un zano wo karia un zaha'. Si Roh ni Opo Empung si mahkua ang kata'uan-Na, pahpaan si Roh ni Opo Empung éng kaulitan.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

Wahyu 7:14

Am wingkotengkula, “Zéi'kan ndo'tuu kata'uangku tuang, ni ko in esa si mata'u ni séra.” Ang kuana wia ni aku, “Ni séramo sé limangkoiomé wana an zézéha zéi'mo kakuaan. Wo karia un zaha' ni Anak ni Domba, ni séra kimemesoma ung karai tonton néra makaz nimakulo'.