Yohanes 13:33 - Taaz Weru Witu u Nunuwu'en Tombulu

³³ É kamu sé oki'-Ku, zéi'mo mauréma ni Aku i mahwali-wali karia niou. Ni kamu é mamenéro ni Aku, wo tanu u mémoikua-Kula wia sé tonaas né tou Yahudi: ‘Ni kamu én zéi'kan mamuali i méyé witi tampa angéang-Ku’, téntu kangkasii un ikua-Ku wia ni kamu.

Yohanes 13:33 Iomraidhean Croise

Yohanes 13:36

Si Simon Petrus kimuala wia si Yesus, “Tuang, wisa un angéan-Nu wé?” Kuan ni Yesus, “Ni ko én zéi'kan mata'u kumiit i mangé witi tampa angéang-Ku in tarékan. Taan in tumondong ni ko é makumiit ni Aku.”

Yohanes 14:19

Zéi'mo mauréma sé tou wia ung kaayahan kenu én zéi'mo milek ni Aku. Taan ni kamu é mamilek ni Aku, pahpaan ni Aku é menou-nou wo ni kamu kangkasii é mamenou-nou.

Yohanes 14:2

Im witi walé ni Ama'-Ku é lakez un ento'an. Ni Aku i mangé witu é mamimek un tampa niou. Sa zéi'kan téntu, ni Aku én zéi'kan kumua niitu wia ni kamu.

Yohanes 7:36

Apa kahuman ung kalakoan u méikua-Namé kenu, ‘Ni kamu é mamenéro ni Aku taan ni Aku én zéi'kan kailekan niou’ wo, ‘Ni kamu én zéi'kan mata'u méyé witu um pahwéha-wéhang-Ku?’ ”

Galatia 4:19

É ni kamu sé oki'ku ikararaatéku. Pahpaan ni kamu, ni aku mahpendan kasii u rumara tanumokan si wéwéné in tumou si oki'na. Ni aku kasii én zéi'kampé' kumana' i mendan u rumara makaz ung katou-touan ni Kristus toro kaile-ilekan witu ung katou-touan niou.

1 Yohanes 2:1

Ni kamu in oki'ku, ang kenu ém pinantikkuma wo méiwéhéma wia ni kamu, wo kamu zéi'kan mahwangun a singkéla'. Taan sa wéwéhan im wia ni kamu si mahwangun a singkéla', wéwéhan si makumelung ni kita im witu u sinaru ni Ama', ni Siamo si Yesus Kristus, si zéi'kan mahsanaweka.

1 Yohanes 4:4

É oki'ku! Ni kamu ém wia si Opo Empung a méyé wo ni kamu éng kimalamola sé nabi towo itii. Pahpaan si Roh si wiamo ni kamupé' si wangko', taan sé roh wia ung kaayahan.

1 Yohanes 5:21

É kamu in oki'ku, zumou'la im wia péléng sé opo-opo.