Yohanes 13:32 - Taaz Weru Witu u Nunuwu'en Tombulu

³² Sa si Opo Empung pahloozen wo pahsigi'en mengiité ni Sia, si Opo Empung kangkasii é mangun si Oki' ni Tou pahloozen wo pahsigi'en né tou. Wo ni Sia é rengan i loozen wo sigi'en ni Opo Empung.

Yohanes 13:32 Iomraidhean Croise

Yohanes 12:23

Ang kuan ni Yesus wia ni séra, “In tarékano un orasna si Oki' ni Tou i loozen wo sigi'en.

Yohanes 17:1

I nimakakuamola niitu, a si Yesus lumoho'ma witi langit ang kumua, “Ama', in tarékan é méikaayomola witu un oras tinotoz-Mu. Ipapaileka ung kawangko'ang-Ku in Oki'-Mu. Karia in téntu ni Aku kangkasii é mapailek ung kawangko'an-Nu.

1 Petrus 3:22

In tarékan si Yesus Kristus é nimangémo witi kasendukan a rumumezla witu u rurumezan totoz pahsigi'en witu ung kakan ni Opo Empung. Wo péléng sé malaekat, péléng sé mahkawasa wo péléng ang kaketezan ém witumo ung kawasa ni Yesus Kristus.

Wahyu 22:1

An ipapailek kasiimé ni malaekat itii wia ni aku u so'so'an un zanona é mahwéhé ung katou-touan. Un zanona én totoz léno tanumokan ung kaléno ung kristal. Wo un zano itii é mahso'so' mahondolé witu um wawa' u rurumezan ni Opo Empung ing Kolano wo ni Anak ni Domba.

Wahyu 22:13

Ni Akumo Si Alfa wo Si Omega, Si Kataré-taré wo Si Kamurian, ni Aku ém wiamo rengané Im Puuna wo makaz Ing Kauré-uré.”

Wahyu 22:3

Im witu um wanua tua'na itii zéi'mo siapa sé matoron un epa'. U rurumezan ni Opo Empung ing Kolano wo u rurumezan ni Anak ni Domba ing Kolano é maizeta' witu un untep um wanua tua'na itii. Wo sé ata-Na é marumagés wia ni Sia.

Wahyu 3:21

Séi si nimuntung, énéang-Ku i marumumez karia-Ku witu u rurumezang-Ku ing Kolano, tanu ni Aku i nimuntungo wo rimumez mahwali-wali karia ni Ama'-Ku witu u rurumezan-Na ing Kolano.