Yohanes 13:21 - Taaz Weru Witu u Nunuwu'en Tombulu

²¹ I si Yesus nimakakuamola niitu un até-Na é rumara, ang kumua, “Uli-ulit ikua-Kuma wia ni kamu, si esaané im wia ni kamu é mayo ni Aku.”

Yohanes 13:21 Iomraidhean Croise

Matius 26:21

Karegas séra i mahkan ang kuan ni Yesus, “Uli-ulit ikua-Kuma wia ni kamu, si esaané im wia ni kamu é mayo ni Aku.”

Matius 26:38

A Sia kumuala wia ni séra, “Un até-Ku én totoz rumara, tanumokan i matémo. Mento'mola wia'i wo tumégamla karia-Ku.”

Markus 14:18

Karegas séra rimumez i mahkan witu, kuan ni Yesus, “Uli-ulit ikua-Kuma wia ni kamu, wéwéhan si esaané im wia ni kamu é mayo ni Aku. Si tou itii éng karegas mahkan karia-Ku.”

Markus 3:5

Un até-Na én totoz rumara pahpaan ung kaketéhan un até néra. Karia i maupi' ni Sia mahwerenna wia sé tou makaliklik-Na. Ang kuan-Na wia si tou itii, “Iayaté u lengenmu.” An iayatla ni tou itii u lengenna a malé'osa.

Yohanes 11:33

I niilekla ni Yesus si Maria mahamé' wo kasii sé tou Yahudi sé kimiité ni sia é mahamé', un até ni Yesus én totoz rumara wo nimasusa a Sia kumua,

Yohanes 11:35

A si Yesus mamé'.

Yohanes 11:38

Makasapé' kasii un até ni Yesus rumara, a Sia mangé witi lelewengan itii. U lelewengan itii én tuleng pinalot karia um watu.

Yohanes 12:27

In tarékan un até-Ku én totoz rumara. Apapé' un ikua-Kuma? Apa ni Aku kumua, ‘Ama', tia'mo iwaya ni Aku mazézéha tanu niia.’ Zéi'kan. Pahpaan ni Aku i niméyé wia ung kaayahan kenu é méyé i mazéha.

Yohanes 13:18

An ikua-Ku kenu én zéi'kan tumoro ni kamu péléng. Kata'uang-Ku séi sé pinéléng-Ku. Taan u méipantik witu um Pinantik Lenas é léwo'zéi' mamuali, ‘Si tou kiman u roti karia-Ku é maéndo kakoro'-Ku.’

Yohanes 13:2

I si Yesus wo sé pahtuzu'en-Na mahkan mahwali-wali, si tonaas né sétang éng kimewitoma ung genang léwo' witu un até ni Yudas Iskariot, si oki' ni Simon, i mangkér ni Sia wia sé kakoro'-Na.

Yohanes 13:22

A sé pahtuzu'en-Na mahwewerenala si esa wo si esa karia i melinga-linganga, pahpaan zéi'kan kata'uan néra séi si paza'i-Na.

Kisah Rasul-rasul 17:16

Karegas si Paulus i ma'ento' si Silas wo si Timotius witi Atena, un aténa én zéi'kan katu'tulan pahpaan ni sia nimilek in totoz lakez sé patong né opo-opo im witu um wanua tua'na itii.

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.