Yohanes 13:18 - Taaz Weru Witu u Nunuwu'en Tombulu

¹⁸ An ikua-Ku kenu én zéi'kan tumoro ni kamu péléng. Kata'uang-Ku séi sé pinéléng-Ku. Taan u méipantik witu um Pinantik Lenas é léwo'zéi' mamuali, ‘Si tou kiman u roti karia-Ku é maéndo kakoro'-Ku.’

Yohanes 13:18 Iomraidhean Croise

Matius 10:36

Si totoz kakoro' ni tou é sé sana awunakan.

Matius 26:21

Karegas séra i mahkan ang kuan ni Yesus, “Uli-ulit ikua-Kuma wia ni kamu, si esaané im wia ni kamu é mayo ni Aku.”

Matius 26:23

A si Yesus mingkotla, “Si tou itii é si nimahwalima karia-Ku i simousoua u roti witu um piring, ni siamo si mayo ni Aku.

Markus 14:17

Im wengimo, a si Yesus karia né mapulu' wo zua pahtuzu'en-Na méyé.

Markus 14:18

Karegas séra rimumez i mahkan witu, kuan ni Yesus, “Uli-ulit ikua-Kuma wia ni kamu, wéwéhan si esaané im wia ni kamu é mayo ni Aku. Si tou itii éng karegas mahkan karia-Ku.”

Markus 14:20

A si Yesus mingkotla, “Si tou itii é si esaané im wia ni kamu i mapulu' wo zua kenu, ni sia é si simousoua u roti witu um piring esa karia-Ku.

Lukas 22:21

Taan, ilekené, si tou mayo ni Aku é memali-mali karia-Ku witu u méja kenu.

Yohanes 13:21

I si Yesus nimakakuamola niitu un até-Na é rumara, ang kumua, “Uli-ulit ikua-Kuma wia ni kamu, si esaané im wia ni kamu é mayo ni Aku.”

Yohanes 13:22

A sé pahtuzu'en-Na mahwewerenala si esa wo si esa karia i melinga-linganga, pahpaan zéi'kan kata'uan néra séi si paza'i-Na.

Yohanes 13:26

A si Yesus mingkotla, “Si tou itii é si tou wéhang-Ku u roti méisousou-Kumo.” Makakuala niitu a Sia sumousoua u roti itii an iwéhé-Nama wia si Yudas, si oki' ni Simon Iskariot.

Yohanes 15:16

Zéi'kan ni kamu sé niméléng ni Aku, taan ni Aku si niméléng ni kamu. Ni Aku nimatu ni kamu wo ni kamu mangé wo mangun lakez am paayangen lé'os wo am wua'na am paayangen niou é memia-mia makaz ing kauré-uré. Karia in téntu, apa uman um pahaléien niou wia si Ama' mengiité u ngaran-Ku, niitu én iwéhé-Na wia ni kamu.

Yohanes 15:19

Sa ni kamu masuat karia né tou wia ung kaayahan kenu sé zéi'kan ma'éman ni Aku, tantumo sé tou itii é rumaraaté ni kamu pahpaan ni kamu én anu néra. Taan pahpaan ni Aku é niméléngo ni kamu im wia sé tou wia ung kaayahan kenu, niitumo ni kamu én zéi'mo anu né tou wia ung kaayahan kenu. Pahpaano niitu sé tou wia ung kaayahan kenu nimazi'zisola ni kamu.

Yohanes 15:25

Taan u nuwu' méipantik witu un ukum Torat é léwo'zéi' i malekep: ‘Ni séra é mazi'zis ni Aku, taan zéi'kan siapa zozo' in esa um winangun-Ku u mangun ni séra mazi'zis ni Aku.’

Yohanes 17:12

I ni Aku mengari-ngaria ni séra, ni Aku én timéizo ni séra karia u ngaran ni Ama' u méiwéhé wia ni Aku. Ni Aku én timéizo ni séra wo zéi'kan siapa im wia ni séra si ikalulu, akaz uman ni sia si tinotozo in ikalulu, wo malekep u méipantik witu um Pinantik Lenas.

Yohanes 18:32

Téntu u nimamuali wo malekep u méinuwu' ni Yesus, i nimapata'u tumoro kura Sia i maté.

Yohanes 19:24

Pahpaano niitu ni séra mahkuaala, “Tia'mo wéténgenta ung karai tonton kenu, taan tawimo isawutla lot wo toro makailek niitu.” Karia in téntu malekepa u méipantik witu um Pinantik Lenas in téntii, “Ung karai-Ku ém pinemété-météng néra wo ni séra é simawut lot i makailek ung karai tonton-Ku.” Niitumo um winangun né suraro itii.

Yohanes 19:36

Niitu nimamuali wo malekep u méipantik witu um Pinantik Lenas in téntii, “Zéi'kan siapa zozo' in esa un zuhi-Na u rinepu'.”

Yohanes 21:17

Kuan ni Yesus wia ni sia ing katelu, “Simon oki' ni Yohanes, apa ni ko rumaraaté ni Aku?” Pahpaan si Yesus kimua, “Apa ni ko rumaraaté ni Aku?” ing katelumo, niitumo un até ni Petrus é rumara. A sia kumuala wia si Yesus, “Tuang, ni Ko é mata'u péléng am péléng, kata'uan-Nu i ni aku é rumaraaté ni Ko.” A si Yesus kumuala wia ni sia, “Piarala sé domba-Ku.

Yohanes 6:70

Kuan ni Yesus wia ni séra, “Zéi'kankuaa ni Aku si niméléng ni kamu sé mapulu' wo zua? Taan, si esaané im wia ni kamu é sétang.”

Kisah Rasul-rasul 1:16

“Katuari-katuari, a méikua ni Roh Lenas mengiité si Daud witu um Pinantik Lenas tumoro si Yudas si nimahwalimé sé tou in timion si Yesus é léwo'zéi' mamuali.

Kisah Rasul-rasul 1:2

makaz un endo ni Sia i mawénéta nimangé witi kasendukan. Puunala niitu ni Sia é niméhé um perénta mengiité si Roh Lenas wia sé aatu sé pinéléng-Na.

2 Korintus 4:5

An ipahwoka' nai én zéi'kan tumoro ni kai, taan tumoro si Yesus Kristus Mahpiara. Ni kai nimaéndo ata niou, pahpaan ni kai é mahpaayang ang kapaaz ni Yesus.

Ibrani 4:13

Zozo' in esa én zéi'kan siapa sé winangun-Na sé méikawuni im witu u sinaru-Na. Pahpaan péléng am péléng éng kaile-ilekan-Na, niitumo ni kita péléng é léwo'zéi' makaulit wo mengali am wua'na am pemuali-mualinta witu u sinaru-Na.

Wahyu 2:23

Péléng sé mahkii-kiit si wéwéné itii ém wunu'eng-Ku, wo toro kata'uala né jamaat i ni Aku é mata'u am pegena-genangen ni tou wo am witu un aténa. Ni Aku é maér wia sé tou mengiité am pinahwanguné ni esa wo ni esa.