Yohanes 13:16 - Taaz Weru Witu u Nunuwu'en Tombulu

¹⁶ Uli-ulit ikua-Kuma wia ni kamu: si ata én zéi'kan lumousé si tuangna, wo si aatu én zéi'kan lumousé si nimatumé.

Yohanes 13:16 Iomraidhean Croise

Lukas 6:40

Si pahtuzu'en én zéi'kan lumousé si mésterna. Taan i si pahtuzu'en nimalekepomé am pinahtata'una, ni sia é masuato karia ni mésterna.

Yohanes 15:20

Gena-genangen apa u mémoikua-Ku wia ni kamu: si ata én zéi'kan lumousé si tuangna. Niitumo sa ni Aku in tuang niou én zinéhamola né tou wia ung kaayahan kenu, tantumo ni kamu kangkasii é mazézéhan néra. Sa ni séra nimahwangunola a nuwu'-Ku, ni séra kangkasii é mangun an ipahnuwu' niou.

Yohanes 3:3

A mingkotla si Yesus, “Uli-ulit ikua-Kuma wia ni ko, sa si tou zéi'kan itoumé sumaup in tou taré nimatoumé, si tou itii én zéi'kan mata'u maéndo tou witi Kakolanoan ni Opo Empung.”

Yohanes 3:5

Si Yesus nimingkotla, “Uli-ulit ikua-Kuma wia ni ko, sa si tou zéi'kan matoumé im witu un zano wo wia si Roh ni Opo Empung, ni sia én zéi'kan mata'u maéndo tou witi Kakolanoan ni Opo Empung.

2 Korintus 8:23

Tumoro si Titus, ni sia éng kakariaku wo kapaayangku i mahsawang ni kamu. Tumoro sé zua tou ma'éman sé mahwali wo si Titus, ni séra é méiatu né woopira jamaat i mangé witi Yudea. Pahpaan am pinaayang néra, si Kristus é loozen wo sigi'en.

Filipi 2:25

Si Epafroditus, si katuari esa pa'émanen, si méiatu nioué i mésumawang maayang kariaku im wana am pemandungengku, ni sia si pahgenangengkula wangun i mawurima sumaup wia ni kamu. Ni sia éng kapaayangku wo nimahtututu'momé i mahpaayang kariaku.