Yohanes 13:14 - Taaz Weru Witu u Nunuwu'en Tombulu

¹⁴ Niitumo, sa ni Aku in Tuang wo Méster niou é mahwo'as an a'é niou, ni kamu é léwo'zéi' i mahwowo'asan un a'é niou.

Yohanes 13:14 Iomraidhean Croise

Yohanes 11:2

Si Maria é si wéwéné si nimuwu' u lana mahwou tariis witu un a'é ni Yesus wo nimisu' un a'é ni Yesus karia um wuukna. Lazarus si saki itii én totoz katuarina.

Kisah Rasul-rasul 20:35

Im wana am péléng ni kamu ém winéhangkumoma ung kékéréan, karia i mahpaayang tanu niitu ni kita én toro sumawang sé tou susa. Ni kita é léwo'zéi' ing gumenang u méikua ni Yesus Mahpiara in téntii, ‘Si tou mahwéhépé' si mahpaa-paaz taan si tou pahwéhan.’ ”

Roma 12:10

Mengalé-ngaléi ni kamu é mahraa-raatéan tanu a mahtuari wo mahpuu-puunala i mahwéhé a sisigi'an.

Roma 12:16

Menou-noula i ma'esaan witu ung katou-touan niou. Tia' loozan, taan pasuatela un toumu karia né tou ipahwawa-wawa'. Tia' mahgenangla un toumu én tulapo.

1 Korintus 12:3

Niitumo, ni kamu léwo'zéi' mata'ula i si tou kinawasa ni Roh ni Opo Empung én zéi'kan mamuali ing kumua in téntii, “Si Yesus én toron un epa'.” Wo si tou zéi'kan kinawasa ni Roh ni Opo Empung, si tou itii zéi'kan mamuali ing kumua, “Si Yesus itiimo si Mahpiara.”

1 Korintus 8:13

Niitumo, sa ung kakanen u maéndo raraung wia sé katuariku esa pa'émanen, ni aku é soomo kuman u lé'ona itii makaz ing kauré-uré, wo ni aku én zéi'kan maéndo raraung wia sé katuari esa pa'émanen.

2 Korintus 10:1

Ni aku Paulus, si pahkuan niou in zéi'kan wuaya sa nimasaruan karia niou, taan wuaya uman im wana am pinantikku sa nimazou'an karia niou. Ni aku mahaléi wia ni kamu witu u ngaran ni Yesus Kristus si roros até wo lé'os uman.

2 Korintus 8:9

Ni kamu é mata'umo ung kamang méitambér ni Yesus Kristus si Mahpiarata wia ni kamu. Ni Sia im wa'ilan, winangun-Na un tou-Na zéi'kan siapa apa pahpaan ni kamu, wo kamu toro mawa'ilan pahpaan winangun-Na un tou-Na in zéi'kan siapa apa.

Galatia 5:13

Katuari-katuari, ni kamu én ulit tinawahmo i maéndo tou zéi'mo pahata-atan. Taan tia' un zéi'mo pahata-atan itii én éndon niou oras i menou-nou mahwangun a singkéla'. Taan tawimo pahsawangala sé tou walina karia u raraatéan.

Filipi 2:11

wo péléng sé tou é makaulit wo kumua, “Si Yesus Kristus é Mahpiara,” karia in téntu si Opo Empung si Ama' é maloozen wo masigi'en.

1 Timutius 5:10

Wo kasii kata'uan né tou i ni sia é mahwangun a lé'os wia sé tou tanu ang kenu: sé oki'na ém piniaranamé lé'os, paaz mahsungkul si tou mento' witi waléna, mahwo'as un a'é né katuari esa pa'émanen, mahsawang sé tou witu ung kasusaan wo uli-ulit zéi'kan mazéi' i mahwangun péléng am wangun.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

1 Petrus 4:1

Pahpaan si Kristus é nimendanomé an zézéha witu un awak-Na, niitumo ni kamu kangkasii é léwo'zéi' tumégamla karia i mahgenang tanu niitu. Pahpaan séi si nimendanomé an zézéha witu un awakna, ni sia én zéi'mo memua-muali a singkéla'.

1 Petrus 5:5

Téntu kangkasii ni kamu im weru tou é léwo'zéi' i mahtali-talingala wia sé tu'a. Wo ni kamu péléng, irorosla un tou niou si esa wo si esa, pahpaan im witu um Pinantik Lenas é méipantik in téntii, “Si Opo Empung é makahkoro' wo sé tou wera', taan sé tou roros até én tambéran-Na ung kamang.”