Yohanes 13:13 - Taaz Weru Witu u Nunuwu'en Tombulu

¹³ Ni kamu é mahkua ni Aku i Méster wo Tuang, um pahkuan niou itii én ulit, pahpaan ni Aku é Méster wo Tuang.

Yohanes 13:13 Iomraidhean Croise

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Lukas 10:28

Ang kuan ni Yesus wia si tou itii, “U méiwingkotmumé itii én ulit! Pahwangunennula niitu péléng wo ni ko makailek ung katou-touan makaz ing kauré-uré.”

Lukas 6:46

Ang kuan kasii ni Yesus, “Kaa kamu mahtawah ni Aku, ‘Tuang, Tuang’, taan ni kamu én zéi'kan mahwangun an ipahkua-Ku?

Lukas 7:43

A mingkotla si Simon, “Sa kiit ni aku é si tou niminjang an zoit lakez an zéi'ela ni makazoit am pininjangna.” Kuan ni Yesus, “Ulit ung ginenangmu itii.”

Yohanes 11:2

Si Maria é si wéwéné si nimuwu' u lana mahwou tariis witu un a'é ni Yesus wo nimisu' un a'é ni Yesus karia um wuukna. Lazarus si saki itii én totoz katuarina.

Yohanes 11:28

I si Marta makakuala un téntu, a sia matumawahmé si Maria totoz katuarina ang kumewitla wia ni sia, “Si Méster ém witi kenuma wo ni Sia é menawah ni ko.”

Yohanes 11:3

Sé wéwéné zua itii é nimatuma tou i makimuamé wia si Yesus, “Tuang, si kakaria totoz ikararaaté-Mu é saki.”

1 Korintus 12:3

Niitumo, ni kamu léwo'zéi' mata'ula i si tou kinawasa ni Roh ni Opo Empung én zéi'kan mamuali ing kumua in téntii, “Si Yesus én toron un epa'.” Wo si tou zéi'kan kinawasa ni Roh ni Opo Empung, si tou itii zéi'kan mamuali ing kumua, “Si Yesus itiimo si Mahpiara.”

1 Korintus 8:6

taan im wia ni kita: si Opo Empung én esa uman, ni Siamo si Ama'ta. Ni Sia si nimangun péléng am péléng wo pahpaan ni Sia kita menou-nou. Si Mahpiara én esa uman, ni Sia é si Yesus Kristus. Pahpaano ni Sia am wangunen péléng am péléng, pahpaano ni Sia ni kita én toro menou-nou.

Efesus 6:9

Wo wia ni kamu sé tuang, mahwangunla kangkasii a lé'os tanu niitu wia sé ata wo tia' mahiindé' ni séra karia an ukuman. Gena-genangen, si Mahpiara né tuang wo si Mahpiara né ata, si witi kasendukan, ni Sia én zéi'kan mahsanaweka.

Filipi 2:11

wo péléng sé tou é makaulit wo kumua, “Si Yesus Kristus é Mahpiara,” karia in téntu si Opo Empung si Ama' é maloozen wo masigi'en.

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

Yakobus 2:19

Pa'émanennu i si Opo Empung én esa uman? Niitu ém wangun! Taan maan sé sétang é ma'éman niitu wo mahgerger i maindé'.