Yohanes 13:10 - Taaz Weru Witu u Nunuwu'en Tombulu

¹⁰ Kuan ni Yesus wia ni sia, “Séi uman si limelé'mo, ni sia én zéi'mo totoz im weresin, un a'éna uman um wo'asala pahpaan un touna ém weresimo. Ni kamu ém weresimo taan zéi'kan péléng ni kamu.”

Yohanes 13:10 Iomraidhean Croise

Matius 6:12

wo ampungané ni kai im wana ang kasumalaan nai tanu ni kai kangkasii i niméhéla un ampungan wia sé tou nimangunla ang kasumalaan wia ni kai;

Yohanes 13:18

An ikua-Ku kenu én zéi'kan tumoro ni kamu péléng. Kata'uang-Ku séi sé pinéléng-Ku. Taan u méipantik witu um Pinantik Lenas é léwo'zéi' mamuali, ‘Si tou kiman u roti karia-Ku é maéndo kakoro'-Ku.’

Yohanes 13:9

Kuan ni Simon Petrus wia ni Sia, “Tuang, sa téntu, tia' un a'éku uman, taan maan u lengen wo un uluku!”

Yohanes 15:3

Ni kamu én uli-ulit weresimo pahpaan a nuwu' mémoikua-Ku wia ni kamu.

2 Korintus 5:17

Niitumo, séi uman si mahkiit si Kristus, ni sia ém winerumo. Ung katou-touanna én zéi'mo tanu im puuna in zéi'kampé' mahkiit si Kristus. Taan ung katou-touanna ém werumo, un uré é nimazéi'moma wo um weru ém wiamo.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

2 Korintus 7:1

Katuari-katuari ikararaatéku. Ni kita é nimakaileko a méitaaz ni Opo Empung. Niitumo, kumana'mola i memua-muali a singkéla', u mahwangun un tou wo si rohta makati'tiren. Ni kita é mahsigi'la wo maindé'la wia si Opo Empung wo péléng ung katou-touanta u linenas-Na é malekep.

1 Tesalonika 5:23

Mengalé-ngaléi uman si Opo Empung méhémé ung kaluasan witu un até wo mangun péléng un tou niou malenas. Mengalé-ngaléi uman kasii si Opo Empung é mahtéiz si roh, ung genang wo un awak niou, wo kamu lekep wo zéi'kan siapa u sinala' i si Yesus Kristus, Mahpiarata méyé sumaup.

Ibrani 9:10

Pahpaan péléng am pahwangunen néra itii én tumoro uman ang kakanen, am pahelepen wo am pahwangunen néra i meresi un tou néra mengiit um pakahragés né tou Israel. Péléng niitu én tinotoz uman né tou, zéi'kan mangun sé tou maéndo ulit witu u sinaru ni Opo Empung. Péléng an tinotoz an toro pahileken itii én zéi'kan mauréma, makaz uman si Opo Empung i mangun péléng am péléng nimaweru.

Yakobus 3:2

Pahpaan ni kita péléng é lakez a sinala'. Séi si zéi'kan siapa sinala' im wana a nuwu'na, ni sia én tou wutulo, wo ni sia kangkasii é mata'u mahime-imek un touna.