Yohanes 12:6 - Taaz Weru Witu u Nunuwu'en Tombulu

⁶ Niitu méikuanama zéi'kan pahpaan ni sia mahwéhé genang wia sé tou zéi'kan siapa apa, taan pahpaan ni sia é maremu'. Ni sia sekezé é mahéndo an zoit méilé'os wia ni sia.

Yohanes 12:6 Iomraidhean Croise

Matius 21:13

Ang kuan-Na wia ni séra, “Witu um Pinantik Lenas é méipantik in téntii, ‘Um Walé-Ku é mapahkuan walé pahpengaléian.’ Taan winangun niouola wuwunian né maremu'!”

Lukas 8:3

Wo si Yohana si mahayo ni Khuza. Si Khuza kenu én tonaas né mahpaayang witi istana ni Herodes. Wéwéhan kasii si makangaran Susana wo lakez sé wéwéné walina. Sé wéwéné itii é mahsawang si Yesus wo sé pahtuzu'en-Na karia an zoit néra.

Yohanes 10:13

Si tou itii én timingkas pahpaan si tou itii ém pemamaéran uman wo sé domba itii én zéi'mo pinandungnama.

Yohanes 12:5

“Kaa u lana narwastu itii zéi'kan méiwangkéra teluna atus dinar wo un zoitna iwéhéma wia sé tou zéi'kan siapa apa?”

Yohanes 13:29

Pahpaan si Yudas si mahlé'os an zoit, niitumo wéwéhan sé mahgenangla i ni sia é méiatu ni Yesus i matumeles am pemandungen witu um pésta itii kaapa i méhé zoit wia sé tou zéi'kan siapa apa.

1 Korintus 6:10

sé maremu', sé angkum, sé matetewelen, sé mahtawuruk sé tou walina wo sé towo, péléng sé tou memangu-mangun tanu niana én zéi'kan muntep witi Kakolanoan ni Opo Empung.

Galatia 2:10

Um pahaléien néra uman wia ni kai i mahwéhé genang wia sé tou zéi'kan siapa apa. Niitumo un totoz kapaazku im wangunen.

1 Tesalonika 5:22

Zumou'la im wana péléng a léwo'an.

Yakobus 2:2

Pahpaan, sa wéwéhan si kimarai ung karai totoz wangun wo u sisim mas, wo wéwéhan kasii si tou zéi'kan siapa apa si kimarai ung karai zéi'kan wangun, a séra méyé witu um pahréwo-réwokan niou,

Yakobus 2:6

Taan sé tou zéi'kan siapa apa ém pinahséro'an niouola. Zéi'kankuaa sé tou wa'ilan sé mahzézéha wo nimahwali ni kamu witi penonotozan in ulit kaapa zéi'kan am pahwangunen né tou?