Yohanes 12:5 - Taaz Weru Witu u Nunuwu'en Tombulu

⁵ “Kaa u lana narwastu itii zéi'kan méiwangkéra teluna atus dinar wo un zoitna iwéhéma wia sé tou zéi'kan siapa apa?”

Yohanes 12:5 Iomraidhean Croise

Matius 18:28

Taan i si ata itii mondolé im witu, a sia mahilekala karia ni ata walina si wéwéhan un utang sana atus dinar wia ni sia. An tionannala si kakariana itii ang kezangannala, kuana, ‘Waérenomé an utangmu wia ni aku!’

Matius 20:2

I mémoikaileké sé woopira tou mahpaayang, a sia mahkuaala karia néra, um wawaér wia ni séra witu u sana endo én esa dinar, tanu ung kinanaram ipahwaér in toro niitu. A séra iatunama i mamendu un umana tinaneman an anggor.

Lukas 12:33

Iwangkérola péléng a sangkum niou wo un zoit én iwéhéla wia sé tou zéi'kan siapa apa. Sa téntu um pahwangunen niou, niitu én tanu ni kamu limé'os a sangkum niou witi kasendukan wo niitu én zéi'kan maapu. Niitu én zéi'kan siksiken né meniksik wo zéi'kan siapa si rumemu'.

Lukas 18:22

Tumalingamé niitu ang kuan ni Yesus wia ni sia, “Esapé' un zéi'kampé' winangunmu: Ipakawangkérla an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Sa ko nimangunola niitu, mawurimé wia'i wo kumiitomé ni Aku.”

Lukas 6:41

Kaa un emu' witu um weren ni katuarimu éng kaile-ilekannu, taan u salawako witu um werenmu in esa én zéi'kan kailekannu?

Yohanes 12:4

Taan si Yudas Iskariot, si esaané im wia sé pahtuzu'en ni Yesus, si mamangkér si Yesus, mahkua,

Yohanes 12:6

Niitu méikuanama zéi'kan pahpaan ni sia mahwéhé genang wia sé tou zéi'kan siapa apa, taan pahpaan ni sia é maremu'. Ni sia sekezé é mahéndo an zoit méilé'os wia ni sia.

Yohanes 13:29

Pahpaan si Yudas si mahlé'os an zoit, niitumo wéwéhan sé mahgenangla i ni sia é méiatu ni Yesus i matumeles am pemandungen witu um pésta itii kaapa i méhé zoit wia sé tou zéi'kan siapa apa.

Yohanes 6:7

A si Filipus mingkotla wia ni Sia, “Un zoit zuana atus dinar én zéi'kan awes iteles roti iwéhé wia ni séra zozo' tahkokori'an uman ung kailekan néra.”