Yohanes 12:49 - Taaz Weru Witu u Nunuwu'en Tombulu

⁴⁹ Pahpaan ni Aku zéi'kan mahnuwu' mengiit ung kapaaz-Ku. Si Ama' si nimatumé ni Aku, ni Siamo si mahperéntamé wia ni Aku apa u léwo'zéi' in ikua-Ku wo inuwu'-Ku.

Yohanes 12:49 Iomraidhean Croise

Yohanes 14:10

Zéi'kan pa'émanennu wé i ni Aku é nimaesa karia ni Ama' wo si Ama' é nimaesa karia-Ku? A méikua-Kuma wia ni ko én zéi'kan witu ung genang-Ku a mangé, taan wia si Ama' si nimaesa karia-Ku a mangé, ni Siamo si mahwangun péléng am pahpaayangen-Na.

Yohanes 14:24

Séi uman si zéi'kan rumaraaté ni Aku, si tou itii én zéi'kan mahwangun a nuwu'-Ku. Wo a nuwu' tinalinga niou itii én zéi'kan wia ni Aku a mangé, taan wia si Ama' si nimatumé ni Aku a mangé.

Yohanes 14:31

Taan péléng sé tou wia ung kaayahan kenu é léwo'zéi' mata'u i ni Aku é rumaraaté si Ama' wo ni Aku é mangun péléng a méiperénta-Na wia ni Aku. Rumendaiomé, méyémo kita mangémo.”

Yohanes 15:15

Ni kamu én zéi'mo pahkuang-Ku in ata, pahpaan si ata én zéi'kan mata'u a mawangunen ni tuangna, taan ni kamu ém pahkuang-Ku ing kakaria, pahpaan ni Aku éng kimuamo wia ni kamu péléng an tinalinga-Kumé wia si Ama'-Ku.

Yohanes 17:8

Pahpaan péléng a méinuwu' ni Ama' wia ni Aku é méikua-Kumola wia ni séra wo ni séra én timalingamo wo ma'émano niitu. Ni séra é mata'umo i ni Aku én uli-ulit wia si Ama' a méyé wo ni séra é ma'éman i si Ama' si nimatumé ni Aku.

Yohanes 3:11

Uli-ulit ikua-Kuma wia ni ko, ni kai é mahnuwu'ma tumoro ang kata'uan nai wo ni kai é mahkua tumoro a niilek nai, taan ni kamu soo ma'éman an ipahkua nai.

Yohanes 3:32

Ni Sia é mahkua tumoro a niilek-Na wo an tinalinga-Na. Taan zozo' in esa, zéi'kan siapa si tou ma'éman an ipahkua-Na.

Yohanes 5:19

A si Yesus mingkotla wia ni séra, “Uli-ulit ikua-Kuma wia ni kamu, si Oki' ni Opo Empung én zéi'kan mata'u kumura sa zéi'kan nimilek um winangun ni Ama'. Pahpaan apa um pahpaayangen ni Ama' niitu kangkasii um pahpaayangen ni Oki'.

Yohanes 5:30

Zéi'kan siapa un toro wanguneng-Ku ikiit um paaz-Ku in esa. Ni Aku i mahtotoz am pahwangunen né tou in ulit kaapa zéi'kan é mengiit an tinalinga-Ku wia si Ama'. Wo ni Aku én zéi'kan mahsanaweka i mahtotoz am pahwangunen né tou ulit kaapa zéi'kan, pahpaan ni Aku én zéi'kan mahkiit um paaz-Ku in esa taan mahkiit uman um paaz ni Ama' si nimatumé ni Aku.

Yohanes 6:68

Wingkotela ni Simon Petrus wia ni Sia, “Tuang, séipé' si angéan nai? U nuwu'-Mu é mahwéhémé ung katou-touan makaz ing kauré-uré;

Yohanes 7:16

Si Yesus nimingkotla wia ni séra, “Am pahtuzu'-Ku én zéi'kan tutuzu'-Ku in esa, taan tutuzu' ni nimatumé ni Aku.

Yohanes 8:26

Lakezpé' u léwo'zéi' in ikua-Ku wia ni kamu wo tumotoz ulit kaapa zéi'kan am pahwangunen niou. Taan ni Aku é mahkua uman an tinalinga-Kumé wia si Opo Empung si nimatumé ni Aku. Péléng a méikua-Na én ulit wo niitu kangkasii un ipahkua-Ku wia ni kamu im wia ung kaayahan kenu.”

Yohanes 8:28

A si Yesus kumuama wia ni séra, “I ni kamu timoozola si Oki' ni Tou, taré kamu mata'u i ni Akumo Sia si méipahkua-Kula. Wo ni kamu é mata'u im péléng am pahwanguneng-Ku én zéi'kan pahwanguneng-Ku mengiit um paaz-Ku in esa. Taan ni Aku mémahkua umana a méituzu' ni Ama'-Ku wia ni Aku.

Yohanes 8:42

Kuan ni Yesus wia ni séra, “Sa si Opo Empung én Ama' niou, ni kamu é marumaraaté ni Aku, pahpaan ni Aku ém wia si Opo Empung a méyé wo in tarékan ni Aku ém wia'i. Ni Aku i niméyé én zéi'kan pahpaan um paaz-Ku in esa, taan ni Siamo si nimatumé ni Aku.

Wahyu 1:1

A méipantik witu um pinantik kenu én tumoro a méipapailek ni Yesus Kristus, a méiwéhé ni Opo Empung wia ni Sia in ipapata'u wia sé ata-Na wo séra toro mata'u an totoz i mamuali. Si Yesus Kristus é nimapaileko niana péléng wia si Yohanes ata-Na, mengiité si malaekat méiatu-Na.