Yohanes 12:48 - Taaz Weru Witu u Nunuwu'en Tombulu

⁴⁸ Si tou soo ni Aku wo soo mahtalinga um pahkua-Ku ém wéwéhano si tumotoz ulit kaapa zéi'kan am pahwangunenna. A Nuwu' méipahkua-Ku, niitumo u matumotoz ulit kaapa zéi'kan um pahwangunenna im witu un endo kaakazan ung kaayahan.

Yohanes 12:48 Iomraidhean Croise

Matius 10:15

Uli-ulit ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukuman wia sé tou witipé' Sodom wo Gomora u rorak taan un ukuman wia sé tou witu um wanua tua'na itii.”

Matius 21:42

Kuan ni Yesus wia ni séra, “Zéi'kampé' pinahbaca-baca nioula wé u méipantik witu um Pinantik Lenas, ‘Um watu méitia' né memamangun am walé é nimaéndomola watu to'tolan. Si Opo Empung si nimangun niitu wo ni kita sé nimilek um winangun-Na itii é mengusi-ngusingsing.’

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Markus 12:10

Zéi'kampé' binaca nioula wé u méipantik witu um Pinantik Lenas kenu, ‘Um watu mémoitia' né memamangun am walé é nimaéndomola watu to'tolan.

Markus 16:16

Séi si ma'éman wo sinarani, ni sia é makailek ung katou-touan makaz ing kauré-uré. Taan séi si zéi'kan ma'éman én ukumen.

Markus 8:31

A si Yesus rengan i mahtuzu' wia sé pahtuzu'en-Na i si Oki' ni Tou é léwo'zéi' i mazéha wo kasoo né pahtutu'an né tou Yahudi, né tonaas né walian wo né tou tulap un Torat, wo sé tou é munu' ni Sia, taan ni Sia é matou sumaup witu un endo katelu.

Lukas 10:16

Ang kuan ni Yesus wia sé tou mahkii-kiit ni Sia, “Séi uman si mahtalinga ni kamu, ni sia é mahtalinga ni Aku. Séi uman si soo ni kamu, ni sia é soo ni Aku wo séi uman si soo ni Aku, ni sia é soo wia si nimatumé ni Aku.”

Lukas 17:25

Taan puunala niana, ni Sia é léwo'zéi' mamasaan an zézéha totoz lakez wo ni Sia éng kasoo né tou in tarékan.

Lukas 20:17

Taan si Yesus merena wia ni séra a mahkua, “Sa téntu, apa ung kalakoan u méipantik witu um Pinantik Lenas kenu: ‘Um watu mémoitia' né memamangun am walé é nimaéndomola watu to'tolan.’

Lukas 7:30

Taan sé wia sé sana réwok tou Farisi wo sé tou tulap un Torat é soo ung ginenang ni Opo Empung witu ung katou-touan néra, pahpaan ni séra é soo i saranin ni Yohanes.

Lukas 9:22

Tumondongé niitu, kuan ni Yesus, “Si Oki' ni Tou é léwo'zéi' i masaan an zézéha wo kasii kasoo né tu'a-tu'a né Yahudi, né tonaas né walian wo né tou tulap un Torat. Wo ni Sia ém wunu'en taan witu un endo katelu én itou sumaup im wia sé nimaté.”

Lukas 9:26

Pahpaan séi uman si maizang makaulit i mahkii-kiit ni Aku wo an ipahkua-Ku, si Oki' ni Tou kangkasii é maizang i makaulit i si tou itii é mahkii-kiit ni Aku wo an ipahtuzu'-Ku, i ni Sia méyé sumaup karia ung kawasa-Na wo ung kawasa ni Ama'-Na wo né malaekat lenas.

Yohanes 11:24

Kuan ni Marta wia ni Sia, “Kata'uangku ni sia én itou sumaup im wia sé nimaté im witu un endo kaakazan ung kaayahan i sé nimatémo itou sumaup.”

Yohanes 5:45

Ni kamu én tia'mo mahgenangla i ni kamu ém papahsasala'-Ku witu u sinaru ni Ama'. Si mapahsasala' ni kamu é si Musa, ni sia si niéré'an niou.

Yohanes 6:39

Ung kenumo um paaz ni Opo Empung si nimatumé ni Aku: Wo im wia sé tou méiwéhé wia ni Aku, zéi'kan siapa zozo' in esa si ikaliong, taan ni Aku tumou sumaup ni séra im witu un endo kaakazan ung kaayahan.

Yohanes 8:47

Séi uman si wia si Opo Empung a méyé, ni sia é mahtalinga u nuwu' ni Opo Empung. Taan ni kamu én zéi'kan wia si Opo Empung a méyé, pahpaano niitu ni kamu soo tumalinga u nuwu' ni Opo Empung.”

Kisah Rasul-rasul 17:31

Niimek-Namo un oras i métumotoz wo meneksek ni kita. Méituzu'-Na si Tou esa i maéndo menonotoz zéi'kan mahsanaweka im wia ni kita péléng. Wo totoz kata'uanta sa niana péléng é mamuali téntu, si menonotoz itii é nimaté a Sia itoumé sumaup ni Opo Empung im wia sé nimaté.”

Kisah Rasul-rasul 3:23

Séi si zéi'kan mahwéhé genang im wana an ipahkua ni nabi itii, si tou itii ém patampasen im wia sé tou ni Opo Empung wo mawunu'en.

Roma 2:16

Niitu én ikatuzu'mokané witu un endo i si Opo Empung, mengiité si Kristus Yesus, i matumotoz ulit kaapa zéi'kan péléng a méikawuni witu un até né tou, mengiit u Nuwu' Lé'os tumoro si Yesus u mémoipapata'uku wia sé tou.

2 Korintus 4:3

Sa u Nuwu' Lé'os tumoro si Yesus un ipahwoka' nai soo pahtutulapen né tou maléwo'en, niitu é masuat wo ung genang néra én tanu niapé'ampé'.

2 Tesalonika 1:8

Ni Sia kasii in timumpamé é mémukum sé tou soo mata'u si Opo Empung wo soo mahkiit u Nuwu' Lé'os tumoro si Yesus, si Mahpiarata.

Ibrani 10:25

Tia' kita mahzou' im wana am pahréwokan mahwali-wali i mahragés wia si Opo Empung tanu ung kinanaram né tou walina, taan tawimo kita mahsésésaan am wangun pahpaan un endo si Yesus i mawurimé sumaup éng kaleleznamo.

Ibrani 12:25

Niitumo mile-ilekla, tia' kamu soo tumalinga si Opo Empung si mahnuwu'mé. Ni séra sé soo mahtalinga ni sia si mahkua u Nuwu' ni Opo Empung én zéi'kan mata'u tumingkas, apapé' kasii ni kita sé mahtalingamé si Opo Empung si mahnuwu'mé witi kasendukan. Sa kita zéi'kan mahtalinga ni Sia, tantumo ni kita én zéi'kan ikatingkas im witu un ukuman wana a singkéla'.

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.

Ibrani 4:12

Pahpaan u Nuwu' ni Opo Empung é mahwéhé ung katou-touan wo mahkawasa wo totoz tewel, lumousé um pisou tewel zua masaru, sa iwetuma én toro muntep makaz witu un tampa totoz lalem taka-takazan un asengan wo si roh én toro matampasan, téntu kangkasii am wukuna an zuhi wo am witu un untep an zuhi én toro matampasan. U Nuwu' itii kangkasii é makawawa in tumotoz ulit kaapa zéi'kan am witu ung genang né tou wo am paaz un até ni tou.

1 Petrus 1:5

Péléng niitu én iwéhé wia ni kamu sé penaté-natéren karia ung kawasa ni Opo Empung pahpaan ma'éman wia ni Sia. Ni Sia é menaté-natér ni kamu, akaz ni kamu ipilot im witu un ukuman wana a singkéla'. Niitu é niimek-Na wia ni kamu witu ung kaakazan ung kaayahan.

2 Petrus 3:3

Un ipahpuu-puuna ing kata'uan nioula én téntii: Im wana an endo kaakazan ung kaayahan, mahondolé sé tou tampenéro' karia a séséro' néra, sé menou-nou mahkiit uman a lelo léwo' un awak.

2 Petrus 3:7

Taan karia u Nuwu'-Na, u langit wo ung kaayahan in tarékan én zéi'kan linéwo' karia un api. Im witumokan un endo ni Sia in tumotoz am pahwangunen né tou in ulit kaapa zéi'kan, ni Sia é luméwo' sé tou zéi'kan pandung ni Sia wo kasii luma'ung u langit wo ung kaayahan.