Yohanes 12:45 - Taaz Weru Witu u Nunuwu'en Tombulu

⁴⁵ Wo séi uman si mahilek ni Aku, si tou itii é mahilek ni Sia si nimatumé ni Aku.

Yohanes 12:45 Iomraidhean Croise

Yohanes 12:41

Ung kenu é méikua ni Yesaya, pahpaan ni sia é nimileko ung kawangko'an ni Yesus wo kimuamo tumoro ni Sia.

Yohanes 15:24

Sa ni Aku zéi'kan nimanguna a makakompo'en an zéi'kan winangunla né tou walina, tantumo ni séra én zéi'kan simingkéla'. Taan in tarékan, zozo' ni séra nimilekola niitu péléng, ni séra é mazi'zis ni Aku wo si Ama'-Ku.

Yohanes 6:40

Pahpaan niiamo um paaz ni Ama'ku: Wo péléng sé tou nimilek wo sé ma'éman si Oki' é makailek ung katou-touan makaz ing kauré-uré wo ni séra én itou-Ku sumaup im witu un endo kaakazan ung kaayahan.”

2 Korintus 4:6

Im puuna si Opo Empung éng kimua in téntii, “Im witu u rimbengbeng a mondolé un ayah!” In tarékan ni Sia kangkasii si nimangun un ayah-Na mahsena' witu un atéta wo toro kata'uantala ung kawangko'an-Na. Ung kawangko'an ni Opo Empung én toro ilekenta witu ung gio ni Yesus Kristus.

Kolose 1:15

Si Yesus Kristus én tumuzu'mé si Opo Empung si zéi'kan kailekan, ni Sia si kataré-taré wo ipahpuu-puuna im wia péléng sé winangun ni Opo Empung.

Ibrani 1:3

Ni Siamo si mahsena'mé u sena' ni Opo Empung wo mengiité ni Sia kita toro milek si Opo Empung. Karia u Nuwu'-Na un totoz mahkawasa, si Yesus mahtéiz péléng am wia ung kaayahan. Kumawusa Sia i miloté sé tou im witu un ukuman wana a singkéla', ni Sia rimumez witu ung kakan ni Opo Empung si totoz wangko' witi tampa totoz rakék.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.