Yohanes 12:42 - Taaz Weru Witu u Nunuwu'en Tombulu

⁴² Zozo' in téntu, im wia sé tonaas né tou Yahudi é lakez kangkasii sé ma'éman wia si Yesus. Taan ni séra é soo kumua i ni séra é ma'éman wia ni Sia, pahpaan ni séra é maindé' wia sé sana réwok tou Farisi sé toro suméro' ni séra i muntep witu um Walé pahragésan né tou Yahudi.

Yohanes 12:42 Iomraidhean Croise

Matius 10:32

Ang kuan kasii ni Yesus, “Séi uman si makaulitla wia sé tou i ni sia é ma'éman wia ni Aku, ni Aku kangkasii é makaulit witu u sinaru ni Ama'-Ku witi kasendukan i ni sia én tou-Ku.

Lukas 12:8

Ang kuan ni Yesus, “Séi uman si makaulitla wia sé tou i ni sia é ma'éman ni Aku, si Oki' ni Tou kangkasii é makaulit i ni sia én tou-Ku im witu u sinaru né malaekat ni Opo Empung.

Lukas 23:13

A réwokené ni Pilatus sé tonaas né walian, sé tonaas wo sé tou lakez.

Lukas 6:22

Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Yohanes 11:45

Lakez im wia sé tou Yahudi sé niméyé i menté' un até ni Maria wo nimilek am winangun ni Yesus, nima'éman wia ni Sia.

Yohanes 12:11

pahpaan ni sia nimangun lakez sé tou Yahudi timula'u ni séra wo nima'éman wia si Yesus.

Yohanes 16:2

Ni kamu én iwoho né tonaas né tou Yahudi im wana am walé peraragésan néra. Wo un orasna é méyé i si tou mahwuwunu' ni kamu é mahgenangla ni sia é mahpaayang wia si Opo Empung.

Yohanes 19:38

Tumondong niitu si Yusuf tou Arimatea mahaléi wia si Pilatus wo sia toro matumumpa un awak ni Yesus. (Si Yusuf é mahkii-kiit si Yesus, taan ni sia mahwuni-wuni uman pahpaan ni sia é maindé' wia sé tonaas né tou Yahudi). Um pahaléien ni Yusuf itii é niénéané ni Pilatus. A sia mangé in timumpamé un awak ni Yesus.

Yohanes 3:2

Ni sia niméyé wia si Yesus im wengimo ang kumua, “Méster, kata'uan nai ni Ko i niméyé é méiatumé ni Opo Empung i méster. Pahpaan zéi'kan siapa si tou toro mangun a makakompo'en tanu am pahwangunen-Nu itii sa zéi'kan kinaria ni Opo Empung.”

Yohanes 7:13

Taan zéi'kan siapa zozo' in esa si wuaya ing kumua tumoro ni Sia witu u sinaru né tou lakez, pahpaan ni séra é maindé' wia sé tonaas né tou Yahudi.

Yohanes 7:31

Taan im wia sé tou lakez itii lakez sé ma'éman wia ni Sia wo mahkua, “I si Kristus méyé, apa Sia toro mangun a makakompo'en lumakezpé'mé a makakompo'en winangun ni Tou kenu?”

Yohanes 9:22

Sé tu'ana kimuala téntu, pahpaan ni séra é maindé' wia sé tonaas né tou Yahudi. Pahpaan sé tonaas né tou Yahudi é nimaesaanola i sé tou mahkua si Yesus é Mesias, ni séra én zéi'mo mata'u muntep witi walé peraragésan né tou Yahudi.

Yohanes 9:34

Ang kuan néra wia ni sia, “Ni ko renganpé' i nimatoumé é lakezo a singkéla' wo ni ko mahtutuzu' ni kai?” A sia iwoho nérama i mondola.

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

Roma 10:10

Pahpaan karia un até si tou é ma'éman wo éndon ulit, wo karia u sumah si tou é makaulit i si Yesus é Mahpiara, ni sia én ipilot im witu un ukuman wana a singkéla'.

1 Yohanes 4:15

Séi si makaulitla i si Yesus én Oki' ni Opo Empung, si Opo Empung é nimaesa kariana wo ni sia é nimaesa karia ni Opo Empung.

1 Yohanes 4:2

Téntii wo kita toro mata'u si Roh ni Opo Empung: Péléng sé roh sé makaulit i si Yesus Kristus é niméyémoma wia ung kaayahan in tou uman, ni séra ém wia si Opo Empung a méyé.