Yohanes 12:36 - Taaz Weru Witu u Nunuwu'en Tombulu

³⁶ Pa'émanela u sena' itii, karegas u sena itii wia ni kamu, wo ni kamu maéndo oki' ni sena'.” I nimakakuamola niitu, a si Yesus mangé witi tampa zéi'kan kata'uan néra.

Yohanes 12:36 Iomraidhean Croise

Matius 21:17

A séra itula'u-Namé, a mangé witi wanua tua'na Betania. Im witu ni Sia é nimento'mé sana wengi.

Matius 5:14

Ni kamu én tanu un ayah im wia ung kaayahan. Um wanua tua'na witi wawo ung kentur én zéi'kan mamuali in ikawuni.

Lukas 16:8

A si tuangna mahlooz si melélé'os an zoit si tantowo itii, pahpaan ung kasigaanna i menéro lalan. Pahpaan sé tou mahkiit a lelo ung kaayahanpé' sé totoz siga' i mahpenéro lalan i makailek ung kauntungan néra im wia sé kasuat néra, taan sé tou mahkiit ang kapaaz ni Opo Empung.

Yohanes 1:7

Ni sia i niméyé é mékumua a niilek wo an tinalingana tumoro u sena' itii, wo péléng sé timalingama a méikuana é ma'éman u sena' itii.

Yohanes 11:54

Pahpaano niitu, si Yesus soomo mapailek wia sé tou Yahudi lakez. Ni Sia én timula'umé un tampa itii, a mangé witi Efraim rété ung kapelasan. Ni Sia karia né pahtuzu'en-Na nimento' witu.

Yohanes 12:37

Zozo' si Yesus nimangun lakez a makakompo'en witu u sinaru néra, taan ni séra én zéi'kan ma'éman wia ni Sia,

Yohanes 12:46

Ni Aku é niméyé wia ung kaayahan kenu in tou si nimahalimé u sena', wo sé tou sé ma'éman wia ni Aku én zéi'kan mahwitu-witu ung karimbengbengan.

Yohanes 3:21

Taan péléng sé tou mahwangun an ulit é méyé witu u sena' itii, pahpaan u sena' itii é mangun am pahwangunen néra a mengiit um paaz ni Opo Empung kaile-ilekan.”

Yohanes 8:12

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Yohanes 8:59

A séra méndomé watu i merit ni Sia, taan si Yesus én zéi'mo niilek nérama in timula'uma u lésaz um Walé ni Opo Empung.

Efesus 5:8

Im puuna ni kamu én zéi'kan mahkiit um paaz ni Opo Empung, ni kamu én tanu menou-nou witu ung karimbengbengan. Taan in tarékan, ni kamu é nimaesamo karia ni Opo Empung, niitumo ni kamu é menou-noula witu un ayah.

1 Tesalonika 5:5

pahpaan ni kamu péléng é menou-nou witu un ayah wo menou-nou in endo. Ni kita én zéi'kan menou-nou im wengi kaapa menou-nou witu ung karimbengbengan.

1 Tesalonika 5:8

Taan ni kita sé menou-nou in endo é léwo'zéi' tuméga-tégam. Wangunela um pa'émanenta wia si Yesus wo u raraatéanta wia sé katuari esa pa'émanen maéndo tanu ung karai uaséi ing kimelung um wezwezta wo um pahéré'anta i ni kita én ipilot im witu un ukuman wana a singkéla', maéndo tanu um porong ing kumelung un ulu.