Yohanes 12:34 - Taaz Weru Witu u Nunuwu'en Tombulu

³⁴ A Sia wingkotela né tou lakez, “Ni kai én timalingamo im wana an tinotoz witu un ukum Torat i si Mesias é menou-nou makaz ing kauré-uré. Kura kahuman ni Ko mahkua i si Oki' ni Tou é léwo'zéi' in itooz? Séi si Oki' ni Tou itii?”

Yohanes 12:34 Iomraidhean Croise

Matius 16:13

I si Yesus méikaayomoma witi Kaisarea Filipi, ni Sia meligau wia sé pahtuzu'en-Na, “Kuan né tou, séi si Oki' ni Tou itii?”

Matius 21:10

I si Yesus nimuntepoma witi Yerusalem, a maringka'mé péléng sé tou witi wanua tua'na itii wo mahliligauan, “Séi wé si tou kenu?”

Matius 8:20

Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Yohanes 10:34

Kuan ni Yesus wia ni séra, “Wéwéhan u méipantik witu un ukum Torat niou: si Opo Empung é nimuwu'mo, ‘Ni kamu én tanu empung’.

Yohanes 12:32

Wo ni Aku, sa ni Aku itooz im wia ung kaayahan kenu, ni Aku mangun péléng sé tou méyé wia ni Aku.”

Yohanes 15:25

Taan u nuwu' méipantik witu un ukum Torat é léwo'zéi' i malekep: ‘Ni séra é mazi'zis ni Aku, taan zéi'kan siapa zozo' in esa um winangun-Ku u mangun ni séra mazi'zis ni Aku.’

Yohanes 8:28

A si Yesus kumuama wia ni séra, “I ni kamu timoozola si Oki' ni Tou, taré kamu mata'u i ni Akumo Sia si méipahkua-Kula. Wo ni kamu é mata'u im péléng am pahwanguneng-Ku én zéi'kan pahwanguneng-Ku mengiit um paaz-Ku in esa. Taan ni Aku mémahkua umana a méituzu' ni Ama'-Ku wia ni Aku.

Roma 3:19

Kata'uanta péléng a méipantik witu un ukum Torat é méiwéhé wia sé tou sé mahkiit un ukum Torat. Karia in téntu péléng a sumah é mapenes wo péléng sé wia ang kaayahan é maukumen ni Opo Empung.

Roma 5:18

Niitumo, pahpaan u singkéla' ni Adam péléng sé tou makailek un ukuman. Téntu kangkasii, pahpaan ung kaulitan winangun ni Yesus Kristus, péléng sé tou niéndo ulit é makailek ung katou-touan.

Ibrani 7:24

Taan si Yesus Kristus é menou-nou makaz ing kauré-uré. Ni Sia én zéi'kan pahsawe-sawelala im walian.