Yohanes 12:29 - Taaz Weru Witu u Nunuwu'en Tombulu

²⁹ Sé tou lakez rimendai witu wo timalinga niitu mahkua i niitu én tila'pong uman. Wéwéhan kasii sé mahkua, “Si malaekat é nimuwu'moma karia-Na.”

Yohanes 12:29 Iomraidhean Croise

Kisah Rasul-rasul 9:7

In toro niitu, sé tou mahwali kariana é menganga-nganga pahpaan ni séra é mahtalingamé u nuwu' itii taan ni séra zéi'kan nimilek tou zozo' in esa.

Wahyu 11:19

A mawukama um Walé ni Opo Empung um witi kasendukan. Ilekengkuma un Tatahu'an liné'osan um pinataazan ni Opo Empung witi untep um Walé-Na itii. A mahsena'mé an tila'pong wo mahzanimé an erut, méhzo'mé wo mahuzané éis totoz repet.

Wahyu 14:2

An talingangkumé u nuwu' totoz rimez witi langit, tanumokan enderna un tapahan wo un erut. U nuwu' tinalingakumé itii én tanumokan an zanina ang kecapi am pahléongan né tou.

Wahyu 6:1

Tumondongla niitu, ilekengkuma si Anak ni Domba itii nimukama u segel kataré wana am pitu segel itii. An talingangkumé si esaané im wia sé epat tumou-tou itii é mahkérété, ung karimezna én tanumokan un zanina un erut in téntii, “Méyémo!”

Wahyu 8:5

Tumondong niitu si malaekat itii méndomé um pahtunuan ang kamania, tutungannala karia un api niéndonamé witu um pahtunuan a raragés, a niitu ilombo'namé wia ung kaayahan. A zumanimé un erut nimahwalimé karia un tila'pong wo un éhzo'.