Yohanes 12:28 - Taaz Weru Witu u Nunuwu'en Tombulu

²⁸ Ama', ituzu'mé ung kawangko'an-Nu!” An talingané u nuwu' witi kasendukan a méyé, “Ni Aku én timuzu'mo ung kawangko'an-Ku. Wo ni Aku kasii é matumuzu' ung kawangko'an-Ku sumaup.”

Yohanes 12:28 Iomraidhean Croise

Matius 11:25

In toro niitu si Yesus mengaléi, “Ni Aku kumuama u makasé wia ni Ko, Ama', Opo Empung u langit wo ung kaayahan, pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'.

Matius 11:26

Niitu u nimangun un até ni Ama' i mahpaa-paaz.”

Matius 17:5

Taan i si Petrus karegaspé' mahnuwu', kumompo'mé an tumumpamé u ninahak mahsena' ang kumungkunga wia ni séra. Im witu un untep u ninahak itii tinalingamé u nuwu' kimuamé, “Si Kenumo si Oki'-Ku si ikararaaté-Ku, ni Sia si mahwangun un até-Ku mahpaa-paaz, pahtalingala Sia.”

Matius 26:42

A Sia mamengaléi ing kazua. Kuan-Na, “O Ama'-Ku, sa an zézéha kenu zéi'kan mamuali in izou'ma wia ni Aku, taan léwo'zéi' im pengaling-Ku, mamualimola mengiit ung kapaaz-Mu.”

Matius 3:17

An talingané u Nuwu' witi kasendukan ung kimuamé, “Si kenumo si Oki'-Ku si ikararaaté-Ku. Ni Siamo si mahwangun un até-Ku mahpaa-paaz.”

Markus 1:11

An talingané u nuwu' witi kasendukan a méyé, “Ni Komo si Oki'-Ku, si totoz ikararaaté-Ku. Ni Komo si mahwangun ni Aku mahpaa-paaz.”

Markus 14:36

Kuan-Na, “O Abba, o Ama'-Ku. Kata'uang-Ku, péléng am péléng én toro wangunen ni Ama'. Éndonoma an zézéha kenu im wia ni Aku. Taan tia'mo ikiit um paaz-Ku, taan ikiit umanla um paaz ni Ama'.”

Markus 9:7

Tumondong niitu an tumumpamé u ninahak ang kumungkungé wia ni séra. Wo witu un untep u ninahak itii talingané u nuwu' kimuamé in téntii, “Si kenumo si Oki'-Ku, si ikararaaté-Ku, pahtalingala Sia!”

Lukas 3:22

an tumumpamé witu um wawo-Na si Roh Lenas tanu si bombo. An talingané u nuwu' witi langit, ung kimuamé, “Ni Komo si Oki'-Ku si ikararaaté-Ku, ni Ko si mahwangun un até-Ku i mahpaa-paaz.”

Lukas 9:35

Im witu u ninahak talingan néramé u nuwu' mahkuamé, “Si kenumo si Oki'-Ku. Ni Sia ém pinéléng-Ku. Pahtalingala Sia!”

Yohanes 11:4

Taan in timalingama u méikuamé itii, Sia kimua, “U saki itii én zéi'kan mangun ni sia i maté. Niia nimamuali wo si Opo Empung loozen wo sigi'en wo pahpaan u saki itii si Oki' ni Opo Empung é loozen wo sigi'en.”

Yohanes 18:11

Kuan ni Yesus wia si Petrus, “Iuma'la um pisoumu itii, apa pahgenangenula ni Aku én tumingkas im wana an zézéha tinotozo ni Ama'-ku im pendaneng-Ku?”

Yohanes 9:3

Si Yesus mingkotla, “Ni sia nimaletok én zéi'kan pahpaan a siningkéla'na wo zéi'kan kangkasii pahpaan a siningkéla' né tu'ana, taan wo sé tou toro milek um pahpaayangen ung kawasa ni Opo Empung wia ni sia.

Efesus 2:7

Si Opo Empung mangun niitu, wo in tumondong sé tou toro milek u raraatéan-Na un zéi'mo kakuaan wo u lé'os-Na wia ni kita pahpaan nimaesa karia ni Kristus Yesus.

Efesus 3:10

Wo mengiité sé jamaat, si Opo Empung in tarékan toro mapata'u ang ginenang-Na tumoro péléng ang katulapan-Na wia sé mahperénta wo sé mahkawasa witi kasendukan.

Efesus 3:21

U looz wo u sigi' né jamaat ém wia uman si Opo Empung mengiité si Kristus Yesus makaz im pahpuyunan wo makaz ing kauré-uré! Amin.

2 Petrus 1:17

Ni kai ém wana i si Yesus nimakailek u sigi' wo u looz um wia si Opo Empung a méyé. Niitu nimamuali i si Opo Empung Si Totoz pahsigi'en wo pahloozen ing kimua wia ni Sia, “Si Kenumo si Oki'-Ku, si ikararaaté-Ku. Ni Sia si mahwangun un até-Ku i mahpaa-paaz.”