Yohanes 12:23 - Taaz Weru Witu u Nunuwu'en Tombulu

²³ Ang kuan ni Yesus wia ni séra, “In tarékano un orasna si Oki' ni Tou i loozen wo sigi'en.

Yohanes 12:23 Iomraidhean Croise

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Matius 26:45

Kumawusa niitu, a Sia mawurimé sumaup wia sé telu pahtuzu'en-Na ang kumua wia ni séra, “Timekel wo kimana'pé' kasii kamu? Ilekena, un orasna é méikaayomola i si Oki' ni Tou iayo wia sé tou mahsingkéla'.

Markus 14:35

Sia lumampanga oki' ang kumepama witu un tana' a mengaléi, sa tanu an toro ni Sia én zéi'kan mendan un oras in zézéha itii.

Markus 14:41

A si Yesus mawurimé sumaup wia ni séra ing katelu, ang kumuama wia ni séra, “Timekel wo kimana'pé' kasii kamu? Toromo! Un orasna é méikaayomola. Ilekena, si Oki' ni Tou én iayo wia sé tou mahsingkéla'.

Yohanes 12:16

In toro niitu sé pahtuzu'en ni Yesus én zéi'kampé' makatulap am pahwangunen né tou lakez itii. Taan i si Yesus nimakailekola u sigi' wo looz i ni Sia méitoumomé sumaup, taré kagenangan nérala péléng a nimamuali wia si Yesus, tanu u méikua ni Opo Empung witu um Pinantik Lenas, téntu kangkasii péléng am winangun néra wia ni Sia.

Yohanes 12:27

In tarékan un até-Ku én totoz rumara. Apapé' un ikua-Kuma? Apa ni Aku kumua, ‘Ama', tia'mo iwaya ni Aku mazézéha tanu niia.’ Zéi'kan. Pahpaan ni Aku i niméyé wia ung kaayahan kenu é méyé i mazéha.

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 7:39

Si pahkuan ni Yesus én tumoro si Roh ni Opo Empung, si makailekan né tou ma'éman ni Sia. Pahpaan in toro niitu si Roh ni Opo Empung én zéi'kampé' niméyé, pahpaan si Yesus én zéi'kampé' pahloozen wo pahsigi'en.