Yohanes 12:16 - Taaz Weru Witu u Nunuwu'en Tombulu

¹⁶ In toro niitu sé pahtuzu'en ni Yesus én zéi'kampé' makatulap am pahwangunen né tou lakez itii. Taan i si Yesus nimakailekola u sigi' wo looz i ni Sia méitoumomé sumaup, taré kagenangan nérala péléng a nimamuali wia si Yesus, tanu u méikua ni Opo Empung witu um Pinantik Lenas, téntu kangkasii péléng am winangun néra wia ni Sia.

Yohanes 12:16 Iomraidhean Croise

Markus 16:19

Makanuwu'la si Yesus wia sé pahtuzu'en-Na, a Sia mawénéta mangé witi kasendukan, a marumumez witu ung kakan ni Opo Empung.

Markus 9:32

Sé pahtuzu'en ni Yesus én zéi'kan makatulap ung kalakoan u méikua-Namé, taan katéntu néra i lumigau niitu wia ni Sia.

Lukas 18:34

Taan sé pahtuzu'en ni Yesus én zéi'kan makatulap péléng a méikuama itii. Ung kalakoan an ipahkua-Na é méikawunipé' im wia ni séra. Zéi'kan kata'uan néra tumoro apa um pahkuan-Na.

Lukas 24:25

Ang kuan ni Yesus wia ni séra, “É ni kamu in tou lemou, tahlous ngerez un até niou i ma'éman péléng a mémoikuamé né nabi!

Lukas 24:45

A séra sawangan-Nala i nimukama ung genang néra wo toro makatulap um Pinantik Lenas.

Lukas 9:45

Taan sé pahtuzu'en ni Yesus én zéi'kan makatulap ung kalakoan u méikua-Namé. Ung kalakoan u méikuamé ni Yesus é méikawunipé' im wia ni séra, niitumo zéi'kan katulapan néra ung kalakoana. Taan ni séra é maindé' i lumigau wia ni Sia.

Yohanes 12:23

Ang kuan ni Yesus wia ni séra, “In tarékano un orasna si Oki' ni Tou i loozen wo sigi'en.

Yohanes 14:26

Taan si Roh Lenas, si Menunulung, si iatumé ni Ama'-Ku mengiité u ngaran-Ku, ni Siamo si matumuzu' ni kamu péléng am péléng wo mapagenang wia ni kamu péléng a mémoikua-Ku wia ni kamu.

Yohanes 16:4

Taan péléng niitu én ikua-Kuma wia ni kamu, wo i méyé un oras méikua-Kuma itii, ni kamu é maikagenang i ni Aku éng kimuamola niitu wia ni kamu.” A si Yesus kumua, “Niia én zéi'kan méikua-Ku rengan ing kataré-taré, pahpaan ni Aku é mengari-ngariapé' ni kamu.

Yohanes 17:5

Wo in tarékan, o Ama', ipapaileka ung kawangko'an-Ku in Oki'-Mu, karia ung kawangko'an un anu-Ku karia ni Ama' rengan im puuna, puunala ung kaayahan kenu im winangun.

Yohanes 2:22

Niitumo, kumawusa si Yesus i méitoumé sumaup ni Opo Empung im wia sé nimaté, sé pahtuzu'en-Na é méikagenanga i niitu é méikua-Namola wo ni séra kangkasii é nima'éman um Pinantik Lenas wo wana a méikua ni Yesus.

Yohanes 7:39

Si pahkuan ni Yesus én tumoro si Roh ni Opo Empung, si makailekan né tou ma'éman ni Sia. Pahpaan in toro niitu si Roh ni Opo Empung én zéi'kampé' niméyé, pahpaan si Yesus én zéi'kampé' pahloozen wo pahsigi'en.

Kisah Rasul-rasul 2:33

Tumondongla niitu, ni Sia é méirakék ni Opo Empung a makaileké si Roh Lenas si méitaaz ni Ama'. An itumpa-Namé si Roh itii tanu a niilek wo tinalinga niou wia un tampa kenu.

Kisah Rasul-rasul 2:36

Niitumo, ni kamu péléng in tou Israel é léwo'zéi' in totoz mata'ula i si Yesus si salip niouola itii ém winangunola ni Opo Empung maéndo Mahpiara wo Kristus.”

Kisah Rasul-rasul 3:13

Si Opo Empung si pa'émanen ni Abraham, ni Ishak wo ni Yakub wo kasii si pa'émanen né nimaopota, ni Sia é simigi' wo limoozola si Ata-Na, si Yesus si méikasoo nioula wo méiayo nioula wia si gubernur Pilatus, zozo' si Pilatus in esa timotozola i milot ni Sia.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Ibrani 8:1

Un totoz ipahpuu-puuna witu um pahkuaku kenu, ni kita ém wéwéhano si Walian Wangko' téntu, si rimumezo witu ung kakan u rurumezan ni Opo Empung si Kolano Totoz Wangko' witi kasendukan.