Yohanes 12:13 - Taaz Weru Witu u Nunuwu'en Tombulu

¹³ ni séra mahéndomé an zani'na am palem a masumungkul ni Sia, karia i mahkérét, “Hosana! Loozela ni Sia si niméyé karia u ngaran ni Opo Empung, si Kolano né Israel!”

Yohanes 12:13 Iomraidhean Croise

Matius 23:39

Ikua-Kuma wia ni kamu: Rengana in tarékan ni Aku én zéi'mo pahile-ileken nioula, makaz ni kamu mahkua, ‘Loozela Sia, si niméyé karia u ngaran ni Opo Empung!’ ”

Matius 27:42

“Sé tou walina én tinulung-Na, taan un tou-Na in esa én zéi'kan katulungan-Na! Sa ni Sia éng Kolano né tou Israel, iwayamola Sia in tumumpamé witu u salip itii, karia in téntu ni kai é ma'éman wia ni Sia.

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

Yohanes 12:14

Si Yesus nimakailekla si keledai peranggang a Sia sumakéla wia si keledai itii. Niitu én tanu u méipantik witu um Pinantik Lenas in téntii:

Yohanes 12:15

“Tia'mo maindé', é kamu sé witi Sion! Ilekena, si Kolano niou é mahéyémo, simakémé wia si keledai peranggang.”

Yohanes 19:15

A séra mahkérét, “Wunu'enola Sia! Wunu'enola Sia! Salipenola Sia!” Ang kuan ni Pilatus wia ni séra, “Paaz kamu wé sa si Kolano niou salipengku?” Ang kuan né tonaas né walian, “Si Kolano nai én esa uman, ni siamo si Kaisar!”

Wahyu 15:3

Wo ni séra é mahkantar ung kakantaren ni Musa, si ata ni Opo Empung wo kasii ung kakantaren ni Anak ni Domba, u mahkuamé in téntii, “Wangko' wo zéi'kan kakuaan péléng am pinaayang-Mu, o Mahpiara, Opo Empung, Si Totoz Mahkawasa! Péléng am winangun-Mu én zéi'kan mahsanaweka wo ulit, o Kolano péléng né tahsasana wanua!

Wahyu 19:16

Witu ung karai tonton-Na wo witu um paa-Na ém pinantikan u ngaran, “Kolano péléng né kolano wo Tuang péléng né tuang.”

Wahyu 7:9

Kumawusa niitu, ilekengkuma sé sana réwok tou totoz lakez sé zéi'mo karékénan. Ni séra ém wia péléng sé tahsasana wanua, tahsasana suzu, tahsasana réwok mahtuari, wo sé tahsasana nunuwu'en. Ni séra péléng é rimendai witu sinaru u rurumezan ni Kolano wo witu sinaru ni Anak ni Domba, kimarai ang karai tonton kulo', timion am pala'pa'na am palem.