Yohanes 11:55 - Taaz Weru Witu u Nunuwu'en Tombulu

⁵⁵ In toro niitu un endo Paskah né tou Yahudi zéi'mo uré wo lakez sé tou sé wana am wanua mangé witi Yerusalem i meresi un tou puunala un endo Paskah itii.

Yohanes 11:55 Iomraidhean Croise

Matius 26:1

I si Yesus nimakakuamola niitu, ang kuan-Na wia sé pahtuzu'en-Na,

Matius 26:2

“Kata'uan niouo, zuana endomokan é lumé'oso un endo mahpésta pahkuan Paskah, wo si Oki' ni Tou é maiayo i salipen.”

Markus 14:1

Zuana endomokan sé tou Yahudi é lumé'oso un endo mahpésta pahkuan Paskah wo i lumé'os un endo Roti Zéi'kan Rinagian. In toro niitu, sé tonaas né walian wo sé tou tulap un Torat é menéro-néro lalan in tumion si Yesus wo munu' ni Sia karia i mahwuni-wuni.

Lukas 22:1

Un endo mahpésta i lumé'os un endo Roti Zéi'kan Rinagian um pahkuan Paskah én zéi'mo uré.

Yohanes 12:1

Enemna endo puunala um Paskah né tou Yahudi, si Yesus niméyé witi wanua Betania, um pahento'an ni Lazarus si méitoumé sumaup ni Yesus im wia sé nimaté.

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 18:28

Tumondong niitu, ipahwali nérama si Yesus im witi walé ni Kayafas a mangé witi istana ni gubernur Romawi. In toro niitu ém woondopé' lé'os. Sé tou Yahudi én zéi'kan nimuntepa witi istana itii, pahpaan sa kiit ung kinanaram né tou Yahudi, un tou néra é makati'tiren sa mahkari-karia wo sé tou zéi'kan Yahudi wo zéi'mo mata'u kuman im Paskah. In toro niitu ni séra é mamokuman witu um pésta Paskah.

Yohanes 2:13

I melelezoma un endo mahpésta um pahkuan Paskah né tou Yahudi, si Yesus nimangé witi Yerusalem.

Yohanes 2:6

Im witu ém wéwéhan enem tampayang u niimek im penanahu'an zano pememeresi mengiit ung kinanaram né tou Yahudi. Witu u sana tampayang én toro tahu'an zano woo waluna pulu' kaapa sana atus wo zuana pulu' liter.

Yohanes 5:1

Kumawusa niitu, si Yesus mangé witi Yerusalem, pahpaan in toro niitu én endo wangko' né tou Yahudi.

Yohanes 6:4

In toro niitu, un endo mahpésta né tou Yahudi um pahkuan Paskah én zéi'mo uré.

Kisah Rasul-rasul 21:24

Ipahwalimuma séra epat wo maweresila un tou niou mengiit ang kinanaramta wo pakawaérennula an iwaér i lumo'gas am wuuk néra. Karia in téntu, péléng sé tou é mata'u im péléng an tinalinga néra tumoro ni ko én zéi'kan ulit, pahpaan ni ko é mahkiitpé' un ukum Torat.

Kisah Rasul-rasul 21:26

Masandomé, si Paulus karia né epat tou itii nimahwalima mameresi un tou néra mengiit ung kinanaram néra. A séra muntepa witi Walé ni Opo Empung i makumua sa makaz sawisa ung kinanaram néra i meresi un tou itii. Wo sa niitu simampetola, ni séra si esa wo si esa é méhé a raragés wia si Opo Empung.

Kisah Rasul-rasul 24:18

Karegas ni aku i mahwangun péléng niitu, sé woopira tou Yahudi witi Asia a méye, nimilek ni aku im witi Walé ni Opo Empung. Ni séra nimilek ni aku i ni aku simampetola nimeresima un touku mengiit un ukum Torat. I ni aku nimeresi un touku, sé tou niméyé én toyo' uman wo im witu kasii én zéi'kan nimarikoka'.

1 Korintus 11:28

Niitumo, pahtata'ula ni esa wo ni esa un aténa, weresi kaapa zéi'kan, wo taré kumiit ing kuman u roti wo melep un anggor witu um pengengelepan.

Yakobus 4:8

Rumétéla wia si Opo Empung, ni Sia kangkasii é rumété wia ni kamu. Weresila u lengen niou, é kamu in tou mahsingkéla', wo weresila un até niou, é kamu sé mahzua-zua genang!